شكله (( المخاوي )) بتاع الشيخ

[منقاش]

سلام يا حليفي يبو سيفين , والسلام يعم بقية ألأخوان , أما ما بعد :
يخسى المخاوي وأنت ما تخسى , يخسى , هذا على ألأقل قابل واحد تكوندي وكنكنده حتى طرحه الككوندي على ألأرض متككود , لكن المخاوي ما يقدر يقابل دجاجه .
خذ العلم من واحد خاواه ويعرف اللي قدامه واللي وراه , يعني ما عندك أحد ؟؟.
وعلى طاري المخاوي , تراه قبل حوالي أسبوع كلمني وأنا في ضيافة حليفي المهراجه في كاندي وسعلني وقال , يبو نقشه أنت ما تقرا المنتدى ؟, رديت عليه , أنا ملتهي عن المنتدى , وان قريت اللي به ما قدرت أرد على اللي فيه بسبب البرامج ومفاتيح لوحة المفاتيح اللي ما هي معربه بهالديار .
رد عليه بسعال ثاني وقال , أنت ما دريت أنهم طردوني من المنتدى ؟, جاوبته وقلت , الله يبشرك بالخير , وهذي الحزه المباركه , ولو أحد سمع رايي كان طردوك من زمان .
زفر بزفره من جهته , وانا من جهتي صكيت السماعه بوجهه وكلي شماته ....