ربيع منقاش

[منقاش]

ويصبحك ويمسيك يا شيخ سلام بالنور والحبور أنت وجميع الأخوان , بخصوص الصيد والصايدين فأنا والله أبغضهم حتى لو كان صيدهم بالصقور أو الكلاب لوحدها ..
والله لو كانوا جياع كان قلنا لهم صيدوا بسم الله وكلوا واشربوا ولا تسرفوا أن الله لا يحب المسرفين , لكن القضيه ترف وسرف حتى عند بعض أهل هالديار الأصليين اللي تلقى بنادق الصيد في شنط سيارتهم , وكل ما شافوا حيوان بري حتى لو كان ثعلب وجهوا له فوهات البنادق ولا تنقذه منهم الا بالفراعه والشفاعات والرفاعات وكأن بينهم وبين الحيوان ثارات ما تندمل جراحها...
والكلام يطول يا شيخنا ولا هذا مقامه ولا هذا زمانه , لكن اللي ما أقدر اتركه في هذي العجاله , هو سعال لطالما تردد د واعتلج في نفسي كل ما شفت نجيماتك الثلاث وقريت مداخلاتك واقول في خاطري هو كيف يتجرا الشيخ سلام ويتجاسر حتى يتخاطب معنا يا أهل النجوم السبع ولا فخر؟؟؟..

مشرفناالعام ابو عبدالرحمن , يقول لك ابو نقشه أن المخاوي ثاوي في دار ابو سفيان ثم تجي وتشكك في كلامنا الذابح بسبب تغريدات شفتها في منامك ؟؟..
الله يهديك والا يقدرنا نشلحك من الشرافه ونحط مكانك من هوأكفأ منك , ويا كثرهم وأولهم الدكتورمشعان طيب الله ذكراه ؟؟..