ربعي يا ربعي

[سنا الهجرة]

ربعي يا ربعي ربعي يا ربعي ربعي يا ربعي ربعي يا ربعي ربعي يا ربعي

السلام عيكم ورحمة الله وبركاته

ربعي ياربعي ...

أخوكم فالله .. عزم وتوكل على الله .. يعمِّر >>> يعني يبني له بويت ..

اللي يخبر لي تصاميم .. وكروكيات .. وصور فلل وعمائر ,,
أي شي جديد وحلو في هذا المجال .. ولو تكون صور ثلاثية الابعاد >> المهم أي شي حلو

بس لا يجيب لي شي فوق طاقتي .. يعني فلل امراء ومليارديريين

وطبعا يا ريت تكون عمارات

مكونه من دور وشقتين وملحق >> هذا اللي براسي الحين والا لو وٌجدت فكره احسن يكون احسن بعد.. أنا توي بأول المشوار .. واجمع أفكار مبدئية على شان لمن اروح للمكاتب الهندسيه يكون عندي فكره تامه

المهم هذا الموضوع مفتوح لكل من له خبره أو فكره أو مشوره .. لا يبخل على أخوه العبد الفقير الى الله .. سنا الهجرة

اسدحو ما لديكم من جماليات وابداعات لعلي استفيد منها قبل ما اتوهق وابدأ
ومنها يكون هذا الموضوع مرجع لكل من عزم مثلي ونوى يشتغل

والله لا يخليني منكم

[ABO TURKI]

الله يعينك ويقويك

وهذا طريق كلنا ماشينه وعليك بالصبر وحسن اخلاقك مع اصحاب المعارض

والله الله بالونيتات الغمارة تراها تدف معك

[سنا الهجرة]

المشاركة الأصلية كتبت بواسطة ابو تركي

الله يعينك ويقويك

وهذا طريق كلنا ماشينه وعليك بالصبر وحسن اخلاقك مع اصحاب المعارض

والله الله بالونيتات الغمارة تراها تدف معك

هههههههههههههههههههههههه

الله لا يحوجني لهم .. وعقبالك ان شاء الله تمشي هذا الطريق اللي شكله غثا من اوله

بس وين الفزعه مافيه ولا حتى صوره .. أفا يا ذا العلم .. احباط كذا من اولها

[ABO TURKI]

ما يبيلها ولا صور الواجهة رخام
والشقق خليها خمس غرف بمدخلين قسم الرجال مجلس ومقلط
وقسم الحريم ثلاثة غرف وصالة ومطبخ
وان كان فيه حوش حط بيت شعر ومشب

هذا تصميم و بعده

[سنا الهجرة]

الله يسعدك يابو تركي
أنا في البدايها كنت احسب الشغله كذا وبس وانتهينا ..
لكن الله لا يوريك .. يوم جا وقت الجد وبديت اسأل المتمرسين واهل الخبره ,, ياخوك قسم اني داخ راسي

مداخل ومخار والله يخارج .. وزوايا وارتدادات .. وشغلات

الحمام وانت بكرامه كيف يكون .. والمطبخ اشلون وغرفة النوم تكون مرتفعه مدري اشلون
وغرفة غسيل .. وغرفة تبديل ملابس ..

وناس تقول الحين فيه حركه طالعه وماشي سوقها
فله مصغره في واجهة العماره .. وثلاث شقق على بعض في الخلف .. ومدري وش اقول لك

أقول .. شكلي بهون

تجي نفتح مطعم انا وانت ؟؟

[ABO TURKI]

ان كان مطعم تم تراني خويك
صدق انت وين بتعمر

[ابو فهد]

خابر لي برنامج يسوي تصاميم اذا ودك

وبعدين فيه موقع فيه من التصاميم مايشيب الراس بدور لك عليه منها اشي عربي واشي افرنجي .

والله مدري وين راح الموقع لكن هاك هذا

تصميم موقع

[مجنونها]

دام للمنتديات عطاؤك
يا بو عبدالله مالك ومال التعميره في هذا العمر
اللي ما عمر وهو مراهق وش يبي به بعد السن هذا
وبعدين عندك أطفال وتبي تبلش معهم وتبي توذي الجيران بالريحة
خلك وأنا أخوك وإن كان معك زود فلوس خاشر أبو تركي في مطعم مثلوثه وخلوني أحط عندكم ثلاجة لبن
قول تم

[سنا الهجرة]

المشاركة الأصلية كتبت بواسطة ابو تركي

ان كان مطعم تم تراني خويك


صدق انت وين بتعمر

والله يا عندي مشاريع لو انفذ واحد مها كان مداني تاجر .. لكن ياشيني وانا سوداني رقم واحد

اقول .. ان كنت صامل . وانا هونت من العمار .. المشروع عندي وانا ابو هندي .. كلها كم سنه وانا وانت فوق هام السحب ..

[سنا الهجرة]

المشاركة الأصلية كتبت بواسطة ابو فهد

خابر لي برنامج يسوي تصاميم اذا ودك

وبعدين فيه موقع فيه من التصاميم مايشيب الراس بدور لك عليه منها اشي عربي واشي افرنجي .

والله مدري وين راح الموقع لكن هاك هذا

تصميم موقع

بيض الله وجهك يابو فهد >> اي والله ودي الله لا يهينك ان لقيته عطني اياه انا دورت في النت ما لقيت الا هذا اللي جبته الحين .. وشكله نصاب يبي اشتراك وفي النهايه ما القى عنده الفه