تحت خط الفقر

[رعد الجنوب]

مراحب مراسلنا العزيز
الفقر مشاكله كثيره واثاره على الفرد والمجتمع واضحة سواء الفقراء او حتى الاغنياء
ولحل مشكلة الفقر في السعودية نحتاج امور وسبل وطرق ومنها الامانه
اليوم الفقراء في سباق ولف ودوران مع كثير من الناس الغير محتاجين وربما نراهم اغنياء في الحصول على الضمان
المحتاجين في سباق مع غير المحتاجين في حافز وفي المعونات المقطوعة والزواج وحتى في الزكاة
اتدري ان هناك اناس ليسوا محتاجين ويحصلون عل الرز ويرمونه للدجاج والسبب مافيه دراسة لمحتاجي الزكاة والصدقة والمساعدة .......
انا شخصيا مااشيل هم محتاج او فقير لأن من خلقه لن يضيعه واهل الخير بخير ولن يقصروا
الهم كل الهم في غني يدفع الملايين في تسلية او سباق او مرائي واذا مر امام ناظره فقير اهانه
او طلب ابعاده عن طريقه
الهم كل الهم في ضمير مدرسة تئن بماتحتوتويه من مأسي بدأً بالايتام والفقراء ومروج المخدر وانتهاءً
بمبانيها المتهالكة الجديدة والتي رصد لها ملايين وقامت على نصف المبلغ المرصود
الامانة فقدت والصراحة وئدت والمغلوب على امره عجز امام بعض النظم وبعض المسؤلين
الدولة عملت كل شيئ ولكن الضمير والامانة لا يبنيها الا التربية والتربية في طريق شائك سواء في المنزل او الشارع او في المجتمع عموما
تذكرت قصيدة اوردها الغالي سهيل في الديوان الادبي 0000
بسم الله الرحمن الرحيم
قصيدة رائعة للشاعر :رجا بن فهيد الهــاجري ..


ماجيت أدور مـال ولا مكاسيـب
ولا مهونـة نـفـس ولا مـذلـه
اما نسندها علـى جمـة الطيـب
ولا نحدرهـا علـى خيـر مـلـه
النفس عدت في طـوال المراقيـب
بالعـز كنهـا دولتـن مستقـلـه
اسوارها كل الضلـوع المحاديـب
وابوابها مثـل النجـوم المطلـه
والحظ ظلما والليالـي مشاهيـب
والوقت لغزن يتعب النـاس حلـه
وحنا تحت رحمتك يا عالم الغيـب
تغفر لنا مـن كـل هفـوه وزلـه
لو الفقر ضيـفٍ وحنـا معازيـب
يامرحبـا بالفقـر دقـه وجـلـه
كرمان لو دارت علينـا الدواليـب
وظفران لـو ان المزاهـب مقلـه
الفقر ماهو عيب تدري وش العيب
انك غني والبيـت محـدن يدلـه
ماهو بمدهال اللحـى والاشانيـب
مقفلـن بابـه وقفـرن محـلـه
واللي يصر القرش في داخل الجيب
هو يحسبن النعم سهـل يحصلـه
حفاوة الطّيـب كثيـر التراحيـب
مطلق عمس ضيفه حجاجه يفلـه
ماهو على ضيفه قريّب محاضيـب
الا مـداه بعيـد مـا جـاك كلـه
واللاش ماسر الخوي والاصاحيب
من طاوله مله ومـن جـاه ملـه