دكـــة ابومهنـــــد..[تعال ندردش واجعل الهم نسياان]

[ابومهنـــــد]

رد: دكـــة ابومهنـــــد..[تعال ندردش واجعل الهم نسياان] رد: دكـــة ابومهنـــــد..[تعال ندردش واجعل الهم نسياان] رد: دكـــة ابومهنـــــد..[تعال ندردش واجعل الهم نسياان] رد: دكـــة ابومهنـــــد..[تعال ندردش واجعل الهم نسياان] رد: دكـــة ابومهنـــــد..[تعال ندردش واجعل الهم نسياان]

ابو هبه >> أبو مهند .. ابو تركي
مسيتم بالخير
العلوم ماهي بس لهذا الحد >> هذا لأن الشركة من الشركات اللي يشار لها بالبنان .. والا كان ما أخذنا شي نهائياً >>>> هذولا الصفوه يعني.
ياخي احنا النظام ما يخدمنا ابد ابد
ودايم بخدمة الكبار .. واصحاب الشركات والهوامير والتجار .. احنا دايماً الضحيه والحيطه المايله على قول اللي يقول
والا لو كان هدفهم مصلحة المواطن .. كان في مثل هذي الاجراءات المرورد هو اللي يتكفل فيها .
يعني مثل ماهم اذا صار حادث بين شخصين .. الشخص المخطي ينتهي دوره بمجرد انه يعطي المرور بطاقة التأمين وخلاص يمشكي على طول
ومنها تبدأ معانات المخطى عليه >>>> شفتوا يكف انعكست الآية
المفروض المرور ياخذ بطاقة التأمين ويكون عندة آلية يقدر من خلالها تقدير التلفيات ورفع معامله رسمية للشركة المعنية ويلتزم المرور بحفظ حقوق الشخص المتضرر .. ولا يراجع شركة ولا غيرة
يراجع المرور فقط وياخذ حقه من عندهم
ومن المفترض إن أي شركة تأمين ما تأخذ ترخيص بمزاولة المهنه الا بوضع مبالغ مالية تحت تصرف المرور وتصرف منها المبالغ للمتضرر مباشرة ماهو يبقى لحد ما تحن الشركة عليه وتصلح له سيارتة
* تدرون ان الشركة قالت لـ عبدالله لا تتصرف في السيارة لحد ما تصدر الموافقة بالصرف من الشركة
يعني خليك اسبوعين بدون سيارة وبعد كذا اسبوعين ثانيه وسيارتك في الورشة .. وهذا شهر راح. وانت بدون سيارة .. وأكيد راح تستاجر في هذي الفتره

فـ لو أفترضنا انك استاجرة سيارة لمدة 30 يوم بمبلغ 100 ريال
راح يكون خسرت 3 آلا ف
ويمكن المبلغ اللي بتحصل عليه من الشركة ما يجي نصف هذا المبلغ >> عاد شوفوا كيف الهجوله وعلى الفاضي >>> خسران يعني خسران وما استفدنا من التأمين شي

يابوعبدالله التأمين هذا بإختصار يخدم المخطي ويلعن سابع
جد للمخطى علية لان المخطي اذا صدم طلع التأمين
وصكة بوجهك وقالة رجل المرور انت مأمن قال اية
وين التأمين قال هذا قالة رجل المرور روووح
وانت ردد ياليل مطولك بين المرور وشركة التأمين
وسع خطرك يابوعبدالله كلها 50سنة وتفرج..

الله يبقيك ويغليك ويغنيك..
كان كلمتني من بدري
اجي افرش معاك الفراااااااااش على الدكة
ونفرد السفر والموية
يصير تكمل الجلسة بوجودك ووجود ابو خولة وسنا الهجرة وابن سلمان وابن عبيد والكشكول
والباقين مرة ثانية نعزمهم على الدكة
لان الدكة ما تشيل صغيرة

حياك الله يابورامز هذي المرة علية العشاء بمناسبة الافتتاح وهزيمة المنتخب
والمرة الجاية عليك<<صراحة الدكة صغيرة بس ننتظر الدعم من الاداارة
ومن ذوي الخبيرة وبالرجال الطحاطيح وان شاءاللة تلقااها الشهر الجاي
استراحة مثبتة باعمدة..
وبعدين يابورامز ترى الربع كلهم معزوومين الصغير قبل الكبير وانتظر
بعد مدة بسوي فرع ثاني للدكة فرع نسائي واسلم الادارة للاستاذة
ملاك وواثقة الخطى وتصير دكة نسااائية بس اصبرلي شوي اكل البلح
حبة حبة...

