البدء في الدراسة المختلطة للصفوف الاولية بمدارس جدة ومجلة أمريكية تشيد بالإختلاط في السعودية

[منقاش]

يا عيالي ويا بناتي ويا أخواني وأخواتي : بيض الله وجيهكم على غيرتكم على دينكم وأعراضكم , لكن الغيره خلوها منضبطه بشرع الله .
يعني , قبل تحكم أول أسأل نفسك لوحدك وقول لها :
س1 , هل يجوز شرعا للمدرسه تدرس البنين في مرحلة ألأولى والثانيه والثالثه أبتدائي .
الجواب في أعتقادي : نعم يجوز ..
س2 , أيهما أفضل للبنين اللي في هالمرحله , يدرسهم المره الرقيقه الحنونه غالبا مقارنه بالرجل , والا يدرسهم الهبش الخشن الجفش غالبا اللي هو الرجل ؟.
الجواب : المره أفضل .
س3 , أيهما أفضل , دراسة البنين في هالمرحله (مرحلة ضعفهم) في مدارس البنات في فصول مفصوله عن فصول البنات , والا يدرسون في مدارس البنين اللي فيها صفوف أكبر منهم , ولا تخلو من وجود وحوش بشريه من الطلبه واحيان من المدرسين ينخاف منهم أخلاقيا على هالأطفال ألأبرياء الضعفاء ؟.
الجواب : يجب حالا أبعاد براءة الطفوله عن وحوش البشر وترك تدريسهم للنساء .
س 4, الرجال عندهم مجال وظيفي واسع في العسكريه والتدريس والشركات والوزارات والأعمال الحره وغيرها , والنساء العفيفات ما عندهم مجال محترم للعمل ألا التدريس , ليش ما نوسع مجال عملهم في التعليم ونضيف لهم ثلاثه صفوف من ألأبتدائيه ؟ .
الجواب : وسعوا لهم الله يوسع عليكم , واضيفوا لهم هالصفوف الثلاثه حالا .
س5 , ليش ما نفترض أن المسأله , مسألة حق أريد به باطل , يعني خطوه أولى في أختلاط التعليم ؟.
الجواب : هذا سوء ظن , والله أمرنا أننا نتجنب كثيرا من الظن , وأن بعض الظن أثم , والظن أكذب الحديث.

شفتم كيف أن هالقرار أيجابي بكل المقايس , الدينيه والأخلاقيه والأجتماعيه , فما بالكم كيف تحكمون ؟.
وهذا هو السبب اللي خلاني أقول لكم من البدايه , حكموا شرع الله في هالقضيه وفي كل أمر من أمور حياتكم , ولا تعيرون عقولكم لغيركم ....
والله لو كنتم تحدثون عن الربا اللي تعرفون جسامة حرمته , واللي ربما بعضكم دلغ فيه , كان قلنا بيض الله وجيهكم , لكنكم بنيه طيبه تحرمون شي أحله الله , وهذا هو الحرام بعينه , وسلامتكم ....