تهانيكم للمشرف الجديد

[ما عندكم أحد]

لا هنا ولا بقا يا منقاش
حشمتك من حشمة الرجاجيل اللي ليلة زواج بن عزاب قاعدين معك
وانا رجال تراني ما اندس عن الرجاجيل , ان كانك شجيع فانا شجيع وعدني من اليوم خصمك ومنافسك على الاشراف على المنتدى
دامها الدعوة رشح نفسك انا ارشح نفسي وعندي برنامج انتخابي يسدح بعشرة من مثلك
تفع ريال ادفع مقابله عشره
واعلن من الان استعدادي لاي من اعضاء المنتدى
اللي يبي يتزوج يبشر بمخيام مدالنظر في عرض نصف طوله مفروش بزوالي وكهرب وماطور وشعار وصف على راسه حسن بن عابد
واللي يبي سيارة يبشر يروح لصالة الثمالي ويتنقى الفورد اللي يبي وحسابه واصل
وعلاج واشتراكات ديسل
انتخبوا ما عندكم أحد ليصبح عندكم أحد

[@ بن سلمان @]

منقاش وما عندكم أحد
ذكرتوني بسالفة الرجال اللي جالس على طعامة وحوله ثنين من الرجال قام واحد منهم يغسل يده , وقال الثاني إن فلان يغسل يده بياكل معنا , رد عليهم وقال لا أنت ولا هو .
هاه ثنينكم تفلحوا الله ودوروا لكم مكان غيره

[ابو عادل]

أماااااااااااااااااااااااااااااااااااا بعد:

غبت عن المنتدى أسبوع واحد واستفردت وفردت عضلاتك وقمت تصدر قرارات يامنقاش الغشاش . أبشر بمن يخلي علومك طشاش.

لعلمك المنتدى اشتريته من المالك الأصلي أبوعبدالرحمن وأنا اللي أقرر وقد قررت مايلي:
ــ يجرد منقاش من كل شيء ونبقي له على حماره فقط .
ــ يطرد منقاش مع حماره ولايطلق صراحه الا على بعد (100) كم من المنتدى.
ــ تفرض عليه الاقامة الجبرية بمنطقة صحراوية تحت خيمة باكستانية ويجلس بين الشمس والفية.
ــ يبقى الأعضاء والمشرفون كماهم ويبقى أبوعبدالرحمن بكامل صلاحياته مديرا للمنتدى
وسحبت منه صلاحية استضافة منقاش أوتجديد العضوية له.
ــ يكلف منقاش بالقوة الجبرية بإحضار شركة نظافة على حسابه الخاص تقوم بتنظيف آثار الحمار .

ــ يعهد لأبي عبدالرحمن بتنظيف كل مقالات وكتابات وخواطر( وركب) منقاش الغشاش البكاش.
ــ يعامل اسم(منقاش) فيمابعد على أنه (Virus) ويتم التعاقد مع شركة برمجة لعمل برنامج
لمكافحة فيروس منقاش بحيث تتصيد هذا الاسم ولاتبقي له أثرا بالمنتدى.

والله الهادي الى سواء السبيل.

[المشتاق]

المشاركة الأصلية كتبت بواسطة منقاش

ويعين المشتاق مسعول 24 ساعه عن حماري يضرمه ويروشه وياخذ بخاطره .....

أيش كلام
ايش مسعول حماري
أيش دخل أنا ياخذ بخاطر حمار مال انته
اصلا على قولة بدو أنته والحمار بكرامة راسين في بشت
كيف أنا دخل راس في بشت مال أنته

[بنك المعلومات]

المشاركة الأصلية كتبت بواسطة منقاش

.
ويعين المشتاق مسعول 24 ساعه عن حماري يضرمه ويروشه وياخذ بخاطره .. ويعين بنك المعلومات مشرف عام على المشتاق ,, ويعين العمده على وظيفة حلب الحمار ويعين ابن عواض مساعد له ..
...

الا ما لقيت لي الا هذه يا قليل الخاتمة
أنا لو بلى الله ودي أكون ساقي حتى إذا حلب العمده الحمار أجي وأسقيك حليبه اللي على العادة تشربه على الريق .
حسبي الله على بليسك خليتنا نغلط على العمده .
اللي أستغربه حلم الاداره عليك وسبحان مصبرهم
لكن الامل في الله ثم مكنسةأبو تركي

[منقاش]

هنا الشيخ منقاش الشريف
السلام عليكم ورحمة الله وبركاته , ومبروك عليكم مشرفكم الجديد منقاش , وبعد :
ابن سلمان , ما عندكم أحد , ابو عادل , الشيخ مشتاق , بنك المعلومات : مشكورين اللي عبرتم عن رايكم , وهذي التيمكراطيه , يعني ما فيه عندنا حجر فكري ولا تكميم للافواه ,,, لكن أن كنت منقاش لصرها لكم واوريكم النجوم قايله على أقوالكم , لكن قدام وبعد شويه , بس خلوني أتمكن ...
وبعدين خذوا في بالكم أنكم انتم خمسه من عشرين الف ثمالي وثماليه لهم حق التصويت ..يعني أن قلتم تم ما زدتم في النسبه وان عارضتم ترون معارضتكم مثل طقعة النمله اللي ما أحد دري عنها ,,, واما الأخوان الصامتين مثل ابن داخل وابن عزاب وابو هاشم والمستعين بالله والكافت فصمتهم كافيهم لأن السكوت علامة الرضى ..
والخلاصه , كل كلامكم لا يقدم ولا يأخر , أنما المهم العمده الجبان ما عاد له ذمر , أذا كان طيب الباقي بسيط ولو غاب عن عمله بنك المعلومات موجود وما هو مقصر ..

[أبو عبدالرحمن]

أبو عادل

تم تنفيذ بعض القرارت التي أشرتم بها...

وباقي القرارت في طور التنفيذ...

[الشيهان]

ماتخسي يامنقاش ياخراط اصلا من يوم ادعيت انك طرحت الاباتشي بالبرنو دريت انك اكبر نماك

استدراجي لك كان لاهداف امنيه بحته لكي اجليك واعريك امام الجمهور واكشف نواياك السيئه وتوجهاتك الانبرياليه واطماعك الصهيونيه انت واتباعك ومعاونيك ومن ساندك وشايعك في توجهاتك المقيته

يابو عبد الرحمن لي طلب عندكم خلوا راعي المكنسه يحتاش بها منقاش
بس تكفون خلوا حماره في المنتدى يبقى جسدا له نهاق عسى الله ان ينفع به ويكون خير خلف لهذا السلف

[ما عندكم أحد]

المشاركة الأصلية كتبت بواسطة منقاش

واما الأخوان الصامتين مثل ابن داخل وابن عزاب وابو هاشم والمستعين بالله والكافت فصمتهم كافيهم لأن السكوت علامة الرضى ..
..

حتى الرجال الكمل ما خليتهم
لا وتزيد عليهم المستعين بالله والكافت

صدق فيك ابو امجد

[حسن عابد]

الله الله الله كل العالم ضدك يامنقاش اقول ماباقي معك الا تستخدم الفيتو ضدهم
انت عندك توقيع فخم يشهد بانك شيخ الشيوخ ويدلك على التصدي للعدوان على شخصية عالمية مثلك
اللهم انصر منقاش
اللهم ولي عليهم خيارهم واكيد منقاش
منقاش منقاش منقاش اذا طلع على المعاش يحتاش الاوباش ويوديهم الكراش بدون فراش