لقاء الشاعرين الكبيرن ( بعيد النظر و أبو عادل ) هنا

[@ بن سلمان @]

المشاركة الأصلية كتبت بواسطة ابو عادل

يابن سلمان جلهدت على الضعوف هذولي
خل بعضهم يرتاح لايطيحون من التعب والجوع
ياويلك من الله.

ابيهم يرضون عبيدالله اللي ما درا عني

[أبو عبدالرحمن]

بانتظار إبداعك يا ابو سعد...

[ابو عادل]

آسفين يابوسعد أخذنا من وقتك ومقدرين لك حضورك وسعة صدرك
وجهك ابيض والله لايهينك يابحر .
مشكور من القلب وكل من حضر وتداخل معنا ، وتصبحون على خير.

[حسن عابد]

صف من الكويت

صف مشعل

صف محمود عادل

الخياله يتقدمهم مشاكس ولبشه وابو الثعالب

صف بن سلمان

ابو عبدالرحمن وسناالهجرة وفارس الحرف في المنصه

[أبو عبدالرحمن]

والله ما قصرتم..

محاورة جميلة وليلة سعيدة

وشكرا لكل من حضر وشارك..

[سنا الهجرة]

المشاركة الأصلية كتبت بواسطة {بعيدالنظر}

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جينا وقلنا سلام الله سلامٍ يشرح البال=عداد نوٍ من المنشا تكاشح به بروقه
يالله عساكم بخير وعلموني كيف الأحوال=ولاّ الذهب ياثماله مايباع بغير سوقه[/POEM]

المشاركة الأصلية كتبت بواسطة ابو عادل

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا رحب يكفيك العمر لوالعمر طال=والآدمي تحت حكم الله ومقسومه يسوقه
واللي حضر له مكان ومنزله والوضع لازال=مايعرف المرّ والحالي يكود اللي يذوقه
[/POEM]

المشاركة الأصلية كتبت بواسطة {بعيدالنظر}

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله يبقيك ياللي لو يميل الوقت مامال=راسي سوات الجبل صفق الهبايب مايعوقه
نبي العلوم الرزينه والحمول خفاف وثقال=واللي جرد سيفه المحدود ماتوخذ حقوقه[/POEM]

المشاركة الأصلية كتبت بواسطة ابو عادل

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اللي يدور لراسه عن لهيب الشمس مقيال=ماعيّن الالهيب الشمس من تحته وفوقه
الحق من دونه البيبان مقفوله بالاقفال=ونشوف روس النخل لكن ماشفنا عروقه
[/POEM]

المشاركة الأصلية كتبت بواسطة {بعيدالنظر}

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إن كان ما آنت بوسيع الصدر ولاّماآنت محتال=الصبر طيّب وراع الصبر حظه مايبوقه
ماضاق عيش البنادم دامت إنه يرقب آمال=وليا تعجّل نثر ماه ولك الله مايحوقه[/POEM]

المشاركة الأصلية كتبت بواسطة ابو عادل

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماضاق صدري وفي الدنيا سعة ياطيب الفال=لكن رجل الزمن في سكة الباطل زهوقه
عزّ الله اني لياجاوقتها فارس وخيّال= وتلومني وانت شايف خيل برقا دون روقه
[/POEM]

المشاركة الأصلية كتبت بواسطة {بعيدالنظر}

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]آنته سمعت الرعد وتقول ليش الشعب ماسال=ترعد وتبرق لكن الغيث ماشفنا حقوقه
العلم جمّال في دربه سرق له زاد جمّال=القلب عشّاق والدنيا مليحه ومعشوقه[/POEM]

المشاركة الأصلية كتبت بواسطة ابو عادل

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا لياجيت في ديرة وانا طرقي وزلاّل=مدري عن اللي يبيع ويشتري والنوق نوقه
عساك تبدي على راس الجبل وتجرّ موّال=واللي تربّع على راس الجبل يعرف طروقه
[/POEM]

بيض الله وجيهكم ما قصرتوا

ووفيتوا وكفيتوا

[سنا الهجرة]

المشاركة الأصلية كتبت بواسطة حسن عابد

صف من الكويت

صف مشعل

صف محمود عادل

الخياله يتقدمهم مشاكس ولبشه وابو الثعالب

صف بن سلمان

ابو عبدالرحمن وسناالهجرة وفارس الحرف في المنصه

الله يجزاك خير يابو علي حطيتني في المنصة وانا قاعد
أسعى بين الصفوف وانسق وارتب واوجه واصيح الين انسد حلقي ( وتقول المنصة )


المنصة للشيوخ والضيوف

[حسن عابد]

المنصة للشيوخ والضيوف
فرصة ضاعت كان جلست مكانك

[مشاكس]

ماشاء الله
غبة الإبداع
بعيد النظر
أبو عادل
علمين
ليسا بحاجة لمزيد من الإطراء

[مشعل الثمالي]

واللي تربع على راس الجبل يعرف طروووقه
صح لسانك ابو عادل لاهنت ولا هان بعيد النظر
حي ابو عادل ...