ابوفهد الحشيشي حياك الله مطلوب

[سنا الهجرة]

الله الله الله .. وش ذا العلم .. وش ذا العلم

الليله الليله الملعبه لها طعم ورائحه فايحه

ابن داخل ... الحشيشي .. يا طيبكم ويوم الله يجيبكم

متابعين باستمتاع

[بن داخل]

سنا الهجرة
الطيب بو جودك ووجود ابو فهد

[ابو فهد الحشيشي]

النحل في جوف عوده لاتطش ثياره=والعسل في السوق غالي مرتفع تثمينه



ماتعلمت العرب ومنفذين الغاره=كاتم الاسرار من قبل امس لاهالحينه

[ابو فهد الحشيشي]

العواني الطيبين والمشاهدين الاعزاء

كل باسمه وحضوركم وتواجدكم يهمنا

تواجدكم راقي وحضوركم يشرف

الارسال عندي ماهو باللي ولاودي كل منكم له تحيه خاصه ولكن اعذروني

[بن داخل]

[poem="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الجيوش تقودها الفرسان وسط غباره = والبديوي مايعذر في معزه وضينه
سد مارب يتهمون انه بسبة فاره = وابن داخل مايصدق هرج ماله بينه
[/poem]

[بن داخل]

يابو فهد حياك الله تحية لمطر
أنت أخ وعزيز والاتصالات هذا شغلها مع كل الناس

[ابو فهد الحشيشي]

اثر ابن داخل سوات اجحا على مسماره=عنقله مسماره وطاري الرجل ياشينه



علم في خاطرك يابوزيد دور غاره=والله ليصبح علاك الصبح وانت دوينه

[بن داخل]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الونيت اللي تسوقه لا تطفي انواره =تنقلب فالدرب وتعلم عليك جهينه
لا تعنى فالزمان اللي بلتك اقداره = ما خبرت ان المصلي يب يغير دينه
[/POEM]
أبو فهد بيض الله وجهك
وصح لسانك
ودنا نتعلم منك والهدف التسلية
الختام عندك وتصبح على خير حال

[أبو عبدالرحمن]

ما عندي جهاز ..ولا اتصال!
اتصفح من الجوال؟
اعذرونا على التقصير

[ابو فهد الحشيشي]

لد في خط الحويه كم معه سياره=كل سواقٍ يحرف طارته بيمينه




وانت مع خط المشاه تباري المراره=الخطر يهون للي ماشي برجلينه



بيض الله وجهك ياصاحبي بن داخل والله ما علاك زود ياراعي العلوم الوافيه

ونتشرف بالمحاوره معك والرجال الطيبيين امثالك العراف والشكر للمتابعين والسلام