عزف منفرد من مقام السيكاه على النوى

[سنا الهجرة]

المشاركة الأصلية كتبت بواسطة خلف بن عبدالعزيز

بكل الحب ألقاكم أحبتي هنا في منتدانا الحبيب

[poem="font="Simplified Arabic,5,indigo,bold,normal" bkcolor="orange" bkimage="images/backgrounds/64.gif" border="solid,4,darkred" type=2 line=0 align=center use=ex num="0,black""]
وش ذا الجنوح اللي اعترى ليله خيالي في الغرام=اودى بقلبي للفضول وحُب ادراك الحقيقه
والعباير عبره عبره شكّلت عندي انتظام=والصّور بالحيل تترى مؤلمه واللي رقيقه
في هوى الأصل الحقيقي مُشْ صِور باتت ركام=أصل واللي صوّر آدم ماتصورني دقيقه
والغريب اضرب لإسمه كلما مر السلام=والغريب اكثر لو اسمي مر قَلّه في حريقه
لجل هذا العقل أوعَزْ لي وانا انظم في الكلام=إنّي امشي في طريقي كل حي(ن) في طريقه
وان الآمال استحالت بعضها عند الأنام=واني اطرد ماء بصحرا دون افكر في بريقه
والحواجز نصب عيني خلْفَها ذاك المرام=واي صدمه في طموحي قد تسبّبْ لي بضيقه
قلت تسلم يالمؤنِب كل ماقلته تمام=بس انا عندي التفاؤل فوق تكفى لا تعيقه
كم صدق بالجو بارق لاح من بين الغمام=يوم هل الغيث عقبه كل ضامي بلْ ريقه
وان زحف كوم السّحاب لشرق والا راح شام=العوض قلنا على الله راح لديار(ن) عتيقه
والأمل توأم شعوري اثنين مافيها انقسام=والأماني امست تراقص للمقامات العريقه
بنجكه والا حسيني رست أو نغمة هُزام=أو سيكاه والا حجازي كلها قطعة مُسِيقه
عشت يامروّس طلبتك اضبط ايقاع المقام=(مرّه تَكْ تَكْ)( مرّه دُمْ دُمْ )خل ضرباتك عميقه
آااه ياشطْحات فكري تبتدي وقت الظلام=وان بدا لي الفجر الاول واقعي يطعن رفيقه
لا الخيال ادرك مرامي لا ولا ذقت المنام=والبلى في الواقع اللي مُرْ لا يمكن اطيقه

[/poem]دمتم سالمين
محبكم /خلف بن عبدالعزيز الثمالي

يا فنان يا مبدع يا رسام يا (خلف بن عبدالعزيز )

صح لسانك وسلمت يداك

على هذه الترانيم والعزف الراقي