نواف

[الذيب]

نواف نواف نواف نواف نواف

حاولت أن أتحفظ على هذه القصيده بقدر المستطاع ولم أستطيع
لأنها على لسان الموقف الذي حدث أمامي
وأعذروني على التقصير


[poem="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نواف تدري وش حصل بالسواليف؟=طاح الشموخ اللي على الناس نواف

من زولك أنهلت عليّ التخاريف=وناظرت في عينك حسينين الأوصاف

نواف شوفك يفرح القلب ويخيف=نواف مدري وش حصل بين الاكتاف

ودي أضمك لكن الخوف تحريف=وإلا النوايا صافيه مابها خلاف

وأخاف تسأل خاطرك ليه او كيف=مثلي يضم وخالف سلوم وأعراف

ماتدري أني بضمتي للملاحيف=اذكر حبيب(ن) ضمته فوقي لحاف

وشلون لاضميتك بدون تسويف=وأنته حبيب أحبابنا ربوة ألطاف

كنا سوا في مركبٍ نرقب السيف=وقلوبنا ماضخت بدم خواف

فجأه سرقني صاحبي بالمجاديف=وأمسيت ضايع بالبحر دون مجداف

دام الوفا في عذرهم له تكاليف=فأنا الوفا طبعي وهو ورث الأسلاف

نواف وصّل نظرتي دون تزييف=نظرة ضعيفٍ يلحقه منهم اجحاف

وإلا كلامي لو شكيت المواليف=تزعل وتغضب والغضب رد ينعاف

عيني بعينك مانبي للتعاريف=أثنيننا نهوى حبيبي و(بالزاف)

يعني من الممكن ومن دون تغليف=عيني من النظره لها حظ نواف

بأسكت وأخبي جعلها للنواصيف=يمكن يجي من خلفهم حق وإنصاف

فيني تشمت عاذلي والملاقيف=ومن لا شرى في بلوتي ظنتي شاف

نواف قله وقتنا له تصاريف=والحال يتغير مع النون والكاف

خله حذر ترى الزمن له سواليف=يهبط به شموخ(ن) على الناس نواف

[/poem]

[أبوخالد]

ماشاء الله عليك يالذيب
غزل
تعيش وتقول
اطرب ياعم

[صقر قريش]

ما فيك حيلة روعة

[سنا الهجرة]

فالك الملوين .. يالذيب

لكن هو منهو هذا نواف .. اللي ساكن أغلب ابيات القصيده
أقول صح لسانك >> قصديه كايفه في مبناها .. ومعناها في بطن من سواها

[صادق]

صح لسانك يالذّيب ومانت هيّن (( انتبه له يابو خالد ))

[محمد بن حميدان]

صحيت يا ذيب ..

قصيده جميله .. ونواف شخصه في بطن الشاعر ..

لاحرمنا جديدك ..

[ابو عادل]

صح لسانك ياالذيب ابن الذيب
قصيدة فيها من الحبكة الشعرية الكثير والكثير
ننتظر جديدك
وتقبل مروري

[ابوسيفين]

المشاركة الأصلية كتبت بواسطة الذيب

حاولت أن أتحفظ على هذه القصيده بقدر المستطاع ولم أستطيع
لأنها على لسان الموقف الذي حدث أمامي
وأعذروني على التقصير


ماتدري أني بضمتي للملاحيف=اذكر حبيب(ن) ضمته فوقي لحاف

وشلون لاضميتك بدون تسويف=وأنته حبيب أحبابنا ربوة ألطاف

كنا سوا في مركبٍ نرقب السيف=وقلوبنا ماضخت بدم خواف

فجأه سرقني صاحبي بالمجاديف=وأمسيت ضايع بالبحر دون مجداف



[/color][/poem]

صح لسانك يالذيب ، ذكّرتني بقول الشّاعر

وعقب الثمان اللي تعبها برى الحال

جـــــــاب الزمان الكارثة والمطمة


جــــــــاني ولدها يبتسم بين الاطفال

ومن بسمته ذكرت أنا بسمة امـــــه


وركضت له ودمعي على الخد همال

ومن كثر شوقي قمت بلحيل اظمه


ساعة حضنته والطفل في يدي مال

شــــميت ريحتها على اطراف كمه

[الذيب]

المشاركة الأصلية كتبت بواسطة أبوخالد

ماشاء الله عليك يالذيب
غزل
تعيش وتقول
اطرب ياعم

حياك يا ابو خالد اشكر مرورك

المشاركة الأصلية كتبت بواسطة صقر قريش

ما فيك حيلة روعة

الأروع تواجدك

المشاركة الأصلية كتبت بواسطة سنا الهجرة

فالك الملوين .. يالذيب

لكن هو منهو هذا نواف .. اللي ساكن أغلب ابيات القصيده

أقول صح لسانك >> قصديه كايفه في مبناها .. ومعناها في بطن من سواها

فالك الطيب
سؤال محرج
أقول صح بدنك وحياك الله
يا ابو عبدالله نواف هذا رمز<<<<<<<<كيف انا معك

المشاركة الأصلية كتبت بواسطة صادق

صح لسانك يالذّيب ومانت هيّن (( انتبه له يابو خالد ))

صح بدنك يا صادق

المشاركة الأصلية كتبت بواسطة محمد بن حميدان

صحيت يا ذيب ..

قصيده جميله .. ونواف شخصه في بطن الشاعر ..

لاحرمنا جديدك ..

محمد بن حميدان صح بدنك
ونواف في بطن الشاعر حلللللللللللوه

المشاركة الأصلية كتبت بواسطة ابو عادل

صح لسانك ياالذيب ابن الذيب

قصيدة فيها من الحبكة الشعرية الكثير والكثير
ننتظر جديدك
وتقبل مروري

والله مرورك شرف يا ابو عادل وما عليك زود

المشاركة الأصلية كتبت بواسطة ابوسيفين

صح لسانك يالذيب ، ذكّرتني بقول الشّاعر

وعقب الثمان اللي تعبها برى الحال

جـــــــاب الزمان الكارثة والمطمة

جــــــــاني ولدها يبتسم بين الاطفال

ومن بسمته ذكرت أنا بسمة امـــــه

وركضت له ودمعي على الخد همال

ومن كثر شوقي قمت بلحيل اظمه

ساعة حضنته والطفل في يدي مال

شــــميت ريحتها على اطراف كمه

ابو سيفين
صح بدنك
أشكر مرورك

[سنا الهجرة]

فالك الطيب
سؤال محرج
أقول صح بدنك وحياك الله
يا ابو عبدالله نواف هذا رمز<<<<<<<<كيف انا معك

هههههههههههه خلاص فهمت
ياشيخ اللي سماك ذيب ما كذب >>> أكيد انت اللي سميت نفسك