بكيفك (طير)

[تحت الصفر]

بكيفك (طير) بكيفك (طير) بكيفك (طير) بكيفك (طير) بكيفك (طير)

بذمتك ..
ما يتعبك تأنيب الضمير ؟؟

بذمتك ..
ما تخشى من اللي تسويه ؟

بذمتك .. عندك قلب يشعر بقطمير
من لوعة الحرمان والهجر والتيه؟

بذمتك ..
كل اللي تسويه >> تخدير؟
على شان تاصل للذي كنت ناويه ؟

بذمتك ..
والا اقول > من غير تبرير!
خلاص انكوى قلب الهوى ..
وانذبح راعيه


ولا باقي الا شي جداً صغير صغير ..
أبقول لك عن شي يقهر وانا مخفيه.


صراحة ..
أنا اهنيك يا متقن التقصير

يا استاذ ..

يا دكتور ..

يا كنـــق ..

يا بيــــه.


يا استاذ فن الحب بالكذب والتنظير
يا دكتور في فتح القلوب المداليه.
يا كنـق ربط الصدق بالنصب والتزوير
يا بيـــه ..
هذي خارج الوصف والتشبيه.


أهنيك ..
خذها حسن سيره مع التقدير
على اتقان دور الطيب .. والله ومبدع فيه


أهنيك ..
فالتمثيل .. والرسم .. والتصوير.

برااااااافو عليك ..
أمتعتني جد .. لكن ليه ؟


على بالك اللي صار عدَّى بلا تأثير!

وربك ..
ترى التأثير أكبر من اني احكيه.

ولو كنت ناوي احكيه .. بحكيه للغير
لأنك أصم احساس وشلون توحيه.


تعديت واجد ..
واستبديت في التخدير


وبالغت ..
في تدمير قلبي .. ويا لبيييييه

تبي الجد ..
مالك ند ..
لكــــن .. بكيفك ( طير )


أنا ان عشت بك وان مت
مدري انت وش ناويه


عسى في خروجك من حياتي لقلبي خير
بعد ما بقيت سنين تعبث بكيفك فيه.