القاري يا أهل النحل .

[منقاش]

أخويه جنتل الطايف : نعم حالك وزان فالك ووسع الله بالك , ومشكور على جوابك ....
حليفي وباحثنا الشيخ سلام : وربي يبارك فيك , ومشكور على الرد , لكن يبن عمي ليش تشرك معي أبو عبدالرحمن يوم قلت تسلم لي , ما أنت عارف أن أبو عبدالرحمن رجل سولت له نفسه ألأماره بالسوء وحاول في يوم من ألأيام يتطاول عليه وينافسني في التصوير ؟, وما أنت عارف أن القلب ما يتسع لأثنين ؟ , أرجوك لا تكرر هذي العباره الشركيه وانت عارف أن الشرك ذنب عظيم , هذا أولا .
ثانيا : يا رفيقي أفتقدنا دكتورنا هاليومين ومثله أذا غاب يفتقد وأذا حضر يفسح له في صدور المجالس , وعسا المانع خير , وعساها 48 ساعه واستراحة محارب ولا هو بداية بيات شتوي , وأنا كما تعرفون أكثر واحد يفتقده لأنه أخلص حلفايه , وأكثرهم نكايه بعدوي وعدو القبيله والأنسانيه كلها البعيد عني وعنكم المسمى مخاوي منقاش واللي ما أشوف له شبيه ألا الضب اللي حياته كلها في الحفر والجخره , واذا رقى صخره رقاها لقلة مروه ودناءه وأكل بيض طاير القاري الجميل .
ثالثا : اللي لفت نظرك يبن عمي لفت نظري بخصوص العضو الجديد اللي أسمه ملقاط , واللي لفت نظري أكثر شي ربما تجهله أنت وغيرك وهو أن أسمي في عز شبابي كان ملقاط , وتحول لمنقاش بعد سرت شايب , والحقيقه أن المنتدى يفخر بمثلي ومثله خصوصا أن مداخلته تدل على أنه رجال مالي ثيابه وحازم جوابه وربما يكون منافس لك في المستقبل في التبحثات , وهذا ماهو مستغرب على المناقشه والملاقطه وتوقعوا منهم ألأدهى والأمر , وأذا أخذ عليه مأخذ فهو أنه أحيان يلقونه طايح جنب المنقل وهذا مأخذ بسيط , والواجب ما نلقي له بال لأن مستقبله يشفع له أذا تحول لمنقاش .
أخويه أبو رامز : أشكرك على الرد والنصيحه , وترى القاري طير جميل وله عمل جليل في الأراضي اللي تكثر فيها الحشرات الطياره , يعني له دور في التوازن الطبيعي اللي يتطرق له أحيان باحثنا الشيخ سلام ....
الشاعر الكبير سنا الهجره : مشكور على تعليقك يا فحل الشعراء ويا حليفي القوي ألأمين , وكما سبق وقلت , ترى القاري طاير جميل ودوره مهم في التوازن الطبيعي , خصوصا في بلدانه ألأصليه اللي تكثر فيها الحشرات الطايره , أما ديارنا فهي محطة عبور في طريق هجرته في الذهاب والأياب , ونبغي من ألأعضاء رصد التاريخ اللي يمر فيه على ديارنا هالسنه , ويكون الرصد بالتاريخ الشمسي (الميلادي) لأن القمري (الهجري) تاريخ متغير ولا يصلح لمثل هالأمور .