رحلة شبابية لـ الديار الإندونيسيه

[H Y T H A M]

المشاركة الأصلية كتبت بواسطة ابومهنـــــد

حلقة روووعه ملهلبة بالصومطررررهـ

ماشاءالله الخضرة والوجه الحسن>>يخزي العين حولك وحوليك,,
منووور ياباشا واااصل ننتظر الحلقة القادمة من المسلسل الاندومي

شكلك تحب السومطره مآي بست فريند

عيونك الحلوين بسسسس
وينك عني وأنا فرفور في خآمس إبتدآئي

الله لايهينك يابومهند
تسلم على المرور والمتابعه يالغلآ

[H Y T H A M]

المشاركة الأصلية كتبت بواسطة عطر السحاب

يعطيك العافية لا تشيل هم الكلمة ترها زينه ومعناها كويس بلبحريني اكتب في قوقل وشف


الله يعينك على الباقي هات ولا تبطي ...

خخخخخخخخخخخخخخخخخ وصل المعنى ياعطوري
وأبشر بالبآقي جآي بالطريق - لآهنت حبيبي

[H Y T H A M]

المشاركة الأصلية كتبت بواسطة خلف بن عبدالعزيز الثمالي

ومازلنا معك يا أبا عبدالمحسن
نستمتع بجمال الطّبيعة في أندونيسيا
متّع الله ناظريك بالجنّة .

اللهم آمين وإياك والمتابعين يآرب
الله لايهينك يابو وليد على المتابعه المستمره

[«Šά๗ëêŘ«]

متابعه مستمره من بعيد لبعيد

[H Y T H A M]

بسم الله الحمد لله والصلاة والسلام على رسول الله










نكمل معكم حلقاتنا وإللي وصلنا فيها للرقم سبعه والحمد لله
وزي ماشفنا الحلقة إللي راحت وقفنا عند خروجنا من فيلتنا الأولى والبحث عن فيلا جديده


والحمد لله ربي طرحنا في فيلا ممتازه من ناحية المنطقه إللي كانت قريبه من البقالات السعوديه والحلاقين ومحلات الخضره وباقي الأمور المهمه
وبرضو كآنت مميزه من ناحية المساحه وإللي كآن فيها سبع غرف تقريباً ثنتين بالدور الأرضي وخمس غرف في الدور العلوي
وما أنسى المسبح والحديقه والمراجيح وبآقي الحركتآت



الفيلا أخذناها بـ 900 ألف روبيه وتسآوي 400 ريآل سعودي تقريباً وللأمانه الفيلا تستاهل أكثر بحكم موقعها ونظافتها وكبرهآ
وأتفقنا مع الشغاله بمية ألف روبية تقريباً 45 ريال لليوم الوآحد على التنظيف والطبخ والغسيل والكوي واللزمينو



الفيلا في مجمع صغير فيه أكثر من ثمآن فلل تختلف كل وحده حسب الحجم والديزاين والملحقات
وكلهم لهم بوابه وحده كبيره عند المدخل الرئيسي ثم يبدأ تقسيم الفلل كل وحده بـ بابها الخآص














تعآلو نتابع باقي الحلقه بالصور وشوية بربرة

















مدخل الفيلا
قولو ماشاء الله << لايكون حقتك أبوك










المسبح ويالبى بسسسسسس







مقدمة الفيلا








الدور الأرضي وفيه غرفتين وحمآم وأنتم بكرآمه ومطبخ









الدور إللي فوق وهذي الصاله
وفيها تلفزيون بقنوآت عربية + دي في دي + مسجل أستريو + سماعات كبر رآس أبو جميل








جلسة البلوكونه على المسبح أسفل







غرفتي المملوحه












كم صورة للقروب
ووآضح الفرحه بالفيلا الجديده خخخخخخخ









مسبح الفيلا من الدور العلوي









كم صوره للمطل حق الفيلا









بدأو البياعين يهلون علينا
بعضهم يبيع خواتم وسلاسل زي صاحبنا إللي بالصوره
وبعضهم ملابس وبعضهم دهن عود وبخور وبعضهم صور لمناظر طبيعيه وبعضهم خرآبيط مالها دآعي










ي ملحهآ

[H Y T H A M]

بعد ماريحنا في الفيلا الجديده ورتبنا أغراضنا وعلومنا
قررنا ننطلق للبرشوت في مغامره جديده








في الطريق لأعلى الجبل









وصلنا ولله الحمد وأول المستقبلين
عآزف النآي










بعد ماطلعنا فوووووووووق مكآن أنطلاق البراشوت
صور لمسجد الأستقلال المشهور


















بعض الصور من المطل الخيآلي
صدق صدق صدق مكآن ولا في الخيآل وأحساس ولا أروع وأنت تشوف هالطبيعه كلها تحتك
كل أبو شي أخضر والسحآب تلامسه بيدك
سبحآن الله العظيم










مدربي البرشوت يقطبون علومهم أستعداد للطيرآن








هذا وآحد منهم حآط الكآم فوق الخوذه
آآآآخ على تصوير المنظر وأنت مدحدر من هالأرتفآع كيف رآح يكون بالله










هذي تحذيقه خفيفه قبل الأنطلآق
شي زي التلفريك تركب فيه وتدحدر من هنآ الى هنآك
وآظنهم حاطينه للي قلوبهم رهيفه ولايقدرون على البرشوت









هيثم وعبدالعزيز وهدايات باشا أفندم









فيفا برسآ
فيسكا كاتلونيآ خخخخخخخخخخخخخخ





يتبـع . . .

