اكتب اجمل قصيدة قرأتها

[حسن عابد]

رد: اكتب اجمل قصيدة قرأتها رد: اكتب اجمل قصيدة قرأتها رد: اكتب اجمل قصيدة قرأتها رد: اكتب اجمل قصيدة قرأتها رد: اكتب اجمل قصيدة قرأتها

الى امطرت مزنة القيفـان عقـب الجفـاف
امـوت مـع كـل مطلـع بيـت واحيابهـا


واعيش حالة عزا واعيـش حالـة زفـاف
وابدابهـا واستخيـر شــوي وابدابـهـا


لكن علـي الحـرام ان القلـم لـه رعـاف
إلين تـروى ريـاض الطـرس واشعابهـا


وقافٍ مايمدح هل الطـالات ماهـوب قـاف
تمـوت بعـض القصايـد داخـل كتابـهـا


بعض القصايـد تشـاف وكنهـا ماتشـاف
وبعض القصايـد مواقـف عـز لصحابهـا


وانا احترفت القصيد وصرت نجم احتـراف
اداعـب ابـيـات شـعـري واتسلابـهـا


سلام ياسيـف شعبـك فالسنيـن العجـاف
لاكـشــرت دورة الايـــام بنيـابـهـا


لو للمراجل مجلـه صـرت فـوق الغـلاف
المرجـلـه كلـهـا عـديـت مرقـابـهـا


ابصم لك بعشر واوقـع علـى الاعتـراف
واكتـب جـزيـل القصـايـد واتغنابـهـا


ياشوق بنت المراجـل والستـر والعفـاف
ماشيف منهـا سـوى الكفيـن واخضابهـا


اخضابها مثل طعنـات السيـوف الرهـاف
متخالـطـه بـيـن حمرتـهـا وعنابـهـا


لو تكشف الوجه تدري وش وراى الاكتشاف
تقول شمس الضحى فـالارض وش جابهـا


تستاهلك وانت ذكرك عز واسمـك لحـاف
ماباقـي الا تصيـح وتفـقـد اعصابـهـا


انت الكرم والوفا وانـت النوايـا النظـاف
ثـلاثـة الـقـاب تزهـابـك وتزهابـهـا


من كثر ماقلت تركي صاب عقلـي خفـاف
شاعر يـردد حـروف اسمـك وهذرابهـا


يكفيـك جـدك ملـك وابيـك بالعـز نـاف
وش عاد اعظـم مـن الاسمـاء والقابهـا


مثل مايفخـر بنـو عبـدو منـاف بمنـاف
نفخـر بسيـرة هـل العوجـا ونرضابهـا


فول مطاف العمـر الـى انتهـاء المطـاف
والعـز ذكـره وراياتـه هــم اولابـهـا


ياخوان نوره حمـات الديـن والانتصـاف
الـى عتزيتـوا( بـنـوره) بنتعزوابـهـا


الـى دعونـا ولاة الامـر جانـا شـعـاف
كــن المنـايـا هـدايـا ونتحـلابـهـا


حنا جنود الوطن فـي ساعـة الاصتفـاف
فـي ساعـةٍ المنايـا شـرعـت بابـهـا


نسكر ونفقد على صوت الزهـم والهتـاف
والـى نوينـا نـدك البـيـد بهضابـهـا



عقب صبيٍ الـى جـات المهمـات خـاف
اللـي لاجــات المهـمـه ماتسموابـهـا


يازمـرة الشـر والتخريـب والانـحـراف
خيمة هـل الشـر نقشعهـا مـن اطنابهـا


ياهل الغدر والجهل واهل النفوس الضعـاف
قدامكـم روس قــومٍ تفـتـل اشنابـهـا


ناطى عليكم مثل وطـي الجمـل بالخفـاف
وفصدوركـم كـل شلفـا تبلـغ انصابـهـا


رؤوسكـم اينعـت وحـان وقـت القطـاف
والسيف الاملح يقـص الـروس برقابهـا


تبغون ترويـع الامـن وزعزعـة لإتـلاف
بـدري مـادام البنـادق رهـن سبابـهـا


المملكه في حمـى الله والسيـوف الرهـاف
تخسـون عنهـا وعـن تدنيسـة اترابهـا


الله واكبـر سعـي والله واكبـر طــواف
حنـا ذرى الـدار واهـل الـدار وادرابهـا

[حسن عابد]

