مـقـهـى ثمــالـة الادبـي

[سنا الهجرة]

على طاري سمعنا ياحبيبي ماسمعنا شي
ومن يسمع هتيت الناس مايفهم ويبلى به

على صورة جحا ويقولونه في حياته دي
حشا لله ماقاله ولاعمره تسلى به

صحيح ان الفضا ينقل لنا نقلا مباشر حي
ولكن الصور بالدبلجه ممكن تحلى به

واكيد ان البشر من هرجها تاكل لحمها ني
وناس بالمهايط تاصل الجدي وتعلى به

اجل تدرون ابتكلم عن الميت واخوه الحي
انا ماهمني لو كنت واقف في نحر بابه

اقول الذيب يصطاد الفريسه في غضون شوي
شلع جوعه مخاليبه سلالة ذيب وذيابه

ضحايا العولمه ماجرها للهووون غير الغي
غوت عن سنة المختار والخلاق وكتابه

رجعنا للعصور الجاهليه وحاتم ابن الطي
زمن فيه القوي بين الضعوف يهز مشعابه

وتزداد الجروح ابلا دواء والكي فوق الكي
تضخم مشكلة مسكين من همه وطبابه

هجير الشمس ماخلى على وجه البسيطه مي
وتساوى ميت العربان والحيين باسبابه

سنا وسنين سادت والوسايل ماترد الري
يضيع الحق لا من مات ولا شاب طلابه

ولا ياحيرة الساكن على شط الفرات العي
وراح الخيط والمخيط من الرجال واصحابه



ابوعلي .. التنسيق فديتك .. انت وش معجلك؟؟
لا تخرب جماليات هذي الفارهه