الغصون الخضر

[حسن عابد]

الغصون الخضر الغصون الخضر الغصون الخضر الغصون الخضر الغصون الخضر

[POEM="font="Simplified Arabic,5,crimson,bold,normal" bkcolor="transparent" bkimage="images/backgrounds/10.gif" border="none,4,gray" type=1 line=0 align=center use=ex num="0,black""]
فن التعامل فن راقي وسامي=يرقا به الرجال راس الطويله
هذا غريزة في رفيع المقامي=اللي تحلى الطيب من سلسبيله
اللي طباعه من طباع الكرامي=ماهو جفوع ولا يدينه بخيله
مثل الرواسي في نهار الزحامي=ماشدت اعصابه وضيع حصيله
راجح فكر والراي بين الحشامي =عزالله انه ما يجيب الفشيله
ربه جمع له دم بارد وحامي =حر الفصيله حيها من فصيله
صدره وسيع ولا يهوز الخصامي=والمدح في شرواه جدا قليله
اذا حضر يحظى بكل احترامي =مضمون قدره في صدور القبيله
ون غاب مرسوله يجيب السلامي=دونه قوافل ماتحصل دليله
قلته وانا عارف وضامن كلامي=راع الوفا ياناس ربي وكيله
هذا خويي فاللوازم حزامي=ياعل عيني ماتشوفه مليله
هذا على شفي وغايت مرامي=وهذا الذي نفديه عن كل جيله
فن التعامل ياهله والنظامي=اسلوب يغلب كل نقدن وحيله
وسوء التعامل كلمتن ماتسامي=تحرق على الرجال بنه وهيله
ماعكر الخاطر ومقلق منامي =الا العقول المسنيات المحيله
اللي تهيم العمر حب وغرامي=والحمل لا دن الرعد ماتشيله
النايمه يوم الخلايق قيامي=المجهمه في كل يومن وليله
يعني الغصون الخضر من كل نامي =ماهي سوات اليابسات العليله
قلته وانا عارف وضامن كلامي =راع الوفا ياناس ربي وكيله
[/POEM]