مـقـهـى ثمــالـة الادبـي

[حسن عابد]

ياقاضي الحاجه سعيد وجيتك
مالي خصم عندك ولا لي دعوه
ماقول حظي جابني ولقيتك
اقول قدر من كتب لي خطوه
ياللي تلالا في العلالي صيتك
بالذات في حسم القرار ونحوه
لاتقول عني جيت لك وامليتك
انته امامي في مكانك قدوه
ماودي اطول واضيع وقتك
ولاودي يحصل من كلامي هفوه
ياسيدي القاضي انا بديتك
تدفعني الايام مدري النخوه
فكرت وافكاري جسام وليتك
تهبني من وقتك قليل وقهوه
ابكشف المستور لو غثيتك
حتى الحقايق ماتروح عنوه
هذي مضاريفي وانا سديتك
في النص والتحليل صدق وسطوه
اقراها ياقاضي العرب في بيتك
وفكر بتحليلي وعقد الندوه
شواهدي لو جيتني خاويتك
حفاظ للذمه وحفظ الثروه