البرنسيسه
العمر محدود ولاّ الوقـت لـه دوره
وانا الى الحين واحزاني هي احزاني


والوقت لو جار ماهتميت من جـوره
بدري على الوقت يامرني وينهانـي


شفني هنا والنجوم هنـاك منثـوره
ان كان ماطلتهـا مانيـب عرجانـي


شاعر واحب الشعر واغوص فبحوره
كـن القصايـد تعزوابـي وتنخانـي


والشاعر اللي لا غنّى يقفد شعـوره
.يستاهل انك تجي لمشاهـده عانـي


والجادل اللي معي بالصوت والصوره
تاقف على بـاب فكـري ماتعدانـي

كنهـا تـردد بعـون الله منصـوره
وك نها تغذا على دمـي وشريانـي


احيان فيها عقل واحيـان مطيـوره
واحيان تخطي علي وتقـول بلعانـي


تضحك على لهجتي لاقلت ماجـوره
والحين صـارت بلهجتنـا تحدانـي


ماهي على الوصل ملزومه ومجبوره
تقرب وتبعـد وتذكرنـي وتنسانـي


تقول كان الغلا في جـوف سبـوره
قم اكتب اسمي غلا ولاّ قم امحانـي


لبّى الغـلا يابرنسيسـه ياسنيـوره
امن الغلا ماذكرت اسمك على الساني


اخاف مـن واحـدٍ لادق لـي زوره
قدام عيني والى من رحـت يقفانـي


يامطلعة شاعر الابداع عـن طـوره
الى متى والخطـا منـك يتمثنانـي


تخطين واسامحك واقـول معـذوره
اروح فيها لمن قلتي علـى شانـي


القلب بستان وانتي اجمـل زهـوره
مايقطفك من خفوقـي واحـدٍ ثانـي


تربّعي دام لـك فالقلـب مقصـوره
.والله ماانسى غلاك ان الله احيانـي

بنت الشرف
الـولا لله ومـن بعـده ولانــا
للرجال اللي لهم مذهـب وملـه

والرجا باللي لـه نوجـه رجانـا
الإلـه اللـي يظللـنـا بظـلـه

عَزّنا وارهى علينـا واصطفانـا
لين قمنا نعقـد الحبـل ونحلـه

ياقصيـدي لازهمتـك لاتـوانـا
وكل شيٍ زين لامن جـا بحلـه

فـز لامنـه غشانـا ماغشانـا
والغزل خله ليامـن قلـت خلـه

بغـي راع النقـد لامنـه قرانـا
يبصم بعشره علىصدر المجلـه

والله انـي مانسجـم ولااتهانـا
كون لاشفت الوجيـه المسفهلـه

والردي مانيـب ويـاه انتدانـا
اترفّـع عـن مناهيجـه ودلـه

ودعوة الطيـب ليامنـه دعانـا
من غلاه وحشمته ناتـي محلـه

مانشكك في غلاه وفـي غلانـا
بين عز وبين كيف وبيـن فلـه

ان تغيبنـا حظـر عنـا نبـانـا
وان حظرنا كيفنـا فنجـال دلـه

وان حدانا الوقـت ولا ماحدانـا
ماخلقـنـا للهوان وللـمـذلـه

من عوايدنـا مانطعـن فخويانـا
دمـح الزلـه ولا ناتـي بزلـه

لابـدا الـلازم يكفّينـا حدانا
ويعتبر لابـه ودولـه مستقلـه

ولا بغت بنت الشرف تبحث خفانا
وقفـت قدامنـا والشعـر هلـه

انفحي يابنت وانتي فـي ذرانـا
واعتزي ويصيبنا خفـه وخلـه

اعتزي فينا ونبطش في اعدانـا
وسعد من حن فالملاقى عزوةٍ له

يوم جا مندوب راكـان ونخانـا
جاوا ربعي وابطشو ا في كل حله

لاح برق العز فالصلـب وشعانـا
وامطرت غر المزون المستهلـه

من قلاعتنا ومن طيـب اعقدانـا
لابغينـا الشـي لازم نستحـلـه

ننـا قــومٌ اذا دارت رحـانـا
تطحن اللي ماانطحن دقه وجلـه

ماخلـق منهـو يلحّقنـا مدانـا
رسخوهـا فالعقـول وفالسجلـه

هاكذا فزعاتنـا تسبـق اخطانـا
وكل يامي لازهمتـه جـاك كلـه

[حسن عابد]