[ابومهنـــــد]

المشاركة الأصلية كتبت بواسطة أبوخالد

ماشاء الله عليك يابومهند منت هين
دكه وعلومه سنعه
تصدق بغيت اتوهق بسالفه كتبتها ورجعت اغير الموضوع قلت يابوخالد وراك ورعان تكد عليهم
الشباب ماقصروا
لكن تدري اباخذ فره على المنتدى وارجع يمكن يتغير الموضوع ويهدون الشباب
الا على فكره القحطاني بيعتزل دولي هعهع
صراحه ادى واجب للمنتخب بس الشباب اللي معاه ماهم قد كذه
هع

الله الله يابوخالد الان تقدر تقول ان مايقص راسي سيف من وقت شفت معرفك جاعندي على الدكة حسيت على مايقولون بالامان والحااارة كلها ترحبك ترحيبة مثنية يابوخالد<<ذلحن اقدر احارب المشيلحي هذا الي يبي ياخذ دكتي يأقوى الاسلحة ولا تنسى الحجاج الي جايبلي دركتر يبي يقش قطرتي على قول اهل الديرة...

الا على طاري السالفة الي بغيت تكتبها وخفت على عيالك<<اقولك خذراحتك يابوخالد اكتب مابداالك ترى الدكة انا اخذ تصريح من الاستخبارات العامة بسوالف في نطااق الواقع حتى لو انها في سياسة الدولة بس اهم شي لا تدخل سياسة المنتدى ياااويلك ترانا مراااقبين ويمكن بعد مدة يابوخالد القاك تغير لوونك مو بلون المعرف لون البشرة<<دعابة دعابة على قول فايز المالكي خخخخخخخخخخخخ على الله تمر هذي الدعابة على خير من عندهيثم وابوعبدالرحمن




وبعدين يابوخالد كلمة تزكين وربي مسكت معي الشهر الي فااات حتى اخوييا في العمل صاارت على السنتهم من كثر ماقولها لهم<<واحد من الاصدقاء قالي ياخي تراك امتحنتنا كل شوي انت تزكن علينا ترانا محنا ورعاان عندكم ..قلت انا في نفسي بلاك ماعرفت من علمني التزكيين..

وبلنسبة لياااسر ياحبني لذاك الادمي بس يابوخالد وانا خاالك تراني ماني بحشمان فية حتى لو طردووه من المنتخب اذا كان الشيء هذا يعدل الاموور ولقيوا احسن منة في خانتة بس لو تلاحظ مافية احسن منة يقدر يقلق الدفاع حتى لو ماسجل هدف يمكن عنده خطط مدرووسة الرجال قاعد يطبقها<<خخخخخخخخخخخخخ هذي خطط مدروسة كلمة للي بيصرف هرجة..

عموما يابوخالد اعتبر مرورك على الموضوع ولايهونون الباقين تميز بحد ذاتة..

براااايفت<<<<
ولواني عتبان على ابوعبدالرحمن ماشفتة قط معنا في الدكة ولاحتى ببلكة ولا
حضر العشاء الي سويناه
شكلة مايحب الدكات يبيني اسوي استراحة ومواد البناء طاايرة واوك في اللة مطفر
يالله الجاايات اكثر..

[>>>>المشيلحي<<<<]

قريباً
اعفاء ابو مهند من الدكة
وتعيين المشيلحي بدلاً منه

خخخخخخخخخخخخخخخخخخخخخخخخ

[سنا الهجرة]

المشاركة الأصلية كتبت بواسطة >>>>المشيلحي<<<<

قريباً

اعفاء ابو مهند من الدكة
وتعيين المشيلحي بدلاً منه

خخخخخخخخخخخخخخخخخخخخخخخخ

أما هذا القرار بيكون حديث الساعة
خخخخخخخخخخخخخخخخخخخ

[ابومهنـــــد]

المشاركة الأصلية كتبت بواسطة >>>>المشيلحي<<<<

قريباً
اعفاء ابو مهند من الدكة
وتعيين المشيلحي بدلاً منه

خخخخخخخخخخخخخخخخخخخخخخخخ

وين وين رااايح يامشيلحي تحسب الدنيا خذني وجيتك..؟؟؟

الدكــــة مافيها اعفاء ومن العلوم هذي,هذي عليها صك شرعي وعلى فكرة ماهي على قطرة احد<<اقلك الحجاج جاب بلدركتر عجز يحرك بلكة منها نجي يالمشيلحي تاخذ الجمل بما حمل والله لاقتلن من جماعتك ورفاقتك بعدد الحصا والحجاارة افهمت اية المشيلحي..
وبعدين يابوحامد انت ما شفت ابوعبدالله كيف رد عليك بعد ردك هذا؟؟؟؟الله يديمة لي..
يعني اي انقلاب يامشيلحي تراني متعزوي بابوخالد وابوعبدالله وابوتركي ولا تنسى اني صحيبهم من اول.
وشباب الحارة كل واحد منهم معه عجرة يعني لو تجيب الحوية كلها ماتشفر معنا..
خخخخخخخخخخخ

عموما حياك الله يابوحااامد انت راعي حلة مايحتاج انقلاب بس امر وانا اجيك اطاامر وحياك على العشاء الجديد الي جايبة ابو رااامز تراة سمك احسن من الي
عندكم في حقل هذا هااامور الخليج العربي المشهور من الدمام جايبة ابوراامز الله يديم عزة
هاامووور يخلي الرايح جاااي ويخلي الشايب المكحكح شباب مفحل...


