يا أعضاء ويا مشرفين ...

[منقاش]

شاعرنا الكبير ومشرفنا الغالي سنا الهجره : أنت رجل معدنك طيب , ومن بيت طيب ومعدن طيب , وأهلك أعزاء عليه وعلى غيري من الرجال ..
ولو كنت شاعر يبو عبدالله كان أمديني من زمان أثنيت عليكم باللي فيكم من الطيب والعلم العجيب , لكن الشكوى على الله , العين بصيره واليد قصيره , تعرف , شعري بالكاد يسير مثل شعر المخاوي والا أحسن شويه .

بخصوص طلبك أني أعتذر من بنت الجنوب أقول أبشر يبو عبدالله .
بنتنا بنت الجنوب : أنا والله ما أدري أنت ثماليه والا من أي ديره , لكنك في منزلة بنتي من أي أرض كنتي , وأعتبرك شعره من وجهي مادمتي تكتبين معنا بهالمنتدى .
يا بنتي أنت من جيل وأنا من جيل , وبيننا الظاهر هوه ثقافيه كبيره , يا بنتي راعي مشاعرنا أذا شفتينا نتألم من سلوك , ورجايه لا تستمرين في سلوكك حتى لا تستفزينا نغلط عليك .
وختامها , أعتذر منك في كل كلمه جرحتك بها , ومن كل من تألم معك , وانتي مسامحه في كل اللي قلتيها فيه , والله يهديني ويهديك ويهدي الجميع الى سواء السبيل .

العمده المقداد بن ألأسود : رايك سديد , وهذا حدي من هالموضوع اللي ختمناه بطلبك وطلب شاعرنا الكبيرسنا الهجره , وأرجي المعذره من كل واحد ما رديت عليه بسبب طلب ألأخوان بالكف عن ألأخذ والعطا في هذا الموضوع , وشكرا .....