مشروع هدم المحاجي (ح4).

[الشيهان]

المشاركة الأصلية كتبت بواسطة منقاش

يبو عبدالرحمن , الله الله في توصيل ألأمانه اللي عندك للشيهان , وترى ألأمانه تبرت منها السماوات والأرض .
لاهنت وصلها له حتى يعرف أن سعره عند المخاوي بالكاد يساوي كيس حب . وشكرا ..

يا الله مساء خير لاشر ولامنقاش فيه

علومك غانمه وافيه كافيه ياساري اليل ولاعيب عليك الا انك تسولف بهذي الهروج الطيبه في مجلس منقاش
لكن ناخذ السمين من قولك ونترك منقاش عساه ((بالفرنتيت ))؟؟؟؟؟ والله اني ما اعرف معنى الفرنتيت رغم انها دعوه قديمه لكن احس انها اقوى من قنبلة هوريشيما

عموما ياسارى اليل لاتغالب الهروج مغالب وتتعصر بعلوم وانت ودك بالخير وخايف من الشر يعني عين في الشحمه وعين في اللحمه المحاجي باقيه ما بقى البشر والهامور ياكل السردين

اما انت يامنقاش مشكلتك انك رجال بالعاميه مسطح والفصحى سطحي ما تعرف مضامين العلوم وجواهرها ورموز الافعال والاقوال

الحب اسمه مرادف للحُب
ومفرده حَبه وفعل الحُب العملي حِبه اي بوسه على الخد
فلك ان تتخيل كم بوسه في هذا الكيس
عليك ان تنشغل هذه الليله بعد حبات القمح في الكيس وتتخيل كم بوسه اهداها لي المخاوي (( مقابل كل حبه حِبه اي بوسه ))

اتحدى ان يكون هناك انسان في هذه الدنيا قد اهدى من يحبه بوسات بمقدار عدد حبات هذا الكيس

شفت بامغفل قد ايش يحبني المخاوي وما هو مضمون ورمز هديته ياللي ما تفكر الا في كرشك