اشعل فتيـل القصيـد ويحتـرق غيـري
واجيبهـا مـن صميـم القلـب نـاريـه

صعبـه وطوعتهـا واصبحـت مالكـهـا
وعسفتهـا مثـل عسـفـي للعمانـيـه

وسمتهـا وسـم ابـوي ووسـم جدانـي
واسمـي علـى صدرهـا كنّـه مداليـه

اصيـر لعيونهـا مصـدوع ومشـاكـس
وتصيـر لجلـي صديعـه وانتحـاريـه

هذي طرات القصيـد اللـي علـى حلـه
يصبـح مثـل فـي قصايدنـا العموديـه

وبعض الشعر لـو تعـده فالسنـه مـره
تلقـى كثيـر البشـر تحفـظ معانـيـه

وبعض الشعر شاعره مـن عـاده يعـده
يقال ليتـه جلـس فـي صـدر راعيـه

وانا قصيدي ليـا مـن هاضنـي بدعـها
مـا امـدح رجـال ولاّ ادلــع بنـيـه

ولا امدح الا عريب السـاس والمنسـب
اللـي تسوقـه علـى العليـا هقـاويـه

خطوى العريب الصعيب الوافـي النـادر
اللـي فعولـه توافـق مــع عـزاويـه

راع الوفـا لاسألنـي ويــن تقـديـره
ان كان ماهو هنـا فـي صـدري هنيّـه

وراع الردى لاتحاكـى قلـت لـه هيـن
خسـارةٍ فيـه حتـى طــاق طاقـيـه

فـي مجلـس العـز لايقلـط ولا يذكر
فعل الـردى فـي جبينـه صـار ماريـه

راع الـردى لاتحاكـى قـلـت يانـابـج
ولو تعكسون الحـروف تصيـر عكسيـه

مـن واقـع التجربـه ومعابـل الدنـيـا
صرت اعرف النـاس تركيبـه ونفسيـه

مؤمن بمبدى ليا منّـك حضـرت اصهـل
وامـوت فـي مخـذة الحاجـه ذراعيـه

وافخر بربعي ووقـف مـع بنـي عمـي
واشـوش لاصـارت الدعـوى جنوبيـه

مانيب عجمي ولكـن لا انتخـى العجمـي
اصيـر كنـي ولـد عجمـي وعجمـيـه

احيان اقول المراجل مـن ضنـى يامـي
الاب يـامـي واكـيــد الام يـامـيـه

هـذي طـرات العسـر يامـدور الهيـن
تاتـي كـذا مـن طناخـة راس وحميّـه

والرجل لاصـار طيـب قلـب وسنافـي
ودك ليـا مـن عشـق يعشـق سنافيـه

وان كان ماالله قسـم باقـول لـه حاجـه
احسن لـه يعيـش فـي جـو العزوبيـه

انا اعشـق الجـادل الرعبوبـه الترفـه
جنّـي وقلبـي وقـع فـي حـب جنيـه

بنـت الكـرم والوفـا والعـز والنخـوه
واخت السيـوف الرهـاف وكـل جنبيـه

اسمـع بسيـد الخونـدا اللـي يطرونـه
والبنت هـذي حسـب عرفـي خونديـه

تطري علي وان سهيت شوي وش يحصل
القلـب كنـه يفرقـز مــن كراسـيـه

وتسري بدمـي وفـي حلـي وترحالـي
تستوطـن الفكـر فالروحـه وفالجـيـه

وان عـودت للـغـلا مكانـهـا ثـابـت
تسكـن بقلبـي وترتـع فـي محانـيـه

ولا المزاييـن واجـد وانشـدو ا قلبـي
يامكثـر اللـي بقلبـي شبـه طرقـيـه

والنـاس واجـد وكـلا ً دربـه يـدلـه
والعمـر رحلـه وكـل النـاس عبريـه

تـدرون منهـي حبيبـة قلبـي الاولـى
امـوت واحيـا وانـا احـب السعوديـه

[حسن عابد]

