المسعودي

[بيبسي خصران]

يالله ياللي للخطايا سموحي = في يدك يالمعبدود تدبير روحي
ياغافر الزلات حقق طموحي = في الطيب والا الشين مالي نظر فيه

ياباسط البيدا ومرسي الجبالي = يالله ياربي عليك اتكالي
الملك ملكك ياعزيز الجلالي = سبحانه اللي كل مخلوق يرجيه

ودي بطرقه مار صعبه ظروفي = وايامنا مابين امان وخوفي
جاهدت فيها لين كلت سيوفي = واحد تقبل له وواحد تجافيه

هاجوسي قلبي منكسر في ضميري = واصبحت فالدنيا سوات الاسيري
ارد على الما مير حبلي قصيري = أقيس حبلي ثم يقصر واطويه

ميزت في الاعلام بالعرض والطول = ولين في الاعلام طلعات ونزول
الرجل محتاره والباب مقفول = والفكر متشتت وضاعت معانيه

من مغرب اليا الصبح مركاي كوعي = والقلب يرجف تحت عوج الضلوعي
والعين منها ذارفات الدموعي = من شي في قلبي عن الناس كانيه

واشكي على اللي كون الكون كله = الياعقد حبل المعاني يحله
يعلم بسر العبد دقه وجله = عبده بتدبيره يميته ويحييه

لي صاحب لياضاق صدري نصيته = جاني على درب الشهامه وجيته
؟؟؟؟؟؟=؟؟؟؟؟؟؟

البيض تنشر له في كل ديره = بين الرجال اهل العقول الكبيره
راي وفا ماهو بميت ضميره = والطيب له مظهر على وجه راعيه

هذا على راعي الوفا الجميله = وانا اشهد انه من خيار القبيله
اللي عن اصحابه يشيل الثقيله = ماينثني من دون جاره وعانيه

؟؟؟؟؟؟؟=؟؟؟؟؟؟؟
راعي الوفا يعطي وفا مايذمي = هذا كلام الصدق ماني بمخفيه

واللي في قلبي عذره يالساني = لاهل الوجيه البيض قاصي وداني
اهل اللزوم امثبتين العواني =تاريخهم مشهور كلٍ قرا فيه

والمعذره لن صار مني قصاره = ياهل العقول الراجحه والشطاره
المدح في اهل الطيب ماهو خساره = ماني مبالغ علم مثبوت واحميه

عداد ماهل المطر في خياله = بحكمة الخالق وعزة جلاله
صلوا على امحمد معد الرساله = عداد مطلاع الثمر في نوا ميه



اللهم صلي وسلم علىسيدنا محمد


الله يرحمك يا عبدالله المسعودي

اتعبت الشعار بعدك