فنجال .. وعلوم رجــــــال .. !!

[ابو فهد]

بارك الله فيك ياسهيل

وهذه قصه قصيره طريفه سولف لي بها واحد اليوم وخليته يرسلي ابياتها بالواتس الله يقلعه خربنا موضوع ( الاستيتيوس ) على شانه .

الحاصل يقول يسولفون عليهم شيبانهم عن ايام زمان ومن ذلك ان واحد منهم كان فقيرا معدما لايملك سوى دلة قهوه وقد كانت من اجود الدلال فاراد ان يكون لديه غنم وحلال زي باقي ربعه وقال مامعي الا ابيع الدله هذي بـ ( نعجه)ضأن ( دافع ) لفلان من ربعهم راعي حلال واجد .
راح لراعي الحلال وعرض عليه الدله وبعد جهد وحاولات وافق يعطيه ( نعجه دافع ) هزيله وحالتها حاله وافق واعطى الرجال الدله واخذ ( النعجه ) وهو يأمل انها تجبله اثنين رخال يربيهم وبعدين يبدى يكثر حلاله الحاصل من سوء حضه ماجابت له ( نعجته ) الا طلي ... فتحسف على دلته اللي راحت وكيف يتحايل على ( ابو ربعين ) عشان يوافق وصاغ هذا بابيات جميله ..

[POEM="type=1 bkcolor=#FFFFFF color=#0066FF font="bold medium Arial, Helvetica, sans-serif""]الا واحسيف دلتي عند أخـــــــــــــو ربعين = أغصبه عليها يوم ربي كتبها لــــــــه
وأشيل الهضيلة يوم طـــــــاحت على الرجلين = وأنا مهتوي والمهتوي ما بغى شـــاله
ايلا جاء القدر عمي البصر شينها جا زين = تصَّوّرّ بعيني كنـــــــــــها عندي خيـــــاله
تُوَلّد وقلت أكـــــــــــــــودها تلد لي رخليـــــــن =ولا جابت الا واحدٍ يثغي لحــــاله[/POEM]

[سهيل2012]

ولا جابت الا واحدٍ يثغي لحاله

صح لسانك وعشت على هذه السالفة المطنوخة .....يا أبو فهد ..

الله يا سوالف عندي مثلها .. وقريبه منها .... لكن المشكلة غير صالحة للشرب !

لو مديرنا أبو عبدالرحمن يفتح لنا ( كافيه شيبان ) خاص .. إن كان تسمع علوم !

ولكن ترقبها .. على الخاص - إن شاء الله .

[صقر الحجاز]

الله الله الله يابو فهد
سهيل لا تنساني انسخ وارسل

[سهيل2012]

المشاركة الأصلية كتبت بواسطة صقر الحجاز

الله الله الله يابو فهد
سهيل لا تنساني انسخ وارسل

يا حبكم للعلوم الدْقـَاقه ......!

[واثق الخطوة،،،]

موضوع كايف ورايق
متابعون ومستمتعون بصمت!!!

[ابو فهد]

المشاركة الأصلية كتبت بواسطة سهيل2012

صح لسانك وعشت على هذه السالفة المطنوخة .....يا أبو فهد ..

الله يا سوالف عندي مثلها .. وقريبه منها .... لكن المشكلة غير صالحة للشرب !

لو مديرنا أبو عبدالرحمن يفتح لنا ( كافيه شيبان ) خاص .. إن كان تسمع علوم !

ولكن ترقبها .. على الخاص - إن شاء الله .

الله يخارجنا طبع علوم الشيبان غير الله يصلح الشأن وخلك معنا ياصقر الحجاز مصحصح

انا بديره شيبانها يقولون لمن ينتقد علومهم ويقول بانهم قد ذهب زمانهم وليس لهم سوى الاعتكاف وترك سوالف التشبب لمن هم اهلا لها ( رأس مابه "هوى" موته وحياته سوى )

وكأني بهم ولسان حالهم يقول ولسنا عنهم ببعيد

[poem="type=1 bkcolor=#ffffff color=#0066ff font="bold medium arial, helvetica, sans-serif""]ياليت إن الزمن يرجع ورى ولا الليالي تدور = ويرجع وقتنا الأول وننعم في بساطتنا
زمان أول أحـــس انه زمــان فيه صدق شعور = نحب ونخلص النية وتجمعنا محبتنا
زمــن لا فيه لا غيــبة ولا حــتى نفــاق وزور=ياليته بس لو يرجع ونسترجع طفولتنا[/poem]

ولعل لي عوده مع جميل ماقيل بدون خروج عن الخطوط الحمراء اللي بعيده مره

[سهيل2012]

المشاركة الأصلية كتبت بواسطة واثق الخطوة،،،

موضوع كايف ورايق
متابعون ومستمتعون بصمت!!!

يعطيك العافيه على مرورك .. وسعيدون بمتابعتك .

