عود رمان

[مجنونها]

عود رمان عود رمان عود رمان عود رمان عود رمان

أسعد الله مساكم ودام للمنتديات عطاؤكم وتواصلكم ومن خلال الأسبوع الماضي كثر الحراك الشعري هنا وهذا من حظ سنا المنتدى وأنا من الناس اللي يحبون الحراك اللي بعض ناس يمكن يسميه حراق ( وخاصة إليا كان في الرز ) والغاوون من المتابعين يقول هذه رايحة يمين وهذا يبي بها يسار وهذه والله العظيم إنها في مقتل .
من أجمل التحاليل حول قصيدة زملوق في مباركته لأبي سعد ومدحه فيها مع إن المعنى في بطن الشاعر وواضح وإن كنت أشوف أنا إن زملوق شاعر ويتكسب إلا إن بعضهم يقول إن زملوق يبي يفيز لعمال من بريطانيا ويبي أبو سعد يخلصها له
والبعض الثاني يقول ... لا زملوق يبي بكره لياكبروا ورعانه يوديهم بعثه ويبيهم يسكنون عند أبو سعد .


[poem="font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا هجوسي لا تعني ما على الدنيا محال = كل واحد يحسب الأيام يعرف وش عددها
وش حصيلك يا هجوسي لو كثر شد الرحال = من عرف بادي العلوم أكيد يعرف وش بعدها
والله إني ما نويت أمشي على قيل (ن) وقال = ولا بغيت أنشد عن الناس المقرد وش قردها
الخفيفة بالخفيفة والثقيلة بالثقال = والعوادي فالجبال الصم ما تذخر جهدها
لكن أمواج القدر ترمي بنا في كل جال = لين تاخذ كل عين اللي مقدر من سهدها
مثل ما قال المثل للعود ركزه وإعتدال = ومن يغير ركزته طيب الثماري ما حصدها

[/poem]





ولأجل أقطع الطريق على كل غاوي أقول اليوم بديت على تاج راسي أبوي الله يحفظه ولقيته يقلع له في رمانه على راس البير فقلت يا تاج راسي وش فيك عليها قال وأنا أبوك هذه يوم ركزت عودها قبل عشر سنين كانت ركزتها معكوسة وأنت شايف ثمرها عظامي ومالح يعني لا ثمرة ولا ظل .

[سنا الهجرة]

صح لسااااااااااااانك يا مجنونها

مثل ما قال المثل للعود ركزه وإعتدال

ومن يغير ركزته طيب الثماري ما حصدها

كلام يجمد على الشارب
أهم شي ان الواحد يعرف وين ومتى يغرس عودهـ

والله لا يغير علينا

[النجم الساهر]

مجنونها شاعر متمرس

لا والله الا رحنا فيها
الفاظ ومعاني وصور جميلة تنم عن خبرة

اين انت يا سنا لتضمنه قائمة شعار الواحة

صح لسانك وعلا شانك

[ابو انس]

صح لسانك وعلاشانك

ودام للمنتديات عطائك

[الفين]

وانا اقول مثل ما قال المثل (خذ الحكمه من افواه المجانين)
تبي الصدق ليت الناس كلهم مجنن كان الدنيا بخير
اثر ما ضيع الناس غير عقولها
صح لسانك ولوني من سنا الشعر كان حطيتك ناقد تجيز وترفض لانك رجل حيادي ما تحكم عقلك

[مجنونها]

المشاركة الأصلية كتبت بواسطة سنا الهجرة

صح لسااااااااااااانك يا مجنونها

مثل ما قال المثل للعود ركزه وإعتدال

ومن يغير ركزته طيب الثماري ما حصدها

كلام يجمد على الشارب
أهم شي ان الواحد يعرف وين ومتى يغرس عودهـ

والله لا يغير علينا

وصح بدنك يا سنا المنتدى
وكلام إن ما جمد على الشارب في المربعانية متى يبي يجمد ؟

[سنا الهجرة]

المشاركة الأصلية كتبت بواسطة النجم الساهر

مجنونها شاعر متمرس

لا والله الا رحنا فيها
الفاظ ومعاني وصور جميلة تنم عن خبرة

اين انت يا سنا لتضمنه قائمة شعار الواحة

صح لسانك وعلا شانك

صدقت أخوي النجم الساهر
مجنونها يستاهل ونص بعد .. وانا اشهد ان هذا الكلام ما يكتبه الا شاعر متمرس ويملك خبره كبيره في هذا المجال

لكـــــــــــــــــن ..
ودي تعرف طال عمرك .. ويعرف جميع الشعراء بأنني لا أملك هذه الصلاحية
ولو كان بإيدي ما تأخرت أبداَ

[مجنونها]

المشاركة الأصلية كتبت بواسطة النجم الساهر

مجنونها شاعر متمرس

لا والله الا رحنا فيها
الفاظ ومعاني وصور جميلة تنم عن خبرة

اين انت يا سنا لتضمنه قائمة شعار الواحة

صح لسانك وعلا شانك

صح بدنك يا نجمنا الساهر
كلامك وسام على صدر أخيك لا يستحقه وما قرأت نفاضة برد

المشاركة الأصلية كتبت بواسطة سنا الهجرة

صدقت أخوي النجم الساهر


مجنونها يستاهل ونص بعد .. وانا اشهد ان هذا الكلام ما يكتبه الا شاعر متمرس ويملك خبره كبيره في هذا المجال

لكـــــــــــــــــن ..

ودي تعرف طال عمرك .. ويعرف جميع الشعراء بأنني لا أملك هذه الصلاحية

ولو كان بإيدي ما تأخرت أبداَ

مرة أخرى أنت هنا أيها الصديق
رحم الله أمريء عرف قدر نفسه وما كتبت هنا حتى يقولون علي شاعر وإلا كان معرفي الأصلي أولابها
مقدر شعورك وأعفيك وأعفي من بيده الصلاحية وهذه قناعتي

[@ بن سلمان @]

صح بدنك يا مجنونها

[النجم الساهر]

بن سلمان المتعارف عليه ان تقول صح لسانك

وصاحي القصيدة هو الذي يرد عليك بفوله صح بدنك

ام اختلفت المازين والاعراف

ام هذه قوانين خاصة بمجنونها

فرصة سعيدة يابن سلمان