أبو نقشة ومخاويه مساجلة شعرية فريدة

[منقاش]

تبارك الله عليه وعليك يا زيد الخير
الاوله : أنا ما أنا أبو نشقه , وكما تعرف أبو نشقه عضو مسجل في كنفيوتر ثماله وله خريط في الاستراحه ومنقطع عنا من فتره , ولا أستبعد أنه مطرود من المشرفين , ولا ينطرد الا من سوادة وجه سواها .
أما أنا فأنا أبو نقشه يعرفني القاصي والداني ويشوفوني من شدة الخوف في الماء أذا طالعوا فيه, يعني قدم حرف ووخر حرف حتى يركب السرج على الفرس , وخل البردعه لراعيها .
الثانيه : ترى الحسيل اللي ذكرت أخذته من الحمى عقيره أخت اللطشه أو بنت عمها , لأني ما كنت وقتها أدري أن الحسلان مسموح لها ترعى في الحمى , وبعدين الحسيل مع صغره يورا للواحد أنه تيس أدمح .
الثالثه : تراك ملت واجد مع مخاوي وزورت في بعض العلوم , والحقيقه أني أنا اللي لعطت مخاوي وآخرها تحت كبري الحويه ومن هناك غدا من الطايف وشرد للرياض . واظنك تعرف أنه هو والطقه اللي من مستواه ما ياكلون معي عيش أمثال ابن عزاب وابو أمجد ورويعي الكلاب .
الرابعه : أذان المغرب قرب ولا أمديني أكمل علومي ,,, لا تغرني من فطوري . وترى مخاوي في حايل هاليومين , واهل حايل ما عندهم تلفونات ولا كنفيوترات .