بطل التطبيع /الحلقه الرابعه.

[الشيهان]

ما اقول الا سلط الله على اشباهك يامنقاش انت والحارس المارس حقك
جماعتك يونون من التضخم وريالهم مدحدر مع الريعان ورى مقطوع النما الدولار والاسعار معرشه ومتلقيه الخلا والحي ماهو قادر ياكل وتزيد على همه هم وتقول للي مالقي محل يرقد فيه وهو حي اذا مت مالك عندنا مكان

يعني هي ناقصه ياناقص بدل ماتتعين ربعك وتشوف مساكينهم وتوجهم للاقتصاد الاسلامي بما فيه من فضيله وتكافل يغتني فيها الفقير ويزيد الغني غنا تروح تجلب عليهم عيال القرود يفقرون الغني ويزيدون الفقير فقر

ياشيخ روح منك لله ياضالم والله يالحزم والربط اللى اخذتها انت وحمارك والحمير اللى ماشين معك والحمير اللى يقلدونك ويسابقون فيك على الصهاينه ماتنفعكم يوم لاينفع مال ولابنون الا من اتى الله بقلب سليم

كمل كمل خلنا نشوف وش النهايه معك انت وحارسك الشخصي اللى رايح يكون اول الضحايا على يدين الصهاينه بعد ينحرق كرتك عندهم وتخلص بطاريتك ولاعاد يقدح زندك

[منقاش]

سنا الهجره : أتشرف أنك تتابع كتابات منقاش , واتشرف بمدحك لي خصوصا أنه من رجل يميز الغث من السمين ويتذوق فن البيان والطرفه.
بخصوص الأخوان اللي أزل عليهم ,, صدقني أني ما أمزح الا مع اللي أحبهم وبنظافة قلب والتهجم عليهم المقصود منه الأثاره وأرهب بهم اللي ما أمزح معهم حتى أدخل الرعب في قلوبهم , مع العلم أن بعضهم تشرفت بمعرفة معرفه ولم أتشرف بمعرفته معرفة شخصيه .
ابن سلمان : مالك الا منقاش حليفك القديم حتى لو كان عديم , والبقاء لله , شوف مخاوي الجبان أختفى من الهلع وترك الرجال الأبطال شرواك وحيدين في الميدان ,, على كل عفا الله عنك في حلفك معه ولا يغرك ترى الرجال معادن بعضهم معدنه خرده مثل معدن مخاوي .
ابو عبدالرحمن : تكفى شف لي دبره في مداخلات أبو أمجد , أبيك تحذف وتحرف منها اللي تقدر عليه واعتبرك على ثغر من ثغور الدفاع عن الشرف والفضيله .
زيد الخير : كبك من الأستعناز وتعال أعطيك من الحمى جوزين حمير تستحمر بها أحسن لك من المعزى .
شبلي : أشوفك تبي تعود للدرب والهدايه , وتعود عود من حزمة القبيله اللي شيخها منقاش .
المهم توبتك مقبوله , وبخصوص البزايع وعورش ما يحتاج تنازل من الجماعه وهي في وسط صكي .
قايد الطابور : أنعم واكرم بساعدي ألأيمن ,, وتعجبني يوم تدخل الرعب في قلوب الرعاع مثل المشاكس والمخاوي وباقي الطقه .
وبخصوص ابن سلمان لا تشد عليه واجد لأنه أقرب للخير منه للشر , بس حاول تستأصل مكان السم وتخلي الباقي .
ولا مانع لدينا من قفص مخاوي الموجود حاليا في حايل , وزين يوم تقفصه قدام ربعه , وفعلا كما تفضلت أحسن مكان لسجنه هو واحده من خربي الديره المسكونه بالعفاريت وشيوخ الجن , وتكفى أقفص معه أبو أمجد وفرق بينهم في الخربان .
بخصوص المشاكس لا تزفر يدك فيه وهو أنطس العشره , وسع بالك عليه شويه أرب عزرائيل يسبقك عليه ويقفصه , عساه بحمار بطران يرفسه حتى يكتب في التاريخ أن قتلته جات على رجل حمار .
أبو أمجد : شوف أسمح لك تطاول عليه لكن أياك ثم أياك تطاول مره ثانيه على رمز أمننا البطل قايد الطابور , وبعدين لن كنت أبو نقشه لربط بالدولار حتى البقر والغنم والجمال والحمير حقتكم ماهو بس الريال .
هب عليك يالحسودي اللي ما درى أن الرازق في السماء والحساد في الأرض .

