رد: فنجال .. وعلوم رجــــــال .. !!
((المزرعة والسيل الجارف ))
هذا واحد مزارع عنده هاك المزرعة الجميلة .. مزينها ومعطيه الله كل خير .. وذاك اليوم يجيه
هاك الواحد الأجودي مستميحا .. فأعطاه ممّا عطاه الله .. من ثمار المزرعة وخيراتها .. فاكل
حتى الشبع .. ويوم قام ماشي وهو يرفع يدينه فوق ويقول : يا الله تجعلها بالسيل اللي يعطيها لين تغطرف ركبانها !!
وراح في شأنه .. وماهي إلا ساعات قليلة إلا وأرعدت وأمطرت .. وغطرفت السيول الجارفة والتي اجتاحت المزرعة وقطعت عقمانها وهدمت بيرها .. وجعلتها صفصفا قعقعا .. !
أما صاحبها فقد حمد الله على سلامته وما كتبه وقدره الله .. واخذ في إعادتها كما كانت ..
وإصلاح ما أفسده السيل .. بغرس الأشجار .. وحفر البئر مرة أخرى :
( يابيــــر ما ســـاسك قريـــّب * واهل العقــول يقيســـون )
( وإن كان ما جا الشغل طيّب * ولا البـــدو لا يفزعــــــون )
وبعد عدة سنوات عادت المزرعة كما كانت وأحسن .. وذاك اليوم وهو في مزرعته يطيّب ويغرِب
ولا صاحبه ( راع الدعوة المستجابه ) يقول : سلام عليكم ..
عرفه صاحب المزرعة .. وراح وخرف له بعض الثمار .. وقدم له من خير الله الكثير .. وأخذ يراقبه عن كثب !
ويوم شبع صاحبنا .. وهو يرفع يدينه " مثل المرة اللي راحت " .. ويوم قال : يا الله !!
وصاحب المزرعة يصرخ بأعلى صوته : اكل من نعمة الله واطرم !!!
|
05-30-2012
المواضيع المتشابهه
العرض الشجري