مالها الا رجالها ..

[منقاش]

عمدتنا المقداد بن الأسود : يا حليفي هذا حال أي موضوع يطول , ما تسمع الشعار يوم يوقفون القصيد على طرق ويحولونه على طرق ثاني ويقولون شاب القاف , هذا من جانب .
الجانب الثاني , العنوان كان ما لها ألا رجالها , وصلب الموضوع عن القرده وولدها , ورجالها عاجزين أنهم يجيبون شيول ويقلبون ألأرض حتى يطلعون لنا القرده , وأخيرا وضعوا خطة الراس الفاشله وتوقفوا , وكأنهم ناسين أو متناسين أن اللي ما يطرح راسه الروس تجيبه الشيشان والمقادم والكوارع ..الخ .
الجانب الثالث , المصوراتيه المعترف بهم هم ثلاثه , وهم حليفك أبو نقشه , ورويعي الغنم , وابو عبدالرحمن , وبعد فضيحة سرقة ابو عبدالرحمن لصور كدة بدر الدجى سحب منه التصريح , ولا بقي مصوراتيه معترف بهم ألا أثنين فقط وهم عرعرة المنتدى والرويعي .
يعني , أي صور تعرض من أي عضو غير بدر الدجى والرويعي تعتبر محط نظر ومشكوك في صحتها , مثلها مثل بعض أدلة الصوفيه اللي نشوفهم يحتجون بها في برنامج الحوار الصريح بعد التراويح على قناة المستقله بهالليالي (الساعه-11).
الجانب الرابع , أذا بغيت تهدد بوقف الموضوع لا تهدد في الوقت اللي تضعف فيه جذوة المتابعه , لا , خليك مثل حليفك أبو نقشه اللي أذا شاف ألأنظار مشدوده على الموضوع أختلق مشكله وهدد بأيقاف البقيه حتى ينحبك الفلم .
وباقي جوانب كثيره أعذرني عن ذكرها لأن العشاء أذن , وحليفك ما توضا , وشكرا .