[مشاكس]

القايد الطرطور
آسف قصدي قايد الطابور
أنت ومنقاش راعي الخياش
إليكم هذا البيان منزوع الدسم(يعني مافيه مجاملات )
لا نامت أعين الجبناء ووليخسأ الخاسئون
أنا قررت اني أقوم بتكوين حزب معارض يتخذ
من القبر المنصدع شعار ل( لاللتطبيع ولا للتخصيص ولا للبصبصه على الوفود)
ثلاث لولوات لا نحيد عنها قيد راس نمله
واللي عاجبه عاجبه واللي مش عاجبه
يضرب الحيط في راسه
وليكن شعارنا الويل والثبور لكل خائن غدور
واللي عينه زايغة لا يخاوينا
وإذا استطعنا طرد منقاش هو والقايد الطرطور حقه
هنا نفعل مانريد ونقيس ونفصل ونقول لا ماطاعك زمانك طيعه
وأول الأعضاء شبلي وهو نائب الرئيس والعضو المفاوض مع الأعداء

[شبلي أبو الونات]

إيييييييييك وأنا عزوتك يا عمى عين منقاش
الحي يحييك والميت يغبن عداك و أنا ولد أبوي ولده ويمناك اللي ما تعصاك وقت الشدايد شداد وو قت اللزايم لزام ومنهو اللي ثكلته أمه و يقول غير كلامي
إن رديتها للمعارضات والانقلابات ترراني معارض و مقالب وإن بغيتها للمسايس والدسايس وين اروح من اصلي
وليخسأ منقاش و قايده

[أبو عبدالرحمن]

يا سلام عليك يا مشاكس. واش جابك لوادي الأعرج..
حدك الفضية . ويالله الخراج !

أخر مرة اسمع منك أي حد من حدود الأعرج!!

[الشيهان]

وانا اشد على عضدك يامشاكس وعضد اخيك شيخ الشيوخ شبلي ابو الونات
عليكم بهاذا المارق الافاك الاشر هو والقايد حقه الظاطور على قولكم ياشيخ شبلي

الخيانه ارتسمت على محيا منقاش وابتسامته الصفراء اللي يمطها الين اذنيه امام كمرات التلفزه لم تعد تنطلي على عقولنا وكرشه المنفوخه من اكل اموال الناس بالباطل ستنطق عليه يوم النشور

اسمع يامنقاش لم يعد هناك من جماعتك وابناء جلدتك من يثق في ترهاتك وكلامك المفبرك وتشدقك في التصريحات الاعلاميه حقتك بان حقوق ربعك محفوضه وكرامتم مصونه وانت اكبر خاين واجرم من اصحابك اليهود على ربعك

خلاص نشفت البركه وبانت ضفادعها ياضفدع

[قائد الطابور]

سيدي صاحب السمو ( منقاش ) ان الفئة التي تسمع كلامها امثال ( المشاكس + ابو امجد ) تراهم من طيب الرجال وما زلت به السنتهم ليس من حقد لسموكم لكن الاخوان لديهم معاملة يطلبون فيها موافقه على منحهم مخطط ونبي نتوسط لهم عند وعساهم يفارقونا وينشغلون فيه لين نغلق علومنا مع اليهود .

[شبلي أبو الونات]

زعيم الاشاوس مشاكس وحليفه ابو امجد
تعلمون سمو مقامكم ولان منقاش لا ينهاش ولا يناش بعلوم الرجال لدنفسته وراء النسوان وحرمة توديه وحرمه تجيبه ولعلمي ويقيني بان الشاعرة زهور الريف وهي سيدت أنسات منقاش ومن من يوثق في رجاحة عقلها ولان منقاش صاحب سوابق معها وهي تبحث له عن خرم ابرة يكون لها مدخلا عليه ارى ان يقترح عليها تتبعه وهي تملك من كيد النساء ما يأتي به جاث على ركبتيه حاف القدمين وحينها ستسقط كل الاقنعة التي خلفه و يتعالى صيتكم حين يكون لكم ما اردتم على يد امرأة و سيلحق به عار ما عاش والرأي المجيد لكم وأنا رهن إشارتكم .

[قائد الطابور]

سيدي منقاش#
شبيلي ابو الونات يبي يشارك معهم في المخطط وعلى خبرك نبيهم يترزقون الله وياكلون ويشربون في ديرتهم ما لهم ومال الطايرات . ما لك هم يا شبلي تلعب حيوما وتاكل عيش ان شاء الله مع ابو امجد ومشاكس الاشاوس رجال الهيله ونعمك بهاك اللحى ،
يا حيوما حيم لوحي ،،،طارت الطير بارزاهها لوحي يالوحي

[قائد الطابور]

والله يلي ما يسمع كلام ( ابونقشه ويسلك ) لخليه زي البس في القفص ، واذوقه المر العلقم ، احنا ليا نوينا انا وابو نقشه كلا العالم يسكت ، والخراط اللي ماله داعي يقعد عند اهله ورعنة ورعان ما نبي .
ان شاء الله تمسي اموركم يا عيال العم وتاخذون اللي تبونه ، والله اني من يمينكم لين يساركم بس اركدو اركدو .