حسبي الله عليك يا رويعي , كنت أسمع عن الهكر , وأسمع أنهم بحبشوا حتى في ملفات البنتاقون في ديار أمنا أمريكا .
لكني ما كنت أدري أن ثماله فيها هكرها اللي يقدرون يغيرون أسم الكاتب ويحطون بداله كاتب ثاني , وآخر شي كنت أتصوره أن ابو نقشه يكتب وغيره يلطش كتابته حتى بدون يغير لو حرف واحد منها , ولا نقول , ألا ان الساعه قربت تقوم .
عموما , أنا تقدمت بشكوى ضد المشرفين والرويعي على الست نانسي , وعلى عمر ولد حياة موسى .
وهالحين بعد هالمقدمه المختصره عن الفضيحه اللي بجلاجل نعود لصوابنا ونعطيكم جوابنا :
اخويه صقر قريش : ووجهك أبيض , وانت سالم وغانم أن شاء الله , ومشكور على الرد , أما الرجال فيها من يخاف من الصبر وفيهم اللي يدخل الثعبان في سرواله ولا يحرك شعره من راسه مثل بدر الدجى وعرعرة المنتدى في قصة غزة العزه .
باحثنا الشيخ سلام : بطلك من اللف والدوران والمؤامرات اللي تشترك فيها مع الرويعي وابو عبدالرحمن واعترفوا بالجريمه , وبلاشي تقتلون القتيل وتمشون في جنازته , وثاني مره وجه كلامك لبو نقشه واترك صاحبك رويعي الغنم .
وهو من متى فيه بدر دجى غير ابو نقشه ؟, ومن متى فيه أحد عنده حمار غير عرعرة المنتدى ؟ .
وعلى كل حال , مشكور يا باحثنا على المعلومات اللي أضفتها , ولا أقول الا ,
تجمعت الحشرات على خراش @@@ فما يدري خراش ما يصيد ..
حليفي الدكتور مشعان : صدقت , التقرير فقد مني بعد ما كتبته , لأني نزلته أول مره في البيت الكبير , وبعد ساعه دخلت البيت ولا لقيت التقرير في مكانه لكني لقيت مسحبه ولقيت جرة الحرامي, وبعد قعدت أتصرفد من منتدى للثاني لقيته مجدوع في منتدى الفطريات وزياده مغيرين الكاتب لرويعي الغنم , ولا أتهم في هالجريمه النكراء ألا الثلاثي اللي ذكرتهم .
لكن ما علينا منهم , وكما يقولون , حبل الكذب قصير , واللي ما ينكشف اليوم ينعرف بكره , ومشكور على ردك , وعلى حرصك على دعم حليفك وكشف الحقايق , وفضح المتلاعبين .
ابو عبدالرحمن : رايح تعض على أصابع الندم أصبع أصبع , وتمنى لو أنك سويت كل اللي قال لك بدر الدجى وعرعرة المنتدى , وألأيام بيننا , وخلي حليفك الرويعي يومها ينفعك ...
يارويعي الله يصلحك ، أرجو بعد أن توضّح الأمور حول بعض المفردات اللتي أثارت الشُّبهه حول من هو مُعد الموضوع الحقيقي أن ترجع الى الشّيخ وتسأله هل هو (( الصِّبر بالباء)) أو ((الصّمر بالميم )) ويظهر لى أن الأخيره هي الصحيحه 0
04-24-2009
رد: الصبر (بكسر الصاد وتسكين الباء) .
المواضيع المتشابهه
العرض المتطور
