غبينه في غبينه

[منقاش]

واحد من أم قبيله : ويش أصور لك وويش أخلي , خير كبير وكثير تمناه لكل من تحب ولكل من حرم منه , وديار يزرعون فيها حتى العنب على المطر .
والمسقوي من الأنهار خذ وخل , وانسى وشيل من بالك البيار ومضخاتها لأنها من الأشياء اللي ما أحد يصدق أنها موجوده , والصوره ما تغني عن المشاهده والتملك ما يغني عن الحضور واتباع بعض الأجراءات القانونيه .
والزبده ان كنت جاد أستشير واستخير الله ثم تعال الى على حدي واشرب لك فنجال قهوه في بيتي في الطايف بعد عشرين من شوال الجاي حتى نفهمك على كل شي واصطحبك معي في العوده لأرض المهجر..
واقول على العشرين من شوال لأن العيال في طريقهم لي هاليومين ورايح أنشغل معهم ومع الرويعي وابن ابي محمد ولا نبي نرجع الا على المنتصف من شوال ان شاء الله , حينها أكون متفرغ لك ان كنت جاد ولا تمزح ومقبل على مثل هالخطوه الجريئه اللي ما يقبل عليها الا الناس اللي تخلصوا من رهاب السفر , وفي النهايه ما كتب على الجبين تجنيه اليمين , , ومن كتبت عليه خطا مشاها ..