هديتي لحسن عابد

[حسن عابد]

من اشعار المرحوم محمد بن احمد السديري


ياعمير كانك نايم فانهض الراس
وان كان قاعد يابن الاجود قم لي
ياعمير انا اخترتك على جملة الناس
ابيك في بعض الامور تحشم لي
واللي شربت بكاس حبه بلاقياس
ياعمير جذ البعد شمله وشملـــــي
متى نشوفه عقب الاقفا والاياس
ومتى السعد عقب الفراق يخطملي
ان غاب تهت بغبةً مابها اوناس
وابري الى شفته وعمره سلم لي
يكبر عناي الى اسلمت عنه الارماس
ويضحك زماني وان مشى بالقدم لي
دايم يباريني من الود هوجاس
امــا ســرى مســراي والاجهمــلي
باب المودة لي ينادي بالاجراس
والحب عن كل الخلايق قسم لي
بالليل ياقف لي عن النوم حراس
وكثر الهموم الموجعه ترتدم لي
وان هب لي من يمة الشرق نسناس
من شاف حالي بالشتاء ينهضم لي
وان قلت لي ياعمير لاباس لاباس
اقول انا ياعمير ياثقل حملي
ياعمير قلبي والمعاليق يباس
قل للشريعه بالقصاص تحكم لي