المـــركـــاز ( والقنبلة الموقوته )

[سنا الهجرة]

المشاركة الأصلية كتبت بواسطة أبو عبدالرحمن

صح لسانك يا أبو عبدالله..

وعلومك كلها حكم وخبرة ..

[poem="type=0 bkcolor=#99FFCC color=#006633 font="bold medium 'Segoe UI', Tahoma, Verdana, Arial, Helvetica, sans-serif""]

قنَّدْت برَّادي وقرّبت مركاي=واطلقت هاجوسٍ طرى الحين دوبه




عساني القى في المعازيب شرَّاي=أو واحد(ن) همه يكفر ذنوبه

طرالي المركاز واببدي الراي=خذوا برايي .. والا لا تاخذوبه

معذور لو شفتوني آسَحِّب اخُطاي=نفسي على بعض الأمور امْغَلُوبه

لا مُتَّهِم طايع ولا مُبْرِي عَصَّاي=درئ المفاسد (باب) غيري نجوبه

أحسن لكم قولوا لمركازكم بااااي=تروه صار بمنتدانا عقوبة

ماشبهه ياكود طلعه. وبالباي=خلطه على ما قيل غير امْحَسُوبه

حتى ولو مكشوف للرايح الجاي=رقابته لاشك فيها صعوبه

أقل رواده يسوي سواياي=يمزح ومزحه فيه بعض العذوبه

وابليس يرقص له على نعمة الناي=مرات من خلفه ومرات صوبه

بالذات من هو فاقد الزاد والماي=يفرح بصوت الغيث والا هُبُوبه

وشلون لو يسمع سلام العرب هاااي=عز الله ان جُنُون فِكْره غَدوبه

لاحد يقول العقل ماهو بخطَّاي=كم من عفيف(ن) صُحْبتة غرَّروبه

والنفس مسرح للهوى والهوى يااااااااااي=مَكْثَرْ متاهاته ومًقْصَر دروبه

مَكْمَنْ خطر وابليس للناس غوَّاي=يالله دخيلك فالعفو والمثوبه

[/poem]

صح أبدانك يابو عبدالرحمن

توك تعرف اني مخضرم يا مدير .. بس الحمد لله إنها ما زعلتك ولا زعلت أصحاب القرار في ذا

ومشكور على التنسيق
والله ياهو يتعبني تعب .. الله يسامح اللي تعبث فيه وسوى فيه هذي السواة

[سنا الهجرة]

المشاركة الأصلية كتبت بواسطة حاكم الشوق

صح لسانك

مميز دوما

صح أبدانك أخي حاكم الشوق

وكذلك مرورك الله يحفظك

[سنا الهجرة]

المشاركة الأصلية كتبت بواسطة العنكبوت

مشاء الله تبارك الله ياسنا صح لسانك على هذه ألقصيده العذبة لو انك قايلها قبل اختم الموضوع كان صوتك من ضمن حظر وجب علينا إضافته

المشاركة الأصلية كتبت بواسطة العنكبوت

بصراحة استمتعت بها كثيرا ورغم ابتعادي عن المنتدى الشعري إلا إنها شدتني بقوه

يبن الحلال أنت ختمت موضوعك وهي باقي على الدافور . . وتوها استوت

والا انا كنت أبيها مشاركه فيه لكن ما لحقت عليك

ولك حرية التصرف اذا رغبت في نقلها لموضوعك .

أتمنى أنها تكون سبب في جذبك الى منتدى الشعر . ونتشرف بتواجدك معنا هنا

[سنا الهجرة]

المشاركة الأصلية كتبت بواسطة الذيب

احب المزاح اللي من النوع هذا

لك من تحيه وصح لسانك

وش نسوي يالذيب مثل هذي الامور ما تجي الا كذا على شان ما تواجه بمضادات ارضيه عنيف تبطل مفعولها.


الله يحييك ويسلمك وصح ابدانك

[سنا الهجرة]

المشاركة الأصلية كتبت بواسطة الهـامـــور

الله عليك الله

لكن وين هذي المشاركة من أول الشهر

كان لها طلب أكثر في ذاك الوقت





صح لسانك ويعطيك العافية

مثل ما قلت للعنكبوت . عيت تستوي بسرعه وتخبر رمضان شهر عباده وكل يوم اسوي بيت ويادوب خلصت .



صح ابدانك وعلا شانك طال عمرك والله يعافيك يالغالي

[النجم الساهر]

معذور لو شفتوني آسَحِّب اخُطاي نفسي على بعض الأمور امْغَلُوبه

الاخ الشاعر مشرف الواحة

صح لسانك

الرسالة وصلت وعسى الله ان ينفع بها وهذا هو سنا الهجرة لايتكلم الا اذ حسه امر

قواك الله ونفع بك هنا وهناك

[اميره بكلمتي]

يعطييييك الف عافيه

[سنا الهجرة]

المشاركة الأصلية كتبت بواسطة النجم الساهر

معذور لو شفتوني آسَحِّب اخُطاي نفسي على بعض الأمور امْغَلُوبه

الاخ الشاعر مشرف الواحة

صح لسانك

الرسالة وصلت وعسى الله ان ينفع بها وهذا هو سنا الهجرة لايتكلم الا اذ حسه امر

قواك الله ونفع بك هنا وهناك

الاخ الشاعر المحبوب النجم الساهر

الرساله لم تكتب الا لكي تصل وارجو من الله أن تصل للقلوب والعقول في وقت واحد

الله يجزاك خير ويكتب لك التوفيق أينما كنت

[شايب فله]

ألف شكر على هذه القصيده ...
وليتني أطلعت عليها قبل أن أكتب فيما طرحته ثماليه والعز ليه
لأوردت منها
وإبليس يرقص له على نغمه الناي
............ مرات من خلفه ومرات صوبـــه
بالذات منه فاقد الزاد والمـــــاي
.............. يفرح بصوت الغيث والا هبوبه

علماً أن ترابط كامل القصيده كان جميلاً وقبل هذا الوصف فإنني أستبيح جميع الشعراء
فلم أكن شاعراً لأُسجل مدحاً أو إنتقاداً ..

ولكن الإعجاب كان دافعاً قوياً لتسجيل الشكر والثناء ..

[سنا الهجرة]

المشاركة الأصلية كتبت بواسطة بنت الأكابـــــــــر

يعطييييك الف عافيه

الله يعااااااااافيك يا بنت الاكــــــابر


أشكر لك مرورك