( بــ الفين طقاق )

[تحت الصفر]

( بــ الفين طقاق ) ( بــ الفين طقاق ) ( بــ الفين طقاق ) ( بــ الفين طقاق ) ( بــ الفين طقاق )

بــــــدا بداخل صدر خلي
ضَيَاقَهْ.
حسيتها في داخلي ..
قبل ما ضاق

تِنْهي عــلاقــات الجَـدِي ..
مع رِفَــاقَـــهْ.
لو كان نجم الجدي ..
لامع وبرَّاق.

يا مـــــن ..
يطمن خاطري ..
عن فراقه.
ويقول ما يقوى ..
على لي الاعناق.

واضح يبي يفتح على الغدر ..
طــــاقه.
واخذ يبرر شي ..
ماهوب ينطاق.

حاليه مُــــــرْ ..
ولو تعدى نطاقه.
ماهوب واقف عند ..
تنشيف الارياق.

أمَـــرْ ما في الحب ..
قطع العلاقة.
واضَـــرْ ما في الواسطة ..
قطع الارزاق.

والَـــذْ ما في الزاد ..
طعم الذواقة.
ويا كُـثْــرْ .. من لا شاف زاده ..
ولا ذاق.

بعض الخوافي ..
ما عليها دراقه.
تبدي اذا ما هزها ..
سيل الاشواق.

وتروح فيها ..
مثل موس الحلاقه.
في راس غِـــرٍّ(ن) ..
ما بعد هَــزْ مِعْلاق.

يالصَّاحِب اللي ..
مَــــدْ شـَـيٍ وبــاقــه.
ياليت ما مديت لي ..
شي ينباق.

أهـــون يكون البـــاب ..
محكم وثاقه.
ولا تكون بعين صاحبك ..
ســـرَّاق.

يصعب على الوافي ..
تموت الرواقه.
فجْـــــــــأة ..
وهي قدام عينه بــمشناق.

بالـــــذات ..
لو سوء الثقه عنك ساقه.
واعطاك ..
طيبة قلب ..
واسكنك الاعماق.

واستامنك جُـــلْ الكلام ..
ودقاقه.
كتاب قدامك ..
ومفلول الاوراق.

ياذا الصديق ..
اللي خلا بالصداقه.
سكرة غرام و ودَّعت..
بعد ما فاق.

تِعْلِــنْ مراسم ..
بدء قطع العلاقه.
بلسان حــال يقول ..!!!...
( بــ الفين طقاق )

( بــ الفين طقاق )

( بــ الفين طقاق )

( بــ الفين طقاق )