استعدادنا للمدرسه لازم يكون مميز ..

[بنت شيوخ]

استعدادنا للمدرسه لازم يكون مميز .. استعدادنا للمدرسه لازم يكون مميز .. استعدادنا للمدرسه لازم يكون مميز .. استعدادنا للمدرسه لازم يكون مميز .. استعدادنا للمدرسه لازم يكون مميز ..

الان الكل يستعد للمدرسه ، وموضوعي مو عن المشتريات المدرسية ..

عن امور ثانية لازم ننبه الاطفال ونخليها شي اساسي عندهم ..















الصلاة :

قال صلى الله عليه وسلم :

( مروا أبناءكم بالصلاة لسبع سنين واضربوهم عليها لعشر سنين)

يعني من اولى ابتدائي نأمرهم فقط ، نحببهم بصلاة ولكن مانشدد ولا نسأل صليت والا لا عشان مانخليه يكذب ..

صدقيني اذا الام اهتمت تذكر ابنها خمس مرات يوميا للصلاة مع الايام يبدأ الطفل يشعر بأهمية الصلاة ولا تجي عشر

سنوات او قبل الا يكون محافظ عليها .














اذكار الصباح والمساء :

احرصي انه يقولها ويهتم فيها خليه يبدأ يومه بصلاة الفجر ولا يقوم من مكانه لين يقول اذكار الصباح ..

بالبدايه خليه يحفظ (اعوذ بكلمات الله التامات من شر ماخلق ) وكل فتره اضيفي شي جديد ..










اذا عند طفلك آي بود حملي الحصن المسلم وخليه بعد صلاة الفجر والعصر يقرأ منه ، بتلاحظين انه يحفظ الاذكار مع الوقت ..

وبرضوا للفايده فيه برنامج للقرآن ( حفظ القران الكريم للاطفال والكبار ) رائع جدا حمليه و عن طريقه يقدر الطفل يحفظ القران لانه يكرر ..

او حمليها بجهازك وخلي ولدك والا بنتك يستخدمونه .. بيني لهم اهمية الاذكار وانها تحفظه من كل شر ..









فيه اجهزه ثانيه مثل اللاب توب المعلم وبابا سلام وغيرها لو وفرناها لاطفالنا بيحفظون الاذكار بسهوله ..

وبيعتمدون على انفسهم بحفظ القرآن ..
















الفسحة :

في نقطتين بوضحها ..



الاولى :

لازم يحرص الطفل انه مايرمي الاكل ابدا ويحاول يكمل الفسحه اللي معاه ، ولو اشترى شي من المقصف ولا عجبه لا يرميه

يجيبه للبيت و يحطه مع الخبز اللي تجمعينه ..

بالذات اللي سنه اولى لازم نفهمهم زين ، لانهم بيلاحظون بالمدرسه الاطفال يرمون ولا فيه اهتمام ابدا ..

وبرضوا لازم يهتم لو شاف اكل مرمي على الارض يشيله ويحطه عى جنب .. ذكريه بالصومال وقولي له قصص

وانه ممكن ربي يسلب مننا هذي النعمه ..

ضروري كل ام تهتم بالنقطه هذي والله شي يحزن اللي يصير بالمدارس ، ترى اي طفل يرمي بدون خوف من الله الغالب تكون الام ماتنصحه ..

فيه للاسف اطفال يرمون الاكل بكل استهتار على الارض ، وفيه اللي يمشي و يدوس الاكل ..؟!!

وحتى المدرسه تتحمل المسؤليه ، و اذا الاداره ماتهتم اللي علينا ننصحهم ونذكرهم ، ونتمنى المدرسات والمدرسين يكون لهم دور بـ التوعية في هذا الجانب ..











النقطه الثانية :

_ لابد الطفل بنفسه يعرف يفرق بين المفيد والمضر يعرف ايش اللي ممكن يشتريه يوميا ، والشي اللي له مضار ويحاول يخفف منه ويشتريه مره بالاسبوع ..


الحلاوه اللي كلها الوان وصبغات نحذرهم منها ونقول لهم على مضارها ونجيب لهم خيارات بدالها مثل الشوكلاتات بأنواعها والبسكوت ..



العصيرات اللي مامنها فايده يشترون بدالها حليب وفي بعدة نكهات ..


وعشان مايكون فيه نوع من الحرمان نقول حدد يوم او يومين بالاسبوع واشتري شبس وعصير ، اهم شي مايكون يومي ..


لا تقولون مستحيل الطفل يشوف قدامه اللي يحب ويتركه ، صدقيني اذا نصحناهم واهتمينا وشجعناهم بنشوف اطفال حريصين ويهتمون ..


اهم شي وضحي انه المضار ماتجي على طول ، لا بعد مده يضعف الجسم وتضعف المناعه ..

ولا تركزين على الموضوع وبين فتره وفتره ذكريه بالمضار، ولا تسألينه اذا جاء من المدرسه اشتريت شبس ؟؟ لانه ممكن يكذب عشان يرضيك ..

اللي علينا ننصح وبس بدون تشديد .. ولا ننسى انه كل ممنوع مرغوب .

يتبع