النقد الهادف ...........من يجيده..؟؟؟؟؟؟؟؟؟؟؟؟؟

[منقاش]

يا بتي , يقولون , الرجل هو ألأسلوب , (والمره هي العذروب) ألأخيره نكته.
ويقولون الغايه لا تبرر الوسيله .
ويقولون الساكت عن الحق شيطان أخرس .
ويقولون الكلمه الطيبه صدقه .
ويقولون الخواجات أذا لم تكن جزء من الحل , فأنت المشكلة نفسها (او أنت جزء منها).
وفي النهايه يخرجون بحكمه تجمعها كلها وتوفق بينها وهي :
لكل مقام مقال .
وأضرب لك أمثله على النقد المتفق مع الحكمه , لكل مقام مقال .
أذا شفت بعض خويانا في المنتدى يجيبون مواضيع منسوخه وينسبونها زورا وبهتانا لأنفسهم ولا يكتبون تحتها منقول , الناقد المفروض يعمم ولا يخصص , كما لو اقول , يا جماعه ترون من ألأمانه والركاده والثقه في النفس , أن اللي يلقى منكم موضوع مفيد , يشكر أذا نسخه وجابه , لكن لابد يضع مصدره أو على ألأقل يكتب تحته منقول .
مثال ثاني , أذا كان فيه منتدى لقبيله محترمه ويسجل فيه أعضاء من القبيله ومن خارجها ويسمج بعضهم شويه , وقتها ننتقدهم شويه , وأذا زودوها شويه نزودها في نقدهم شويه , وأذا زودوها جبتين نزودها حبتين على قول المغني عبدالله محمد (حبه صباح حبه مساء) , وأذا ما أرتدعوا ولا أحترموا النصح ولا الناصحين نواجههم بالنصيحه ونعنفهم , وأذا ما أرتدعوا وكابروا , ولا فكونا منهم المشرفين , يحتسب واحد منا (حامل المسك) ويقيم عليهم دعوه في المحكمه حتى يجلدون ويسجنون ويلعنون أبليس والساعه اللي عرفوه فيها ..
ومثال ثالث , واحد يغلط غلطه بسيطه ننتقده بأسلوب بسيط وغير مباشر , وأذا كبرت الغلطه شويه نواجهه مثل ما حدث مع منقاش ((هذا اللي يوزع مواعض)) عدة مرات في ألأستراحه , وكاد يطرد منها ويستاهل , وكما حدث مع رويعي الغنم اللي حذف موضوعه هو وابو تركي عن طيارة عورش كله عن بكرة أبيه , وطلبوهم ألأعضاء يعتذرون واعتذر الرويعي , وابو تركي رفض لأنه أيامها مشرف مثل وضعه اليوم ...
لكن , لكن , وانتبهوا للكن , من اليوم وصاعد , أذا الموضوع يمس ألأعراض المفروض نثور ثورة برميل بارود على اللي يقرب العرض من بعيد والا من قريب , عضو كان أو عضوه , وهذا هو أفضل أسلوب مع خفافيش الليل بعد أستنفذنا معهم كل الوسايل الوديه , وشكرا..