انا دكتوره ؟؟

[منقاش]

يا بناتي أبعدوا عن تخصص الطب والتمريض , نصيحه تبعدون عنها أن كنتم تحبون الناصحين .

ليش هالنصح بالأبتعاد عن هالمهنه اللي ما يقبل فيها ولا ينجح بها ألا نخبة النخبه من الطلاب المتميزين ؟, يعني ليه هي حرام ؟؟.

الجواب : لا ماهي حرام لو أنضبط تعلمها ومجال عملها بالشرع , مثل البعد عن ألأختلاط , وألأطلاع على العورات للجنس المغاير , والتبرج , والتخضع في ألأقوال وبعض ألأفعال ولغة الجسد والأيماءات اللي نشوفها أحيانا في بعض المستشفيات , يعني بيئة العمل مسمومه , والصالح تتعبه ..

والسبب الثاني يوم ننصحكم بالبعد عن هالمهنتين , هو سبب ثقافي حتى عند كثير من العرب مسيحين ومسلمين .

كيف نفسر لكم هالكلام ؟.
الجواب : لأن أغلب الأزواج ما يرضون لأحد من الرجال يتعرف على زوجته , ولا يقيم معها علاقات عمل من العلاقات اللي تمليها زمالة العمل , ولا علاقة تطبيب مثل العلاقه اللي بين الرجال المرضى والطبابه والتمريض ..

الحل : المفروض أن الدوله تخصص مستشفيات من بابها للنساء والأطفال , يكون المستشفى من بابه نسائي مرضى وتمريض وتطبيب وأداره وخدمات , كله , ولا يدخله الرجال , ووقتها لا باس من تخصص النساء في مجالات الطب بعد أصبحت مهنه بدون أختلاط وأصبح فيها الطبيبات والممرضات ما يداون ألا بنات جنسهم , ولا يرون الرجال ولا يراهم الرجال..

ولي أمنيه خارجه عن الموضوع شويه , لكنها في مجال الطب النسوي : وهي أنهم يسلموني ألأطباء الرجال اللي تخصصهم نساء وولاده حتى أتوطى في بطونهم بحذيان أكرمكم الله وبدون حذيان , لأني أشك في هالكائنات الرجاليه اللي يسمونها أطباء نساء وولاده , وأشك في رجولتهم وأشك في قيمهم وشيمهم وشيمة من رباهم , وبعد أخوض بطونهم حتى أولدهم مصارينهم أطردهم من مهنتهم الوضيعه , وأمنعهم من مزاولتها ألا في مجال الطب البيطري لتوليد الحيوانات أذا جابوا ما يثبت تأهيلهم , ووقتها فقط , لا مانع لدينا من مزاولتهم لتوليد النوق وبقية القايمه....

من المسئول عن هذا الخلل الديني ألأجتماعي الثقافي ؟.
الجواب : المسئول هو الدوله ممثله في وزارة الصحه , وهم اللي يقدرون يحلونها .
وليش ما يفصلون طبابة النساء عن الرجال حتى توفر للنساء وظايف أكثر في بيئه نظيفه ظريفه , وخذوا في ألأعتبار أن النساء أكثر من الرجال , وأذا أضفنا لهم ألأطفال الصغار زانت لهم أكثر وأكثر ؟؟ ..

طيب , اللي قد تخصصت , ويش تبونها تسوي ؟.
الجواب : تواصل وتتقي الله قدر المستطاع , وتنضبط بضوابط الشرع , والله هو الرقيب والحسيب , واللي كاتبه الله يبي يسير , والمجتمع عمال يتغير للأسوأ وللأحسن , ويا كثر الطبيبات الشريفات اللي تزوجوا برجال وأنجبوا أطفال , ويا كثر الرجال اللي ما هم مثلي ولا عليهم من ألأختلاط ومستعدين يتزوجون طبيبات وممرضات ومضيفات , وربما فضلونهم على اللي ما عندهم وظايف ....