فضها سيره

[تحت الصفر]

فضها سيره فضها سيره فضها سيره فضها سيره فضها سيره

يـ ابن الحلال .. انت ما تجدي مداراتك
حيرتني ...
فوق ماني منك في حيره.

أتعبت ذاتك >>
كذا من حبك لذاتك
حتى ان ذنبك ..
تطالبني بتكفيره.

يا كثر ما تهت في .. غابات نياتك.
من دون ماجيب لك
عن ما حدث سيره

وانت .. انت!!!

حدك تِفِــلْ وتشغل اوقاتك
وان جات للجد <
مالك فالخلا نيره.

تعبت اداري مزاجك
واجمع اشتاتك
واستاصلك من جذور الشك والغيره.

ما جيت اضايقك..
وازود معاناتك
شي(ن) يعكر مزاجك
قلعته خيره.

إن ما تحس بوجودي يسعد اوقاتك؟
يا قربها من لسانك >
( فضها سيره ).

خلك على قولهم
صاحي لحاجاتك
لا عادها الله صداقه ..
كلها حيره.

إغنم حياتك ..
وراجع كل ما فاتك
إن كان ما شفت لك
في داخلي ديره.

واسمح لي اقراك ..
من صفحات نياتك
عقد لساني
حلات اسلوبك الشيره.

ما كل حالي >>
يضيق صدرك ان فاتك
أحيان سر الدوى ..
في حامض البيره.

وان ذكرياتك ..
تضيق ابها مساحاتك
كم واحد(ن) ضاق ..
أول ما فقد طيره.

لا تحسب انت الوحيد
اللي جراحاتك
تلعب بجوك ..
وتتخصص بتعكيره.

أنا لو انزع وجودي >>
من مساماتك
يبقى الألم فيك ..
وانا اشعر بتأثيره.

لابدني كنت غلطه ...
في حساباتك
إن كان هذي >
ترى فالدرب تدويره.

فتره ..
ومن بعدها ... تهدأ مزاجاتك
وتقول خيره !!
(بعد ما فضها سيره)