سجل حضورك ببيت من شعر******

[سنا الهجرة]

ياظمة البرد احضنيني هواجر
سموم حر الهجر بينك وبيني
لا تحتري مني صياح الحناجر
أو زفرة يكتم صداها حنيني
في خاطري كلمه لها الف زاجر
وان قلتها يفرح بها حاسديني
ودي وانا فيني حكاية مغامر
تضيع فيها أحلام ناس(ن) تبيني
فيني منابر صمت واحلام شاعر
فيني من الدنيا خفايا سنيني
فيني شبح شعر وزوايا مشاعر
ومن داخلي ركن الفرح مايبيني
في داخلي بركان خامد وثاير
وآمال بعثرها الزمن بين اديني
ظلم الحبايب مثل طعن الخناجر
اللي سعادتهم على دمع عيني
لو للدموع بعرفهم جبر خاطر
كان اسألوا لو غبت انا غبت ويني
لكن وانا كلي توارد خواطر
كلي انتظار لكل من يحتويني
ماني على ظلم المسافات قادر
ودي اختصرها بس بينك وبيني
هاتي (ادينك برد) تحضن هواجر
وان كان شفتيني رماد انثريني