برايفت صغنطوط
قاعد ادقق لايكون في غلط ويرجنا ابوعبدالله
ويقول كفشتك كفشتك..!

[سنا الهجرة]

إبتسامه عريضه
هههههههههههههههههه
اكتفي بها .. واعوذ بالله من ابليس

إحفظ لسانك ايها الانسان ... لا يلدغنك انوه ثعبان

[>>>>المشيلحي<<<<]

الله يستر
ابروح احللق الحين

المشكلة
الحلاق بيذلني

اردني

شكلي ما بحلق

[أبو رامز]

الكاتب النصراوي محمد الدويش
ينتقد فهد بن سلطان في مقال نااااااااري وجريء
مارااااااايح تعدي على خير

في اللغة العربية: متن وحاشية.. المتن هو الاصل، اي أصل الكتاب وخلافه الحاشية او الشرح او الهامش اي ما يُكتب على الكتاب من شروح وتعليقات وموقعها منه الجانب او الاسفل..

وفي عصر شعبولا متن وحاشية ايضا لولا انك احيانا لا تجد فارقا يُذكر، فتفرك عينيك كي تتأكد ان هذا هو الاصل وأولئك هم الحاشية..

شعبان عبد الرحيم، او شعبولا، هجر رش الماء من فمه على قميص يكويه ليرش على اذان عربية يكويها كلمات ليست كالكلمات مع الاعتذار لعشاق نزار قباني وماجدة الرومي.

شاهدت شعبولا في مساء واحد على ثلاث قنوات، ثم في مساء اليوم التالي تبارى (النقاد بمرتبة طبول) ليس فقط بالحديث عن كلمات شعبولا وانما عن عدم ارتدائه البشت، آسف الكرافته، وان المقابلات لم تكن في مكتبه، آسف في مغسلته..!!

يا لهم من طبول، آسف يالهم من نقاد، ويا له من حاشية على معلاق بشت، آسف يا له من عمامة على معلاق كرافته..!!

ثم في اليوم التالي اقام شعبولا حفلته المنتظرة وكانت المفاجأة ان جميع الحضور يرتدون البشوت، آسف الكرافتات، وبعد ان انتهت الحفلة تبارت البشوت على معلاق حاشية، آسف الكرافتات على معلاق عمامة بالحديث عن انجازات شعبولا ومشاريعه المدروسة على اسس علمية مكوية بل وتوجيهاته..!!

لقد غرقت في البكاء، آسف الضحك، وانا اشاهدهم الواحد تلو الآخر في بشوتهم المطرزه وتذكرت المثل القائل: ياشين الـ ..... على الـ .......!!

ثم غرقت كما غرقت الكرة السعودية في السيول الالمانية وانا اسمعهم الواحد تلو الآخر على شاشة التلفاز وكلمات شعبولا وتوجيهاته ومشاريعه تتناثر كما يتناثر الماء على القميص المكوي في المغسلة بين ألسنتهم المتدلية وشفاههم المنفوخة، يا لهم من بشوت في معلاق حاشية.

هذا المشهد سيتكرر كل ليلة في بطولة قارية حيث سيغني شعبولا وخلفه بشوت على اكتاف حاشية وهم يرددون جملا تكتيكية موسيقية، آسف مكوية، فيختلط الحابل بالنابل وألمتن بالحاشية انه عصر شعبولا..

[سنا الهجرة]

ومواد البناء طاايرة واوك في اللة مطفر
يالله الجاايات اكثر..

أخيراً صدناك يابو مهند
تذكرت مثل كان جدي الله يرحمه يقوله لي اذا ضحت على واحد
كان يقول >> ياولدي >> من ضحك بدبرة حمار حطها الله في ظهره
هههههههههههههههههههههههه

لا تقول لي ما تعرف الدبره

[ابومهنـــــد]

المشاركة الأصلية كتبت بواسطة سنا الهجرة

أخيراً صدناك يابو مهند
تذكرت مثل كان جدي الله يرحمه يقوله لي اذا ضحت على واحد
كان يقول >> ياولدي >> من ضحك بدبرة حمار حطها الله في ظهره
هههههههههههههههههههههههه

لا تقول لي ما تعرف الدبره

لالا يابوعبدالله هذي خيااانة مع سبق الاصرار والترصد تدري ليش ؟؟؟؟

لاني قاايلك من اول ماجيت على الدكة حرف الخاااء عندي مكلج مايمسك بعض الاحيان
والكلمة الي صدتها ((واخوك في الله)) يعني جيب غيرها ماهي بمحسووبة
راحت عليك..
خخخخخخخخخخخخخخخ