[H Y T H A M]

سبق وقلت لكم إن حنا منحوسين والله العظيم
أول ماطلعنا لاحظنا الوضع غريب شوي - الكل جآلس ولافيه أحد يركب البرشوت
عشر دقايق - ربع ساعه - نص ساعه والوضع كمآهو عليه
سألناهم اش الهرجه ليش موقفين قالو الريآح قووويه ولانقدر نطير يبيلكم تنتظرون ساعه أو أكثر يمكن الريآح تخف


قلنا ايييييييييييييييه وجيهنا ماهي وجيه تمآشي حدنا الفيلا وضرب الكبسه وتخب علينا
أنتظرنا شويآت قلنا يمكن تصيب معنا - شوووي وإلا هم يعلنون إن الطيرآن غير ممكن اليوم بسبب قوة الريآح

عرفنا الموضوع وديورنآ ثم دحدرنا وقلنا الله يعوضنا خير في النحس إللي صايبنا




















وهذا حنا مدحدرين ونتفرج على البياعين
إللي يبيع حبش وإللي يبيع سيوف ورمآح وإللي يبيع أندومي على جلسات زي الدكه













توقعت جونا يقفل زي كل يوم بعد كل موقف نحس يصير لنا لكن الشباب الظآهر تعودو على النحآسه

قالو نبي نروح محل ثآني نعوض به البرشوت - هااا ياهدايات وش تقترح علينا مكآن قريب من هنا وحلووو

قال أقرب مكآن لكم مزآرع الشاهي - قلنا فيها فله وإلا خرابيط من خرابيطكم - قال لا فيها فله وركوب خيل وشرب شاهي على كيف كيفكم
قلنا هيااا بنا فالننطلق

وصلنا للمكآن المقصود وكآن قريب من البرشوت
أول مادخلنا قابلونا هالزكرت وقالو تبون خيل - قلنا كيف نبي
هيآ بنا













ركبنا وأنطلقنا في لفه على المزارع
















شاهي على مد النظر












من يمينك ومن يسآرك شآآآآآهي





يتبـع . . .

[H Y T H A M]

الجو كآن بدييييع والغيوم ما أقولكم عنها شي










بعض الشباب يدقون كوره
آآآخ بس ليتني معهم في هالجو وفي هالملعب إللي يبكي










فجأه وبدون مقدمات شفنا هالمنظر
البرشوت أشتغل آآآآخ يالنحس بسسس - ويحلفون العيال مايرجعون لو مدري وش يصير
خلآص قفلت يعني قفلت











لا إله إلا الله
ياجماعه جو ومنآظر مانشوفها إلا في التلفزيون وفي قنآة ناشونال جيوغرافي











خلصنا جولتنا على الحديقه ويازينها من حديقه
قلنا نبي نروح نروق الرآس ببراد شآهي عليه أشكي
طبعاً حاطين زي الكآفي صغير وفيه جلسات يطلبون النآس فيه شآهي ويتقهون











من زود النحآسه إللي فينآ لقينا المصنع مقفل وإلا كنا نآوين نمره ونتفرج على مرآحل تصنيعه واللزمينو
لكن المنحوس منحوس لو علقو على رآسه فآآآنوس - وآخد بالك يابو حآمد هيا خلك رزين خخخخخخخخخخخخ













ركبنا موترنا وعلى فيلتنا
الجوع يامسلمين كآآآآفرنبي لنا شي يسكت بطوننا










وصلنا للبيت وسسسسسيده على الثلاجه وطلعنا لحمتنا
وهآتك ياتقطيع نبي نآآآآكل









أبو إبراهيم مآقصر ضبط دلة القهوه وقرب القدوع








لحمتنا في الكآتم وتسسسسسسسسسس












أحلى مرقة وأروق مقلقل - أقلطو يالربع











/












وبعد هالغدوه العشوه كل حي أنطلق الى سريره الوآفر ودعسسسسس نوم
وبكذا أكون خلصت معكم حلقتنا السابعه من رحلتنا الإندوميه


إن شاء الله بكره رآح تكون الرحله غير شكل لأننا رآح نزور شلال شيباناس
منظر مارآح تملونه أبداً وأجواء خيآآليه - وكشته سعوديه عند الشلال يحبها قلبكم




فمآن الله

[الباز]

ياسلام
متابع ومركز
ليه كل صوركم لازم تشاورون بالاصابع تجاهدون مثلا
يانصر ياشهاده

[ABO TURKI]

يا ويلي ويلاااااااه يا هيثم وربي مناظر تفتح النفس
الا صدق متى ترقدون انتم ؟؟