اكتب اجمل قصيدة قرأتها

[تحت الصفر]

رد: اكتب اجمل قصيدة قرأتها رد: اكتب اجمل قصيدة قرأتها رد: اكتب اجمل قصيدة قرأتها رد: اكتب اجمل قصيدة قرأتها رد: اكتب اجمل قصيدة قرأتها

--
يا بنت أرجوك انا ماقدر كفاني ماضي الغلطات..
أخاف الله يعذبني وانا خواف يابنيه..
واخاف ابساعة اللذه يجينا هادم اللذات..
وياخذ من حشى جوفي بقايا روحي الحيه..
أنا ليّه ثمان اسنين وأنا مدمن على الشهوات..
ديار الفسق حاستها مواطي تحت رجليه..
عيوني من كبر همي تخلط الدم والعبرات..
مِسيل الدمع من عيني حفر بالخد ماريه..
صحيح انك جميله بس تبنا من هوى الحلوات..
تركنا الحب غصب وطوع للعين الشقاويه..
يابنت انتي على بالك أباخذ من بنات الشات ؟..
أجل مجنون انا يابنت اشيل العقل بيديّه؟..
ترى اكبر شيء يربطني مِعك جوال ابو شاشات..
وهاتف ينقل اشواقي على نبرات سلكيه..
وترى كل العلوم اللي عطيتك بالهوى كذبات..
وحتى دمعتي يوم الفراق الصعب كذبيه..
هذاك اليوم ماهلت عيوني لجلك الدمعات..
لأن الدمع ماينثر بقصه حب وهميه..
أنا أضحك مِعك واضحك عليكِ .. أكثّر الضحكات..
كأني بالهوى جني.. يعبي راس جنيه..
وأنا ماني بخكري يلبس القمصان.. والشرتات..
ويفرح قلبه المسكين إذا ما حب دوينّيه..
أنا من لابةٍ أروت ضمايا سيوفها الغزوات..
خلايا اجسامنا عاشت على دم القبيليه..
دهنتي شعرك الاسود بألوانٍ من الصبغات..
وعيت تقبل الصبغه ملامحك الخليجيه..
وحشرتي ردفك المسكين بالبنطال ..والجنزات..
خلاقينٍ تصنّعها مزاجات اليهوديه..
عشاني ميتٍ في ثغرك الأحمر أبو لمعات..
تحسبيني أبرضخ لك لأن إشفاك ورديه ؟..
ورب الكون مأرضى .. لو إنك شيخة الحلوات..
واذا صمَّل عليّ العلم .. أكب ارض السعوديه..
يابنت الناس عزك في سوادٍ يستر العورات..
وعزي في شماغ احمر.. وثوب ابيض.. وطاقيه..
سعوديين نفخر في عبايات السعوديات..
نغض الطرف إجلالاً .. إذا شفنا السعوديه ..

[الراااقي]

أحد الشعار ينصح ابنته يوم زواجها

لاتحسبين العرس توفـي وكتكـات
ولا تحسبينه توكـس والا بونتـي

ولا تحسبين العرس كيكة وطرطات
وصلة قطعتيهـا ووصلـة بلعتـي

ولاتحسبين العرس تصفيق واصوات
وانت على صوت الغطاريف همتـي

ولاتحسبين العرس كوشة ولمبـات
وانت كما الطاووس فيهـا جلستـي

ولاتحسبين العرس احلام في المبات
يامـا بنيتيهـا ويـامـا هدمـتـي

ولا تحسبين العرس روحة وجيـات
هيا اقضبي بيتك عسـى مانهبلتـي

ليلة سعيدة وانت احلـى الجميـلات
تشخص عيون الناس اذا حضرتـي

(واللاينر)حطيـه بــلا زيــادات
لا يخـرب المكيـاج اذا دمعـتـي

(والمسكرة)تحتاج لطف ومـدارات
حتـى يبـان ازيـن اذا غمضتـي

(والاسبريه )رشيه حتى البصيـلات
يمسك شعرك زين ولو كان زدتـي

وترى(المحدد)فن يحتـاج رسمـات
يبان رسمـه زيـن اذا ابتسمتـي

العـرس يابنيـة ماهـو شعـارات
تفنـى مراسيمـه وتبقيـن انتـي

ويبقى شريك العمر راعي الطويلات
هذا هو العرس الحقيقي عرفتـي؟

اول نصيحة لـك حفـظ الصلـوات
صلي العشا والفجر في كل وقتـي

وفي ليلة العرس الموفق وبالـذات
ادعـي الكريـم الله اذاسجـدتـي

والتعري لاترضين عند الكوفيـرات
ولبسك يملـي العيـن اذا لبستـي

واللي على زوجك تحرضك مـرات
ارجـوك شوتيهـا شوتـت بلنتـي

والصبر في العشرة حتى على فتات
ياماحـلا فعلتـك يومـك صبرتـي

واذا حفظت السر مـع المـدارات
زوجك ترى في عيونه انت كبرتـي

والسوق يعني هاه وقت الضرورات
والاتـرى زوجـك يـدور لمفتـي

زيدي الغطاية وكثري في العبايـات
والله يرضـى عنـك اذا ستـرتـي

أوصيك بالكبسـة وكثـر اليدامـات
حتى لوانـك مـن سببهـا متنتـي

وخلي الرجيم اللي فشلت في مرات
سويـه مـرة واحـدة لا ولـدتـي

اوراق بنيه ترسل ازكـى التحيـات
خصيهـا بالدعـوة اذا دعـوتـي