العُمَيًآ

[منقاش]

رد: العُمَيًآ رد: العُمَيًآ رد: العُمَيًآ رد: العُمَيًآ رد: العُمَيًآ

عميد منتدى الحياه الفطريه الشيخ سلام سلمه الله :
من سياسة العرعره الحكيمه دق أسفين بين رويعي الغنم وولد والدة أم محمد حتى نخليهم يجلسون يتناقرون مثل ديكة الغابه اللي سبق وصورناهم لكم في رحلة الوفد السرنديبيه . وبطبيعة الحال ابو نقشه يبقى له دور الفراعه وفض الخلافات حتى يظهر بصوره من صور التعقل والحكمه .
والهدف ببساطه من هالسياسه هو تطبيق مبدأ فرق تسد , فلا يخفى عليكم ولا على القراء ولا على فخامتنا في هذا المنتدى الطاهر أن الوفد الثلاثي يحتاج منا لضبط وأحكام محكم في السيطره على كل حركه وسكنه من السكنات حتى لايطمع واحد من الأعضاء ويتطلع فوق ويفكر في ألأنقلاب على ألأمير(على سماحتنا) , هذي ألأوله .
والثانيه , لا يخفى عليكم ولا على سماحتنا أن ثماله في أمس الحاجه لدق مجموعه من الأسافين ماهو أسفين واحد تمشيا بالمبدأ نفسه اللي ذكرناه لكم أعلاه (مبدأ فرق تسد , وبالمناسبه ترونه مبدأ يهودي ولا هو أنجليزي كما يشاع), ومن هالأسافين تقسيم ثماله الى قسمين , ثماله الشرقيه وثماله الغربيه , أهل الديره واهل السوق , التهمان مثل ابن همام وهلال ابو ليله , والسروين أو السرواليين (من التسربل بالسراويل) مثل الرويعي وولد أم محمد وغيرهم , وثماله العليا وثماله السفلى , وأنتبه هنه لقسمة السفلى ترى فيها مقلب ومطب يودي في أسفل سافلين .
وفي ضوء هالأسافين والأسفل سافلين وتحديدا التقسيم ألأخير يستطيع ابو نقشه يقول أن ثماله العليا تنطق العمياء بأظهار الهمزه مثلها مثل نبتة السقياء , لكن ثماله السفلى تلحس الهمزه وتقول العميا والسقيا .
وهنه لا بد لنا بشي من العنصريه اللي يرى معها سماحتنا أن أهل علو الديره في هالكلمات أقرب للفصحى من أهل أسفل الديره , والسبب في هالأختلافات اللفظيه , أن الفصحى تآكلت عند الجميع تآكل يزيد بنقص العزله وينقص بزيادة العزله , يعني شغله عكسيه أو سموها شغلة عكاسه , وحسب قانون العزله هذا , تلقى قبيلة فهم من أقرب من نعرف للفصحى ونبرتها ومخارج حروفها بسبب العزله المحكمه اللي كانوا يعيشون فيها الى ما قبل عقود قليله .
والعمياء يا شيخنا سميت بهالأسم بسبب ألأثر اللي يخلفه حليبها (بضم الحاء وتشديد وفتح اللام)على أيادي علافها , واللي لو عرك بها العلاف عيونه قبل غسلها (ألأيادي) تسببت له بعشى وغباش في النظر يستمر لساعات تطول أو تقصر حسب نسبة تعرض العيون لبقايا الحليب الموجود على أطراف ألأيادي حتى لو بعد جفافه بساعات .
هذا ما جادت به قريحة شيخكم ابو نقشه وسلامتكم..