الله يعينك يا مخاوي

[رويعي الغنم]

أنا أشهد أنك كذوب يبو أمجد , ولا يذكرني بكذبك الا كذب منقاش ومخاويه
وبعدين كذبكم يالثلاثه كله خراميط ما هو زي كذب الرجال من بعض أعضاء هذا المنتدى اللي يبي يكون محترم لو تطردون منه .

[مخاوي منقاش]

صدقت يابو عادل ولاكن اللي يفهم مثلك قليل (عيبك الوحيد) القصيدة اللي يترزز بها منقاش الكلاب لاكن نبيك تنقضها بوحدة من العيار الثقيل بارك الله فيك0
ابو عبدالرحمن ابشر وغالي طلب رخيص وحرصا مني على مشاعر الاخوان وخاصة اعتبر نفسي منكم (الامنقاش) 0وانا عارف ان منقاش يعمل لوبي وابو محمد العوفي كلمني البارح الساعة 3 صباحا يترجاني اني ماانشر القصة لانه احد شهودها وقالي ان منقاش( يخاف) منك وانا بيني وبينة مصالح واخاف على مصالحي0
ابو نايف 00لا تتحمس للرجال وانت ماتعرف علومه ولا قصدك رجال بحشرة
ابو امجد 000انا اعرف ان هناك من يجاهد في نفسه واناس يجاهدون باموالهم وانت بارك الله فيك تجاهد عدو الله منقاش بقلمك البتار فانت على ثغر من ثغور الاسلام مادمت تذب عني هذا الباغي0

[منقاش]

اليوم ضحى كنت أتقهوى من الخمره على الدكه قدام زريبة الحمار ومعي الشيخ ملاطم ذبان خشمه وسعلني في طرف سوالفنا عن مخاويني , رديت عليه وقلت : خلينا في حزه رحمانيه دخيلك , وأقطع ذكره هو وابو أمجد زفت وابن عزاب زفت وابو تركي زفت وبقية الشله التعبانه اللي ما تسوى بصله ولا يستاهلون أطريهم في مقاعد الرجال.
كان يضحك حتى تفلقح على ظهره , ثم استقعد وقال : يا شيخ المشايخ يا منقاش , أنا ما أنسى موقف حصل لي مع قليل الخاتمه مخاوي منقاش . رديت عليه : أي بالله عليك تروي اللي سار.
قال ملاطم ذبان خشمه : ترى مخاويك من جنب القده ولا عندك أحد , وذكر قصص كثيره عنه بعضها تجهي بالقطر , لكن منها واحده أضحكتني حتى أرتزت رجيلاتي في السما من الضحك .
يقول فيها أنه سافر الرياض واستقبله مخاوي في المطار ويوم خرجوا من الصالات لمواقف السيارات ومخاوي يتلدلد يمنه ويسره ويفتش في جيوبه مثل المخبول يدور لمفتاح سيارته ,, ثم يقول ملاطم أنه سعل مخاوي وقال :
لا تكون المفاتيح طاحت منك يا مخاوي في صالات المطار؟؟ .
رد عليه مخاوي وقال : أظني نسيتها ورايه في البيت .
يقول ملاطم رديت على مخاوي وقلت : يا ولد أنت بعقلك والا مجنون , كيف تقول نسيتها في البيت وانت جاي المطار بسيارتك ؟.
ثم يقول أنه فتش جيوبه ولقي المفاتيح ضايعه في واحد منها ,, ومن يومها يقول عرف أن مخاوي من جنب القده وانه ما عندك أحد وانه راعي خراميط حكي وبس .. لي

[منقاش]

ألأخوان اللي ما زفت لهم يعذروني على النسيان وهم :
العمده مروق المنقه وابو هاشم زفت ورويعي الكلاب زفت وراعي النحل زفت وراعي القصيده زفت وراعي عزيمة القرى زفت والنتيف زفت ومخاوي منقاش زفت وبوش زفت وبن يامين نتن ياهو زفت وكوندليزه رز زلطه .

[مخاوي منقاش]

خذ ردها يالهيس الاربد//// سنة من هالسنين يابو عادل ولا يهونون الربع جيت للطائف00 واسكن عند منقاش حيث انه وصاني على اشياء يالله اللوري يشيله شي له وشي للحمار وشي يتجمل به عند كبار المسؤلين ولا انتم ياثماله مالكم الا غثاه ولسانه الوقح وعقب يومين قالي انت تخبر رفيقتا اللي اشتغل معنا بالشركة الي فتحت الهداء اخو مزنة قلت اعرفة ايش فيه عسى ماشر قال لا بس تعلمت علومة وعرفت انه ساكن باطراف الحوية وش رايك عقب العصر تروح نتقهوى عنده قلت يارجال مستحين والرجال اعرفة كريم واحوالة الله يعلم بها ويحلف منقاش الا نروح 00رحنا للرجال وجيناه قبل المغرب رحب الرجال وفرح فينا وتقهوينا ويم صلينا المغرب قلت لمنقاش مشيتا ويحرم المعزب مانخطي خطوة الا بعد العشا جلسنا ويم صلينا العشاء جاب السفر وكان معنا رجالين من جماعتة جاب العشا وقال سمو الله يحيكم 000 جلسنا على عشانا والرجال فوق روسنا يعتذر عن القصور واكلت انا والرجالين ومنقاش كاف يده همست لمنقاش ليه ماتاكل قال يابا علي مااقلط على تيس0
وباكر اكمل القصة انشاالله0

