تغير العصر ام تغير الرجال

[سنا الهجرة]

المشاركة الأصلية كتبت بواسطة النجم الساهر

[poem="font="Simplified Arabic,5,black,bold,normal" bkcolor="sandybrown" bkimage="" border="none,4,silver" type=2 line=1 align=center use=ex num="0,black""]
بسم الله الرحمن الرحيم

تكرم يابو عادل ونفسي تكرمي=ويكرم عنه خطي وحبري واقلمي
هذاك ماودك تخاوي مثله=كم واحد خاواه وامسى معدم
يارب ماتجيب الربايع مثله=و(ن)جا عسى موته قبل لايفطم
وانته يابوعادل خبير مجرب=تعرف ظروف الوقت واللي مبهم
شاعر ولك حكمة وعندك قدرة=تعرف بها الرجال لاحمي الرمي
رجال له شوره ورأيه بين=مرتاح في نفسه وعاش منعم
ورجال شوره شورة ام عياله=هذاك دوره بس كونه محرم
ورجال لاجا بالمجالس سولف=تلقى سواليفه كمر علقم
ورجال تحسب له تمنى شوفه=يعجبك بعلومه ورأيه محكم
ورجال ياقف دون ربعه دايم=بالمال والا بندقه والمحزم
ورجال لاصحابه يسخر ماله=ويذود عنهم مايرده درهم
ورجال جوده عم من جا داره=بالمال دون اللي نصاه وبالدم
ورجال وزعه ماتعود دونه=هذاك ودك للقبيلة ينتمي
كم واحد اعمى وفعل مفتح=وكم واحد مفتح وليته منعمي
جلست افكر واتعبتني نفسي=وشلون اصنفهم على اية معجم
ودك بصحبة ناس تعلي قدرك=ولاضاق بك وقتك بمثله تحتمي
امثالكم وامثال ابو عبدالله=وامثال ابو نقشه وغيره ياسمي
الله ياوقت مضى يازينه=واليوم وقتك شان والله يعلم
تعجز تلاقي صاحب متميز=ينبيك بعلومه وهو متعلم
الا قليل من كثير هايم=في هالحياة ويالله انك ترحم
واليوم انا جيتك وطالب ودك=طالب كرم جودك بجود الاكرم
ابيك ترسم لي طريق الشهرة=وانت لغيري ياخوي ترسم
انت ترى عندي مقامك عالي=وغيري يقول فلان والله يسلم
ياشاعر بالشعر مافي مثلك=لا بن فطيس ولا خليل الشبرمي
ياشاعر ثمالة وفخر لربعك=فعلك سما وانت رقيت السلم
وختامها ياللي حضر والغايب=صلوا على محمدسليل الهاشمي


النجم الساهر
[/poem]

أبو عادل يستاهل مثل هذا النص وأكثر >>

إقتباس بيت أو بيتين من هذا النص قد يكون ظلم له ولصاحبه ..

لا يسعني الا أن أقتبس النص كاملا ولو أمكن أن اقتبسه مرتين او ثلاث لفعلت وذلك
لجماله وحلاوته وسلاسته ومعانيه

أخي النجم الساهر ,, أنت تشق طريقك بين عمالقة الشعراء وأرى أنك قد سبقت الكثير من الشعراء الذين لهم باع طويل على الساحة >> فــ إلى الامام يا مبدع

تقبل مرور أخوك المتواضع