( ثرمده ) من هنا وهناك 7

[المنديالي]

المشاركة الأصلية كتبت بواسطة أبو خولة

حيا الله المنديالي المثرمت..
ترى طلعت بالتاء مثل ما يقول الحاج سلام..!
وحشتنا يا وحيش..وسلامتك..
لكنك تحيرت علينا بالحيل...
فلا عاد تعيدها..!


يا قو قلبك يا منديالي قواه..
كل هذي المدة ولا حتى تطل علينا ولو طلة..
تصدق أني كل ما حاولت أبتعد وأغيب لظروف متطلبة مني..
أأجلها وأقول خلها وقت ثاني..!!
هذا وأنا دخلت المنتدى بالصدفة..ومن غير معرفة لأحد بالمنتدى..!
فمن خلال تصفحي للمنتدى أعجبت بقصيدة لأبو عبداللة (سنا الهجرة)
استمريت اتابع قصائده وبعض المواضيع المتفرقة على فترات..
قررت بعدها أن أسجل بالمنتدى حتى أشكره على قصائدة..
وأوقف معكم يالإتاوية.. لأني لاحظت إن أبو تركي كان مضطهدكم..
المشكلة إني غشيم لم يسبق لي أن سجلت بمنتدى من قبل..!
ومن الغشامة بعد ما سجلت وجربت بموضوع
الصلاة على الرسول ...
ضيعت كلمة المرور للمنتدى وللبريد..
فضللت أشقر من فترة لأخرى واتصفح بعض المواضيع..
وبعد قراءتي في رمضان لكتابات واثقة الخطى
وخصوصاً هذا الموضوع
http://www.thomala.com/vb/showthread.php?t=64349

أصررت على أن أحاول بأي طريقة أن أسجل بالمنتدى..فساعدني أحدهم في أستعادة كلمة المرور
وكانت نيتي بس الشكر للكاتبة والشاعر وبعض أصحاب المواضيع الهادفة
وما أدري إلا وأنا مغرز بالمنتدى ما قدرت أبتعد عنه..!
تعلمت اشياء كثيرة..واستفدت فوائد عديدة..
كلها بإجتهاد شخصي..!


وبالنسبة للأحداث السياسية..
لا حظت أنك نسيت أو تناسيت موضوع تقسيم السودان..!

محدثك قرأ بالمواضيع السياسية حتى كاد أن يهستر من
اللألغاز التي تدار حول الأمور السياسية..
إلى أن توصلت إلى قناعة بأن الإنشغال بالأمور الأخرى حتى لو كانت
رياضة وكوره أفضل ألف مرة من الإنشغال بألغاز لا يستطيع
الإجابة عليها حتى ساسة العالم أنفسهم ..!
السياسة يا عزيزي لكل دول العالم وليس للعرب فقط بايختصار:
"لعبة كبرى تشبه لعبة الشطرنج تدار وتحاك من قبل اللوبي الصهيوني داخل البيت الأبيض"
فمن خلال تجربة لا تشغل نفسك بها واتركها لأهلها..!

سيكون لي عودة للثرمته عن الأحداث المحلية والأمور الأخرى لا حقاً
,,,

يامرحبا يا ابو خوله

تو الموضوع نور بوجودك

الحاج سلام الله يسلمه من كل مكروه رجل يؤصل لكل مايكتب الله يحفظه

اعجبنني جدا ماكتب .

وبعدين تراه يقول اصل الكلمه زي ماكتبتها انا بس للتخفيف يقولون ثرمته يعني شغلي صح والوالده الله يحفظها يوم اسألها باول موضوع قالت ( تجي ) يعني الثنتين صح والتأصيل كان اثبات للامر .

بعدين ترى شفت الصوره بذاك الموضوع يوم يتركوني ( ابكي ) ودموعي اربع اربع ما احد اخذ بخاطري الا انت وفيه ناس يقولون انك انت سبب دموعي يقولون انك حلمت ان الاتحاد فاز على الاهلي وجيت ( شبيت فيه ) وحبيت تصلح العلوم فقمت تدافع عني .

الحمد لله ان سنا وواثقه قدرو يجيبونك لنا وعاد تدري اول دخول للموقع كان بدعوه من احد المشرفين الان بس مايعرفني الان ولا يدري من انا اضنه نسيني .

قريت موضوع واثقه بصراحه يستحق الاشاده اما سنا فشهادتي فيه مجروحه كل ما اقرى شعره احس اني سهل اكتب شعر ويوم اجرب القى الشغله ماهي زي ما اعتقد يكتب ( السهل الممتنع فعلا ) الله يسعده .