ياعوق بعض الرجاجيل ياعوق


الصبر زين وكل مطـرود ملحـوق
دام النجـوم العالـيـات بسمـاهـا


ياهاجسي برفـوق لاقلـت برفـوق
ماهيـب لحيـة علهـا ياعسـاهـا


ولاهيب لحية وين غيبـت ياشـوق
ولاهيب لحية مت انـا مـن غلاهـا


هجس القصيد يتوق صوبي وانا توق
بسـم الله الرحمـن فـي مبتداهـا


رعادهـا رعـاد وبروقهـا بـروق
لامن حداها الشاعـر اللـي حداهـا


كان القصيده بنـت عـزٍ وغرنـوق
حلّيبـهـا حلّيـبـهـا لعنـبـاهـا


لاجاتنـي حطيتهـا داخـل المـوق
والله يحييـهـا ويحـيـي نبـاهـا


لها علي حقوق وانـا لـي حقـوق
ولاّ بـلاش امـن القصيـد وبلاهـا


مانيب اعدلها علـى كـل طـاروق
اليـن اجنّنهـا وابـيـح خفـاهـا


الفكر شاشة عرض والقلب صندوق
يعني علـى ماقيـل بيـر وغطاهـا


ياهل الوثايق جاكـم العلـم موثـوق
نصيحـةٍ ياخـذ بهـا مـن قراهـا


ترى النصيحه كان في ساحة السوق
معروف بايعها علـى مـن شراهـا


لو كل روضٍ به خزامـى ورقـروق
محدٍ شكـى الدنيـا ودورة رحاهـا


والمنخنق لا قـال مانيـب مخنـوق
تشهـد عليـه العيـن لاهـل ماهـا


والحر يخدم دام له وكـر وسبـوق
ولا الحديـا عيبهـا فــي حـدهـا


والرجل فعل وطيب موقف ومنطـوق
والمفلـس اللـي مايحصـل حداهـا


لاتبدي اسرارك على كـل مخلـوق
الناس ماتـدري وش اللـي وراهـا


عليـك باللـي طلعهـم دايـمً فـوق
اللـي عـن الـزلات تكـرم لحاهـا


خلك عسر وارقى على كل شاهـوق
وسلم علـى اللـي لارقاهـا رقاهـا


واحذر تخاوي من تجرد عن الـذوق
اللـي بـزلات اللـسـان يتبـاهـا


تلقاه بين الكذب والـزور والبـوق
وباقـي علومـه كلهـا ماخـزاهـا


ياعوق يابعض الرجاجيـل ياعـوق
اللـي تثـوّر بندقـه فـي اخباهـا

[حسن عابد]

