جـــــبر خـاطـر ,

[حسن حامد]

جـــــبر خـاطـر , جـــــبر خـاطـر , جـــــبر خـاطـر , جـــــبر خـاطـر , جـــــبر خـاطـر ,

[POEM="font="MS Dialog,5,black,bold,normal" bkcolor="transparent" bkimage="" border="double,4,red" type=2 line=0 align=center use=ex num="0,black""]سلم علي وخلها جبر خاطر =هو خاطري لامن جبرته مصيبه!
وطّي شموخك واعتزازك وناظر=العين ماتبخل ولوهي عتيبه
لوكنت أقد ماتركتك تكآبر=ولوكنت اقدر مارضيت الغصيبه
لاكن قلبي معميته المشاعر=الله حسيبك كيف تقدر تجيبه
أشتاق ياللي تعتذر وانت قادر=وأقبل معاذيرك لزام ووجيبه
وأحتار مابين العتب والمعاذر=ياكثر ماهي هالمشاعر غريبه
لا لا تعشمني اذا كنت غادر=ولا تعتبرني في عيونك وهيبه
ياحيف وقتٍ ينتصر فيه شاطر=واللي وفا ماعزله من يخيبه
لوكان تسمحلي تراني بغامر=وأسمع كلام المنكوي من حبيبه
تخطيني الدنيا ولازلت شاعر=فيني شعور وخاطري فيه طيبه
مقبل على قفرٍ تواليه ماطر=والميل يمي والخواطر غضيبه
لاهزني ضيم الدهر والمحاسر=ولاراقلي شيٍ يخالطه ريبه
ولاردني عن كرّت الصعب خاسر=ولاعزلي من يختم بقول سيبه
انا قصيدي ماثنته المنابر=ولا تليته للحناجر تثيبه
انا قصيدي طايلٍ به وقادر=واللي بقلبي ياقصيدي تجيبه
لا تعتذرلي وش بقى للمعاذر= راح العمر مافالعمر شي نعيبه[/POEM]

[حسن عابد]

المشاركة الأصلية كتبت بواسطة حسن حامد

[poem="font="MS Dialog,5,black,bold,normal" bkcolor="transparent" bkimage="" border="double,4,red" type=2 line=0 align=center use=ex num="0,black""]سلم علي وخلها جبر خاطر =هو خاطري لامن جبرته مصيبه!

أشتاق ياللي تعتذر وانت قادر=وأقبل معاذيرك لزام ووجيبه
وأحتار مابين العتب والمعاذر=ياكثر ماهي هالمشاعر غريبه

ياحيف وقتٍ ينتصر فيه شاطر=واللي وفا ماعزله من يخيبه

تخطيني الدنيا ولازلت شاعر=فيني شعور وخاطري فيه طيبه
مقبل على قفرٍ تواليه ماطر=والميل يمي والخواطر غضيبه
لاهزني ضيم الدهر والمحاسر=ولاراقلي شيٍ يخالطه ريبه
ولاردني عن كرّت الصعب خاسر=ولاعزلي من يختم بقول سيبه

انا قصيدي طايلٍ به وقادر=واللي بقلبي ياقصيدي تجيبه
لا تعتذرلي وش بقى للمعاذر= راح العمر مافالعمر شي نعيبه[/poem]

ابداع ياحسن ماشاء الله عليك

[أبو عبدالرحمن]

صح لسانك أخي ـ حسن حامد ـ

لا عدمناك

[سنا الهجرة]

أبطيت علينا يابو حامد
لكنك جيت وجبت الغنيمه

صح لسانك وعلا شانك > شاعرنا المرهف الحس

[كبريـــآء]

صــحْ لسآنكْ مليونْ وزيآدهـْ
:
قصيدهـْ آعجبتنــــيْ بصدقْ

[أبو خولة]

ماشاء الله تبارك الله
قصيدة جميلة ورائعة
على الرغم أني لم أتشرف
بقراءة قصائدك من قبل..!
فهذا المعرف لأول مرّة يمر علىّ
نتمنى منك المزيد فأرى أن هناك
شاعر يشار له بالبَنان
صـــح لســانك
,,,

[ِ~سےـمُو الروζ~ِ]

ماشاء الله لاقوة الا بالله
صح لسانك،،ابداع..

[حسن حامد]

المشاركة الأصلية كتبت بواسطة حسن عابد

ابداع ياحسن ماشاء الله عليك

الله يطول بعمرك
شكرا على مرورك يا حسن
وانت لك وجود مختلف لانك السمي الحبيب
دمت بخير

[حسن حامد]

المشاركة الأصلية كتبت بواسطة أبو عبدالرحمن

صح لسانك أخي ـ حسن حامد ـ

لا عدمناك

سلمت اخي ابو عبدالرحمن
لك جزيل الشكر على مرورك

[حسن حامد]

المشاركة الأصلية كتبت بواسطة كبريـــآء

صــحْ لسآنكْ مليونْ وزيآدهـْ
:
قصيدهـْ آعجبتنــــيْ بصدقْ

هلا والله كبريآء
مرورك اسعدني
صح لسانك وشكرا لكي على مرورك