[ابن ابي محمد]

يا مخاوي أنت وخويك منقاش
نصيحة لكما أن تثوبا الى رشدكما وان تكتبا ما ينفعكما ويفيد قراءكما
والآن أريدكما أن تطلعا على سلوك رجال من أهل المبادء حولوا حال هذه المرأة وغيرها من حال الى حال :
#

وذلك على الرابط ألآتي :
http://www.thomala.com/vb/showthread.php?t=12909

[سنا الهجرة]

مع أنني لا أفقه كثيراً مما تقولون

لكن أحب أن أسجل حضوري

وابدي إعجابي بالسرد القصصي

الذي يشد القارئ من أول كلمه

بصراحة (نمك) على كيف كيفك

ولا أدري وش الصدق و وش الكذب

إنما

كتاب مبدعين فــ القصة القصيره

ولكن إنتبهوا لانفسكم ولا تتعمقون بعلوم مالها سنع

وتعوذوا من إبليس وطعموا عيالكم أزين لكم

[مخاوي منقاش]

ياابن ابي محمد ثكلتك امك جايب لي قصص اللذين اسلموا
اولا نحن واثقين من ديننا انه الدين الحق وان من وصلته حقيقة الاسلا م ووقع في قلبه سوف يسلم لا محالةونحمد الله الذي خلقنا من ابوين مسلمين ولكن مع احترامي لك كثرتها ولو جبتها قصة قصة كان يتحملهاالقاري
00ثانبا انا شايف انك من عقلا المنتدى بس خل نصايحك في بطنك لاخلي منقاش يتسلط عليك وانت عارف انه مهبول

[مخاوي منقاش]

:الاخ سنا الهجره انت تسال وتقول مادري وش الصدق من الكذب وانا اقول خلة قاعدة ثابته لك وللجميع مثل ثبات قادة الخطان المتوازيان لا يلتقيان مهما امتدا 00 والقاعده هي(كل مااقول انا صدق100% وكل مايقول منقاش كذب85% )
والان نكمل قصة التيس00000000000000
دخل المعزب علينا ومع طاسة ماء ومن يوم شاف منقاش ماياكل( وانا الاخس الرجال بعيوني )الا يوم تغير وجه المعزب وصار حمر واشوف الشرر يقدح من عيونه وينزل الما ويدخل لداخل البيت ولحظة الا ويدخل علينا معه الرشاش وانا اقولة العن الشيطان يارجال قال شف يمخاوي ابليس دار المملكة كله مالقاله زبون الا انا بهالليله ويوجه الرشاش على منقاش قال له كل يا(الخسيس مع كلامات اخرى) المعزب حاط لنا رز وفوقه اللحم وحول الصحن محلبيه(حلا) انا اسمع طقطقة سنون منقاش ودقات قلبه وصار يكحش بيده من المحلبية ويحطة على الرز ويحشى افمة ثم يقطع من لحم التيس ويدكها بفمه واطالع بوجه منقاش الا واشوف عيونه (مبلزه)واعرف انه غص واعطيه الما وسهل الله ومشت وصار ياكل من ركني واقوله منقاش ليه ماتاكل من ركنك ويرد علي والله ما ادله اكلت لين شبعت وكذلك الرجالين اللي معنا ومنقاش شبع بس كل مابغى يوقف التفت ورى وشاف الرجال مد يده للتيس وهبش منه وادخلها بفمه وانا اقوم وانعم على الرجال ونقوم الا منقاش ماقام وعرفت السالفة وارجع واجلس بجنبه وقلت للرجال دخل العشاء للداخل والرجالبن عرفو الوضع واستاذنوومشو وبوم دخل الرجالبالعشاء واسحب منقاش بسرعة واحطه على الحمار واتلطم من الريح لين وصلت ثماله والحمد لله ان الوقت متاخر ماشافنا احدمن الربع مثل ابن عزاب وابو امجد ولا كان فضحوه 00 ويدخل ويغسل ويرمي ملابسة وطول الليل كل ماغفي ودخل عيني النوم صرخ وش فيك منقاش قال شفت تيس يبي ياكلني لين اصبح الصبح والحمد لله فك الله عقلة 00 ونصحته وقلت انت مانت قد علوم الرجال خل المراجل لبو عادل وامثالة شرواي (شرواي الطيب)









































































ككك

[رويعي الغنم]

مقتبس من كلام مخاوي منقاش : (ابو امجد 000انا اعرف ان هناك من يجاهد بنفسه وناس يجاهدون باموالهم وانت بارك الله فيك تجاهد عدو الله منقاش بقلمك البتار فانت على ثغر من ثغور الاسلام مادمت تذب عني هذا الباغي) .
مخاوي منقاش : ألأوله , تصدق أنك كنت عندي مثل حمار منقاش حتى شفت قصة معزبكم مع منقاش , بعدها عرفت أنك ما انت حمار , لا أنت ولا أبو أمجد ولا ألأخوان اللي أنتخيت بهم .
والثانيه : بعد قريت كلامك اللي فوق واللي أستحثيت فيه الثعلب أبو أمجد على الجهاد , هبت عندي هبوب الشوق للجهاد معك أنت وابو أمجد ضد سويد الوجه منقاش , ولا يكفي جهاد الكلمه , نبغي أكثر شويه ,, يعني نحفر له حفره ونوقعه فيها منكس, بس ما تكون مثل حفريات البلديه .....