حمار القايلة

[منقاش]

يا رفيقي يا شيخ الثعالب
تعرف ابن عمك الشيخ منقاش مرتاح في الأستراحه ومرهب في الأعضاء اللي يدخلونها وياخذون بخاطري ويدارون فيه هناك كما يوم تداري البيضه لا تنكسر طمع منهم في خيري واكتفا من شري , الله يكفيني شر نفسي , واللي ما فيه شر ما فيه خير .
والزبده أني ما أخرج من الأستراحه الا للزوم لزامه مثل سعالك هذا لأن خبرتي في الحمير كبيره واعرف أن باقي الشبختان اللي في المنتدى ما يعرفون من وين تطقع العنز والا كان جاوبوك ولا لطعوك تنتظر 14 ساعه.
الزبده : بالنسبه لسعالك أجيبك عليه واقول: الحمير فيهم رجال حطه على يمينك وفيهم وفيهم .
لكن حمار القايله تلقاها تصنقر معه أحيان في الضحى يوم تشتد الشمس والناس مروحه تقيل في بيوتها وباقي البهايم تدور شجره تفيا وتستضل تحتها ألا هو يا دافع البلا تلقاه يبحث عن أقرب مراغه ويمترغ فيها ثم يوقف في الشمس تقول زعلان ومسرح يتفكر في سبول القبايل والا خسران في سوق الأسهم وبطاقة سوا , والا تقول على ظهره شد سفري ومتصلب في وضع الأستعداد عند الساريه (ما يتحرك منه عضو واحد) .
ونصيحه تشتري كتاب عن الحمير وتثقف حتى ما تحوج نفسك تسعل مره ثانيه اللي يستاهل مثلي واللي ما يستاهل مثل المخاوي , وخلي بالك منقاش ترى ما هو شمسا شارقه يدري عن سعالاتك كلما سعلت حتى يجاوبك..