تِذَكَرْتَكْ

[سنا الهجرة]

تِذَكَرْتَكْ تِذَكَرْتَكْ تِذَكَرْتَكْ تِذَكَرْتَكْ تِذَكَرْتَكْ

الصراحه .. ما كان لي نية في طرح هذي القصيدة . لأني أرى انها من القصائد الخاصة .. ولا يهمني كثيراً طرحها من عدمه
ولكن بعد قرائتي لموضوع أخي أبو سيفين ورحلته مع رفاقة لحضور دعوة قبيلة (حرب) في تلك الامسية الرائعة .. تذكرت هذه القصيدة .. وأحببت ان أطرحها بين أيدكم لعها ان تحيي الهمم وتحث الاصدقاء على الحفاظ على صداقاتهم والاهتمام بها .. لكي لا تخبو وتصبح في النهايه من الذكريات القديمه البالية .. كل الأمنيات بأن تنال استحسانكم وتروق لكم ..




تِذَكَرْتَكْ



[POEM="font="Simplified Arabic,5,black,bold,normal" bkcolor="transparent" bkimage="images/backgrounds/40.gif" border="none,4,gray" type=2 line=0 align=center use=ex num="0,black""]تِذكرتك .. ولا كَنْ السهر بيني وبينه حَرْبْ=على طاريك .. يِصْبح صاحبي والا اكبرَ اخواني
تحريت النصيب يجيب ما بيني وبينك دَرْبْ=وصار اللي بغيته فزعتي في الضيق. خَلاَّني
أنا لو ما خويي والنِّعِمْ لا جِبْتْ طاري (حرب)=لَكْ الله ما كتبتك يا قصيدي واعذب الحاني
تغض الطرف لو شفت اتجاهات القصايد غرب=ولا يعنيك لو حولت وِجْهَتْها لاحَدْ ثاني
الا ياكبر ذنبك كيف مدمن في كتوفي ضرب=كما لو كنت تحسبها جميله. يوم تجفاني
زرعتك طِيبْ لكني جنيتك في النهايه كَرْبْ=أنا الجاني ثمر زرع زرعته (وانته الجاني)
نسيت ايام تشرب فالقصايد والمعاني شُرْبْ=ولا عاد انت مثل اول تجيني يوم تضماني
لِكْ الله ياليالي الخاويات الهافيات الجُرْبْ=ركايب غُرْبَتِي من بعد كان المَرْكَبْ الماني
سهر ليلي هزم حيلي وتغشاه الهواجس سِرْبْ=واصورها قصايد ترجمت للعالم احزاني
تذكرتك وفا .. وين الوفا ؟ والهجر مِشْعَلْ حَرْبْ=بعد ما كنت ما يهناك عيش الا بوجداني[/POEM]

[ابو انس]

صح لسانك يامشرفنا العزيز


ومن طول الغيبات جاب الغنايم

وقصيده جميله لايصوغها الاشاعر متمكن

[سنا الهجرة]

المشاركة الأصلية كتبت بواسطة ابو انس

صح لسانك يامشرفنا العزيز


ومن طول الغيبات جاب الغنايم

وقصيده جميله لايصوغها الاشاعر متمكن

صح ابداااااانك .. شاعرنا أبو انس
مافيه غيبات طال عمرك أنا متواجد بينكم باستمرار .. هههه قد يكون الهدوء الذي يسبق العاصفه

شاكر لك مرورك .. الكريم

[أبو عبدالرحمن]

راعي وفى يا أبا عبدالله

صح لسانك..

وفقدناك الأيام الماضية

[كبريـــآء]

صح لســــــــــآنك
قصيدهـ جزله ووآفيه
بآرك الله فيك .. بــ انتظآر جديدك

[أبوخالد]

صح لسانك يابوعبدالله

[خلف بن عبدالعزيز الثمالي]

مشرفنا,وشاعرنا/سنا الهجرة
سلمت ,ودام لنا نزفك الرّاقي

دمت بخير,وعافية

[@ بن سلمان @]

صح لسانك يا بو عبدالله
جميلة بجمال راعيها

[النادر]

اوووووه ..اوووه ....اوووووووووووه

هذي وين كانت يابو عبدالله

في ذمتي ذمه انها من اعمق الاعماق

ماله داعي انمق كلام والا اكتب فصيح هذي على جرح والجروح حلاتها تنزف بكيفهاااااا

امتعتني يارااااااااقي

النادر

[النجم الساهر]

لافض فوووووووووووووك ايها المشرف الراقي

نعم راقي بكل شي

اختيارك للموضوع

اختيارك للمفردة

اختيارك للقاف

اختيارك للصور الشعرية

واخير اختيارك للزمان والمكان

هذا هو انت دائما تعرف كبف ومتى تجذب محبيك والمعجبين بك

صح لسانك ايها المبدع