تقول نست السودان لا مانسيته ترى نوهت (

فمن تزلزل دول وتقسيمها

اقصد السودان بالتقسيم بس تدري امور زي هذي نمر عليها مرور الكرام سواء هي او غيرها فالسياسه محفوفه بالمخاطر ورأي حول الموضوع كتبته بموضوعك عن السودان وبعدين اتذكر موضوع لمنقاش في مقابله صحفيه مع ابن ابي محمد ان لم تخني الذاكره بموضوع زياره له لارض الكنانه مصر اتى فيه على اسباب ما يحاك للسودان وعلاقة ذلك بمصر وفوائد اسرائيل من وراء ذلك .
وبعدين اتوقع انك شفت حلقة البارح عن وكلكس بقناة الجزيره ووثائقها عن مفاوضات السلام بين الفلسطينين واسرائيل ولا اريد ان اسمي الاثنين بمسمى واحد رغم انه اولى واقرب للتصديق في ضوء مايتكشف من وثائق ومعلومات .

صدقت السياسه ودهاليزها تعتبر مخاطره القرب منها مهلكه وبموضوعنا هذا لم نتكلم الا بما يتداوله الاعلام سواء مقروء او مشاهد او مسموع .
اتمنى اذا اردت البحث عن موضوع اعتقد انه باسم المستعين بالله عن برتوكلاتت صهيون او موضوع حول ذلك كتبه قبل فتره من الزمن استعرض فيه الكثير من الامور ارى انها تفيد في فهم بعض مما يحدث ولا تنسى قراءة البرتوكلات لتفهم الكثير .

ياعزيزي اللدود
من متى ابو تركي ولا غيره يقدر يقول لو نص هرجه عن الاتحاد والعميد موجود صدقني ليحوسه حوس .

المشاركة الأصلية كتبت بواسطة ابو تركي

يا هلا والله بشيخ المثرمدين كلهم لا غاب المطر مغيبتك
ثرمدتك بغت تروح ابو مهند كان ناوي يورثك وانت حي لكن الحمدلله انك رجعت

تصدق فرحت يوم انقلع شين العابدين هذا بعد ماراح لأول مرة يرفع الأذان في تونس وفي القنوات التونسية
والناس تصلي وهي مرتاحة لا ومن قباحة الوجه يقولون أول ما جا أخذ عمره الله ياخذ عمره

ماعلينا المهم نرجع لأبو خولة
يقول اني مضطهد الاتحاديين بالعكس أكثر ناس أحبهم وأحب أتشاكس معهم أشقائنا في الاتحاد
وعلى رأسهم حبيب قلبي العميد اللي ماعاد أشوفه عسى المانع خير ان شاء الله

الله يسلمك ويحفظك المغيبه للاعمال ولعلنا نخلص من كل ذلك خلال الفتره القادمه ماندري يمكن .

سار ناوي تولعها

بس هينه ابو مهند مصحصح لكم والرجال شغله رياضه وانا اخر همومي هي الرياضه صح اني ادور على اللهلال ووراه الاهلي عشان بس ابو خوله يشجعه رغم اني احبه اقصد الاهلي .

بن علي راح وبيجي غيره والخافي يعلم به الله لعله تاب

وبعدين سبحان الله كان يحارب الاسلام ولم يستقبله سوى ارض الاسلام ودياره

المشاركة الأصلية كتبت بواسطة سنا الهجرة

حياك الله أخي المونديالي وحيا الله علومك
والحمد لله على عودتك سالم معافى
وما تشوف باس ان شاء الله ..
ولكـــــــــــــــــــــن !!
يارفيقي .. ويا صديقي
ترى انا ما احب السياسه ولا احب السوالف فيها
وسمعت كلام أبو متعب أول ما استلم الحكم ..
وحطيته في راسي .. مع اني احيان اشطرح
قال كلام حكيم الله يحفظه ويرعاه ...
وفي ما معناه ..
إن >> الطبيب في مستشفاه والبياع في دكانه والعسكري على ثغر من ثغور الاسلام
وكل واحد ينتبه لشغله ..
وخلوا السياسه للساسه هم ادرى بها ..

أما في موضوعك هذا .. ثلاث فوائد أثلجت صدري
أولها .. بداية عودتك الجميله وتطميننا عليك >> الله يحفظك

وثانيها .. كلام أبو خوله وطريقة تسجيله في المنتدى >> الله لا يحرمني منه ومن سوالفه

وثالثها .. إطلاعي على خاطرة أختنا واثقة الخطى اللي أول مره أقراها >> ولا أدري كيف مرت علي!!
فــ والله أنني لم أملك القدرة على التحكم في دمعتي حين قرائتها .. حفظها الله ورعاها لأبيها
وأدامه لها وهو في أتم الصحة والعافيه

الله يسلمك

هذي ماهي سياسه الله يحفظك

هذي علوم وهروج وثرمده بكل القنوات جات علينا احنا يعني

كل الخلق تهرج وكل الناس تثرمد هو عندنا غيرها

الله يردلنا عودنا سالم غانم ان شاء الله