الشاعر محمد بن هادي بن قرمله القحطاني عندما كبر وتنحى عنه قومه جانبا وما عاد أحد يجيه لأنه لم يعقب اولاد يشبون ناره ويصفون دلاله .. وقد شاهد فأرا يبني بيته بجوار حرمله .. واخذ يراقب الفأر في طريقة بناء بيته .. وحرصه حذره .. فقال :

يا فار دلهني وادلهك يافــار = يوم ٍ كل ٍ داله ٍ في محله

لو لي عيال إن كان شبوا لي النار = ويدلهون القلب لا غاب خلـّه

إلي ثمان سنين ما شفت خـُطـُار = لا والله ألا صار بيتي مزلـّه

[النادر]

دامها سوالف على جال ضو وفنجال بغيت اعد لكم قصه وقصيدة وخفت ما اضبطها بحثت عنها ولقيتها يوتيوب وجبت لكم الرابط لعيون سهيل وشيبانا اللي معه

http://www.youtube.com/watch?v=jeao0Gof12k

[سهيل2012]

المشاركة الأصلية كتبت بواسطة ابو فهد

الله يخارجنا طبع علوم الشيبان غير الله يصلح الشأن وخلك معنا ياصقر الحجاز مصحصح

انا بديره شيبانها يقولون لمن ينتقد علومهم ويقول بانهم قد ذهب زمانهم وليس لهم سوى الاعتكاف وترك سوالف التشبب لمن هم اهلا لها ( رأس مابه "هوى" موته وحياته سوى )

وكأني بهم ولسان حالهم يقول ولسنا عنهم ببعيد

[poem="type=1 bkcolor=#ffffff color=#0066ff font="bold medium arial, helvetica, sans-serif""]ياليت إن الزمن يرجع ورى ولا الليالي تدور = ويرجع وقتنا الأول وننعم في بساطتنا[/poem]

[poem="type=1 bkcolor=#ffffff color=#0066ff font="bold medium arial, helvetica, sans-serif""]

زمان أول أحـــس انه زمــان فيه صدق شعور = نحب ونخلص النية وتجمعنا محبتنا
زمــن لا فيه لا غيــبة ولا حــتى نفــاق وزور=ياليته بس لو يرجع ونسترجع طفولتنا

[/poem]


ولعل لي عوده مع جميل ماقيل بدون خروج عن الخطوط الحمراء اللي بعيده مره

ويرجع وقتنا الاول .. وننعم في بساطتنا !


الله ما أحلى هذا الشطر !


وكلنا قد عاش هذه البساطة بكل ما تعنيه الكلمة ...

أيام مرت ولكنها لن تعود .. وتبقى الذكريات .. والأيام التي لا ولن تنسى !

وصحصح يا صقر الحجاز .. كما قال أخي أبو فهد ..

يبدو لي بأنكم تعرفون بعضكم زين.. وسهيل ضاع في الطوشه بينكم !

أما الخطوط الحمراء فلن نخرج عنها - إن شاء الله ..وكلها سوالف عوارف .. والموضوع مفتوح لكل

من عنده سالفه غير مخالفه !

....

[سهيل2012]

المشاركة الأصلية كتبت بواسطة النادر

دامها سوالف على جال ضو وفنجال بغيت اعد لكم قصه وقصيدة وخفت ما اضبطها بحثت عنها ولقيتها يوتيوب وجبت لكم الرابط لعيون سهيل وشيبانا اللي معه

http://www.youtube.com/watch?v=jeao0gof12k

السواليف الطيبة ما تضبط إلا بحضورك أيها النادر ...

شكرا على الإضافة الرائعة والمشكلة في اليوتيوب النوافذ الهامشية ..
ولا هنت على اختيارك ..


وهذه قصة نيوتن العرب ....


جلس العالم الشهير نيوتن تحت شجرة التفاحة دقائق معدودة فخرج بقانون الجاذبية المعروف .......
أما العالم العربي -آسف-أقصد الشاعر العربي فجلس تحت شجرة التفاحة (سنة وشهرين )نعم :أربعة عشرشهرا ،يعني 420يوما -وهذه المدة تكفي لصناعة مئة طائرة وكذا صاروخ وقنبلتين ذريتين.........نعود لموضوعنا ،خرج شاعرنا بانتصار عظيم وجاء بما لم يأت به الأوائل !!نعم أحبتي لقد وقف الشاعر الفلتة والعالم الفذ قائلا:

تحت التفاحة سنة وشهرين .......تحت التفاحة .
ما يشوف الراحة كحيل العين ....ما يشوف الراحة

نعم هؤلاء هم الرجاجيل الصناديد .....والفريس العرابيد ........فإلى الأمام :دار..دار بيت ..بيت ..زنقة ..زنقة ..وأخيرا زنقوه وذبحوه ذبحة الشاة وعقبال الجحش بشار .