ياعوق بعض الرجاجيل ياعوق


الصبر زين وكل مطـرود ملحـوق
دام النجـوم العالـيـات بسمـاهـا


ياهاجسي برفـوق لاقلـت برفـوق
ماهيـب لحيـة علهـا ياعسـاهـا


ولاهيب لحية وين غيبـت ياشـوق
ولاهيب لحية مت انـا مـن غلاهـا


هجس القصيد يتوق صوبي وانا توق
بسـم الله الرحمـن فـي مبتداهـا


رعادهـا رعـاد وبروقهـا بـروق
لامن حداها الشاعـر اللـي حداهـا


كان القصيده بنـت عـزٍ وغرنـوق
حلّيبـهـا حلّيـبـهـا لعنـبـاهـا


لاجاتنـي حطيتهـا داخـل المـوق
والله يحييـهـا ويحـيـي نبـاهـا


لها علي حقوق وانـا لـي حقـوق
ولاّ بـلاش امـن القصيـد وبلاهـا


مانيب اعدلها علـى كـل طـاروق
اليـن اجنّنهـا وابـيـح خفـاهـا


الفكر شاشة عرض والقلب صندوق
يعني علـى ماقيـل بيـر وغطاهـا


ياهل الوثايق جاكـم العلـم موثـوق
نصيحـةٍ ياخـذ بهـا مـن قراهـا


ترى النصيحه كان في ساحة السوق
معروف بايعها علـى مـن شراهـا


لو كل روضٍ به خزامـى ورقـروق
محدٍ شكـى الدنيـا ودورة رحاهـا


والمنخنق لا قـال مانيـب مخنـوق
تشهـد عليـه العيـن لاهـل ماهـا


والحر يخدم دام له وكـر وسبـوق
ولا الحديـا عيبهـا فــي حـدهـا


والرجل فعل وطيب موقف ومنطـوق
والمفلـس اللـي مايحصـل حداهـا


لاتبدي اسرارك على كـل مخلـوق
الناس ماتـدري وش اللـي وراهـا


عليـك باللـي طلعهـم دايـمً فـوق
اللـي عـن الـزلات تكـرم لحاهـا


خلك عسر وارقى على كل شاهـوق
وسلم علـى اللـي لارقاهـا رقاهـا


واحذر تخاوي من تجرد عن الـذوق
اللـي بـزلات اللـسـان يتبـاهـا


تلقاه بين الكذب والـزور والبـوق
وباقـي علومـه كلهـا ماخـزاهـا


ياعوق يابعض الرجاجيـل ياعـوق
اللـي تثـوّر بندقـه فـي اخباهـا

[حسن عابد]

النعيريه


الديره اللي ياعـل السيـل يسقيهـا
وشلـون ماحبهـا واحـب طاريهـا

احبها حـب ساكـن داخـل اعماقـي
ومهما يجور الزمن مانيـب ناسيهـا

فيها ربيت وعرفت ان الغـلا فطـره
واحبها من صميـم القلـب واغليهـا

من عادني فـي صفـوف الابتدائيـه
ومن عادني العـب الكـوره بناديهـا

الين قدنـي كبيـر وفاهـم وعاقـل
واكتـب قصايـد تشرفنـي معانيهـا

تصدق اني لو اجيها وانـا مغمـض
ادل حتـى شوارعـهـا وكبريـهـا

واسوق روحي لها من شان عمدتهـا
واحبهـا مـن محافظهـا لشرطيهـا

ديرة هل العرف والوقفات والفزعـه
. فيها القبايل تفاخر فـي عزاويهـا

الله جمعهم على العز وعلى الطاعـه
صاروا على قلب واحد وسكنوا فيهـا

الديـره اللـي لهـا فقلوبنـا موقـع
نعيش فيها وندفـن فـي اراضيهـا

فيها الحضاره وفيهـا العلـم متقـدم
غطـت خدماتهـا علـى ضواحيهـا

اشياء واجـد تبيـن لـك تطورهـا
واكبر دليـل التطـور فـي مبانيهـا

صارت عروس الربيع ومقصد السايح
الناس من كل حدب وصـوب تاتيهـا

اذا سألـت اي واحـد وينـك مخيـم
تلقى خيامـه ورى الديـره مبنيهـا

خدمه وفرقـة دفـاع ورقـم مجانـي
من كثر ميزاتهـا ماعـاد نحصيهـا

شعارها(ربعـوا معـنـا) وحيـاكـم
الله يرحـب بـهـا والله يحييـهـا

تلقى بها العشب بشكالـه وبنواعـه
امـا نبـت وسطهـا ولا حواليـهـا

وتلقى بها الحمض والحوذان والربله
وانواع واجـد ماتحظرنـي اساميهـا

وتلقى بيوت الشعر والكيـف والفلـه
وتلقى بها الذود ترتع فـي مفاليهـا

وتلقى بها كل شـيٍ يبهـج الخاطـر
ان قلـت ياحليلـهـا ولا يالبيـهـا

الله عليها من اولهـا الـى اخرهـا
والله من عيون بعض الناس يحميهـا

ويالله عسى مزنة الرعـاد والبـارق
تملـى ملازيمهـا وتملـى محاجيهـا

واللي ماركز معي في مبتدى القصـه
فل يستمـع زبـدة القصـه بتاليهـا

انـا ترانـي مابالـغ فـي محبتهـا
وشلون ماحبها وامـي وابـي فيهـا

هذي قصيده علـى شـان النعيريـه
تقديـر لمحافـظ الديـره واهاليهـا