تحيه

[خلف بن عبدالعزيز الثمالي]

ياسلام عليك يالمنديالي
أنت والتنسيق الجميل
ترى الشعار مشغولين

[سنا الهجرة]

يالربع بيض الله وجيهكم .. والله ما قصرتوا .. لكن انا رجال ارقد بدري لأن دوامي بدري

بيض الله وجهك يا فوزي .. وفيت وكفيت .. ان كان تشوف باقي لها بواقي نأجلها القابله وامره من سعد
وان تبيها الخاتمة .. فهي الخاتمه

[خلف بن عبدالعزيز الثمالي]

عسى ماعشيت هذولا الصفوف يافوزي

[المنديالي]

فوزي بن عبدالرحيم

ياسلام الله علي اهل المعرفه وهل البصيره
عد وبل المزنه الي مرزمه من غزر ماها
جيت في سوق الخشير الي تبرا من خشيره
والبضاعه ماكسب من باعها ولاشراها


سنا الهجرة

مرحبا يامرحبا ترحيبة ماهي قصيرة
من مزون(ن) ياصلك ماها وهي بأعلى سماها
جابك الله يا طويل العمر وعيونك بصيره
والرجال اللي تطب السوق تعرف مبتغاها

فوزي بن عبدالرحيم

البقا الي ابشرب قهوته مدري عصيره
وبسولف معه وبديبه جبال ن مابداها
انت ولد الي ليا جته العرب يشعب بعيره
مايفكر غير فالدنيا وينسى ماوراها

سنا الهجرة

علها لا جات ما بيني وبين الحُر خيره
والجبال اللي يبي يسري بها كل سراها
صاحبك من بيت عز ويعرف انك لك عشيره
وانت دامك تذكر الدنيا مُضَلي في حراها

فوزي بن عبدالرحيم

لاتهونها على نفسك ترى الطرقه خطيره
وانت اخويه والذياب امست تقالب في عواها
والله اني لي ثلاث سنين عايش وسط حيره
وافتكر ف الطبخه اللي ما نويت اكشف غطاها

سنا الهجرة

ما هناك اخلاف يا فوزي وانا سيوفي شطيره
والذياب اللي تعاوى كلها عندي دواها
البشر في ظرف خمس ايام تطوي المستديره
وانت طول الوقت ما تعرف عسرها من وطاها

فوزي بن عبدالرحيم

ان بغيناها كبيره ماتبا ترجع صغيره
والرجال الوافيه لامن بدت تحمي لحاها
انت لك عامين وانت تقول انا شباب نيره
مير خلك ف السرا والناس لاتسبق سراها

سنا الهجرة

الصغيره في نظر بعض العرب تطلع كبيره
والمعارك لا بلاك الله ليا دارت رحاها
فرق من ياكل لحم حاش ومن ياكل فطيره
والنفوس اليا اشتهت حاجه تبي تاكل هواها
...........
نخدمهم ماعندنا مشكله يستاهلون العرسان

[المنديالي]

سنا عدلت على هذا البيت ونا اخوك اضنك مع سرعت الكتابه ما انتبهت

والنفوس اليا استهت حاجه تي تاكل هواها

[سنا الهجرة]

المشاركة الأصلية كتبت بواسطة المنديالي

سنا عدلت على هذا البيت ونا اخوك اضنك مع سرعت الكتابه ما انتبهت

والنفوس اليا استهت حاجه تي تاكل هواها

صح صح يا المنديالي .. بيض الله وجهك
انا كنت بعدلها لقيتها تعدلت ههههههههههه
ما شاء الله عليك كامري .. فل

[المنديالي]

المشاركة الأصلية كتبت بواسطة سنا الهجرة

صح صح يا المنديالي .. بيض الله وجهك
انا كنت بعدلها لقيتها تعدلت ههههههههههه
ما شاء الله عليك كامري .. فل

ماينفع شبح
خخخخخخخخخ

[خلف بن عبدالعزيز الثمالي]

ماقصرتوا
والله أمتعتونا
وبيض الله وجيهكم

[فوزي بن عبدالرحيم]

[POEM="font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماغباني كل فج وماغبتني كل ديره=واعرف العربان واعرف دلها واعرف حماها
العسل لاتحسبه يا طويل العمر شيره=والعروسه منت مأخذها قبل تدفع حباها
[/POEM]

[فوزي بن عبدالرحيم]

المشاركة الأصلية كتبت بواسطة سنا الهجرة

يالربع بيض الله وجيهكم .. والله ما قصرتوا .. لكن انا رجال ارقد بدري لأن دوامي بدري

بيض الله وجهك يا فوزي .. وفيت وكفيت .. ان كان تشوف باقي لها بواقي نأجلها القابله وامره من سعد
وان تبيها الخاتمة .. فهي الخاتمه

بيض الله وجهك
وشاعر كفو وفيك البركه
واشكرك على هالمحاوره الجميله ابدعت

ان كان بتغطي والا خلها خاتمه

المشاركة الأصلية كتبت بواسطة خلف بن عبدالعزيز الثمالي

عسى ماعشيت هذولا الصفوف يافوزي

ما تشوف بطونهم متنفخه