من دون صهيون بذتنا صهاينا..!!

[منقاش]

يا ربي أنك تهديهم وتهديني معهم الى سواء السبيل , وبعد :
أولا , جزاك الله خير يا شيخ صادق على نصايحك اللي أعرف أنها صادره من قلب صادق , وتخوفك من اللي ينقون الفتاوي من هذا العالم أو ذاك , وهذا تخوف في محله أذا كانت العمليه تتبع للرخص .
لكن ألأنتقائيه أحيان ماهي تتبع للرخص , وعلى سبيل المثال , تراني أخترت من زمن طويل من بين فتاوي البيع بزياده مقابل التقسيط , أخترت فتوى ألشيخ ألألباني اللي أجتهد وحرم وغلض في تحريم هذا النوع من البيوع , والزمت بها نفسي وعيالي ومن أقتنع من أصدقائي .
وأقصد من كلامي هذا , أنه أذا كانت أنتقائية الفتاوي من باب الحرص على الدين ورضى رب العالمين بعد أعمال العقل فهذا أمر مطلوب , أما أذا كانت تتبع للرخص بدون تفكير تبرا به الذمه فهذا المذموم ...

الثانيه , أوصي حليفي العزيز الشيخ ابو خوله بالأحتساب والصبر على ألأذى في سبيل من على العرش أستوى, واللي حدث بسيط أن كان كما ذكرت أو فهمت , وأوصيه أنه يلتمس لأخيه عذرا , ويحمل ألأمور على المحمل الحسن , وياخذ في الحسبان اللي أبي أذكره في النقطه الثالثه ..

الثالثه , تذكروا حديث , أتدرون من المفلس ؟ , الحديث اللي أجاب فيه الصحابه رضي الله عنهم على الرسول صلى الله عليه وسلم وقالو , المفلس فينا يا رسول الله من لا مال له ولا درهم .
تذكرتوه ؟؟؟, واللي ما تذكروه أكيد أنهم يبون يبحثون عنه .
تذكروه وتذكروا أني أنا والمخاوي وابو خوله في أمس الحاجه للتخفيف من خطايانا اللي نجترحها آناء الليل وآناء النهار ونحتاج لمن يحمل بعضها عنا , من أجل كذه من فضلكم أغتابونا وقولونا كلام ما قلناه وجرحوا فينا قدر ما تقدرون .
قولوا اللي يحلي لكم وترونا ما درينا عنكم ولا نبي نسامحكم ماهو بغض فيكم , لأنكم غالبا من الناس الطيبين الغيورين على دينهم وأعراضهم .
لكن السبب أننا بحاجه لمن يخفف من أحمالنا يوم لا ينفع مال ولا بنون , وهذي فرصه وهذا هو موطن من مواطن التخفيف السانحه لنا في الدنيا واللي نرجي قطف ثمارها في الآخره >
لا هنتم عليكم بنا ولا تافرونا , عليكم بنا في مجالسكم الخاصه والعامه , وخصونا فيها باللي تقدرون عليه من القدح واللدح والهمز واللمز والتهم والتحريف والتزيف..
عليكم بنا , وكما قال حليفي الشيخ ابو خوله , في النهايه عند الله تجتمع الخصوم . أقولها من قلب صافي ولا يحمل ضغينه على أحد منكم , وكيف ما يصفي والصفقه مربحه الى هذا الحد ؟؟؟؟؟, وشكرا...

أستدراك , ألا المخاوي من فضلكم لا تذكرونه في مجالسكم ألا بخير , لأني أبغيه يقابل ربه بكامل الحموله , كامله غير منقوصه ويارط فيها ورطه بجلاجل , ولا أبغيكم تعينونه على شي منها أبد ...