سجل حضورك ببيت من شعر******

[^كآبتشينو^]

*يمه ابد لا يـِزعلك بعض الكلام
.....ولايضيق صدرك لو حكـاهم طـــَرقها


بنتك هناك مكانها فوق الغمام
......محدن على نوش السحايب سبقها


مرباها عز وربعها ناسن كرام
.......والطيب يمه من رداهم سرقها



ياكم طيرن في سما عزها حام
.......تـِكسر جناحه يا الغلا ما لحقها


تزرع بذور الطيب في ارض الاحلام
.......وتجني بقايا طيبها من عرقها



ماترتجي منة ولا احسان الاْنآم
.... هي رزقها دايم على الي خلقها


تموت يمه ماشكت جور الاْيام
.......للي على جور الليالي دفقها



وفي كل عام تزيد طفلتك اعوام
......وتفهم مدارات الحياه وطـُــرقها


وحب الردى يمه واحساس الاْوهام
.......ما يوم والله نبضها قد خفقها


لاتشغلي بالك بها ياغلا دام
.......معها الذي مايوم عينه غلقها