حملة ابو عهد الثالثه للمليون رد

[ابوعهد]

إن كنت تنوي ذبح قلبي ولا بد
دونك قليبي واذبحه لجل يرتاح
من يوم حبيتك وأنا أجيك وتصد
وإن رحت قلت أبغاك والقلب ذباح
ارحم قليبي هده الشوق لك هد
يبغاك راس المال ما يطلب أرباح
ماني بلا قدك ولا ني بلك ند
كلك سلاح وخافقي ما له سلاح
بعيونك سلاحك وبالصدر والخد
ورموشك ليا سلهمت صارت رماح
لو قاتله قلبك يبادله بالود
يرسل له الاشعار لو بعد ما راح
كن المطر حبك وأنا كني السد
يحويك قلبي وين ما وبلكي طاح
يا قو هجماتك معي يوم ترتد
مرماي فاضي وأنت تعلب ومرتاح
أفعل مثل ما تبي ما لي معك رد
فدوة لمن خده تقل خد تفاح
وإليا جرحت القلب أبقول لك زد
اجرح ترى جرحك معي جرح جراح
يداوي جروحٍ قديمه بلا عد
ما يوم لاهل الارض قلبي بها باح
جرحٍ من لسانك وجرحٍ من اليد
وجرحٍ من قليبك ذبح كل الأفراح
يا ليت حبي معك يا بنت له حد
أو عود طيب يموت بالجمر لا فاح
يا ليت حبي معك مزحٍ بلا جد
أو ليل ينهي عمره الفجر لا لاح
مير البلا من حبك اللي معي قد
كل الضلوع وصار قلبي له مراح