صورة مع التحية لـ مخاوي منقاش ( وينك عنها )

[سنا الهجرة]

المشاركة الأصلية كتبت بواسطة @ بن سلمان @

جعلها أمطار خير وبركة

اللهم آمين

المشاركة الأصلية كتبت بواسطة منقاش

ما أخفي عليك أرتيابي يا حليفي يا سنا الهجره , أرتيابي من بعض ملاطفاتك ومجاملاتك مع المخاوي .

ويش ظنك الناس تبي تقول عنك أذا قرت كلامك هذا , غير أنك وصلك من عنده تمر والا دهنك بشي من زيوته لا قدر الله ؟.
هذا أن وصلك شي , وأن ما وصلك شي فلا أشبهك ألا بالشيخ سلام الله يهديه اللي حاول يتقرب من المخاوي ولا أعطاه لا تمر ولا وجه , وهذي نهاية كل الخونه ....
تكفى يا حليفي يا سنا , لا تخضع له بالقول فيطمع الذي في قلبه مرض , وريه العين الحمراء , وأذا قابلته وصافحته عد أصابعك لا يكون راح منها شي ....

رويدك أيها الشيخ المبجل !!
اللي مثلي أنا والمدير أبو عبدالرحمن لابد له من مسك العصا مع النص ( على شان يضرب في جميع الاتجاهات )

أو على الاقل يحافظ على شعرت معاويه .. لا تنقطع

واذا كان المخاوي عدوك الحميم .. أو صديقك اللدود >> لايعني هذا بالضروره ان يكون عدو كل حزبك

المشاركة الأصلية كتبت بواسطة مخاوي منقاش

الاخ سناء / على الرغم انك محسوب على الفئة الباغية الا نشر الصور من باب التقية وهذه اجوائنا طول العام وحنا مانستغيث ولله الحمد الا فزعة 0واذكر اننا ومنقاش كنا في اسفل الشفاء وجانا السيل وجرف سيارتي وندور منقاش ولا شفناله اثر هج وتركنا وقارنه بالشباب الي بغو يروحون فيها في المقطع اعلاة0
على العموم انا بالرياض واذا منقاش رجال شهم يجيب ربع المنتدى والاسبوع القادم الوعد بحائل وانا اتكفل بحقين الرياض ابن سلمان وربعه

أخي المخاوي / أذكر الله وصلي على النبي وروح تمتع بالمناظر الجميله والامطار والسيول وخل عنك الفئات اللي قاعد تصنفها على هواك .. واتقي شر اشيخ منقاش اذا غضب

واحمد الله على النعمه
أسأل الله أن لا تكون استدراج لكم

بالنسبه لدعوتك / الشهاده لله ما عندنا شك في كرمكم ولا نبخصكم حقكم .. آل حائل
فقد تربيتم على الكرم وعلوم الرجال
أما ان منقاش يجيب أهل المنتى !! هذي صعبه جداً
الناس عندهم دوامات ماهو مثلك انت ومنقاش

أما أنا تراني ماني بعيد عن بن سلمان

المشاركة الأصلية كتبت بواسطة حاكم الشوق

ماشاء الله تبارك الرحمن


الله يجعلها امطار خير وبركه


ويرزقنا الغيث

اللهم آمين

المشاركة الأصلية كتبت بواسطة عناد

ما شاء الله وش ذاالاجواءالزينه

الحمد لله على هذا الخير


شاكر لكم جميعا هذا التشريف

[مخاوي منقاش]

سنا الهجرة/على كل جزاك الله خير وما دمت قريب من ابو هبه فانا يعلم الله احبه واقدره بس لو يترك الحساسية الزايدة شوي (فهي متعبة للانسان )وخاصة في الاستراحة حيث نلتقى ليكون البساط احمدي واللي يزعل هو الخسران حفظكم الله جميعا

[سنا الهجرة]

المشاركة الأصلية كتبت بواسطة مخاوي منقاش

سنا الهجرة/على كل جزاك الله خير وما دمت قريب من ابو هبه فانا يعلم الله احبه واقدره بس لو يترك الحساسية الزايدة شوي (فهي متعبة للانسان )وخاصة في الاستراحة حيث نلتقى ليكون البساط احمدي واللي يزعل هو الخسران حفظكم الله جميعا

وأياك يا المخاوي

ما فيه شك أبو هبه ينحب .. أما الحساسيه علاجها بسط .. كلها اسبوع في الماء الحار اللي في وادي الدواسر ويرجع وكاله

ولا عندي شك بعد أيضاً أن ملتقى الاستراحه للفرفشه والوناسه فقط .. واللي ما يتحمل لا يدخلها .. الحمد لله الاقسام الجاده في المنتدى يا كثرها

الله يجزاك كل خير وينور دربك